The coppy of a letter written by the Lord of Themines, Seneschall of Quercy to the lord marshall Matignon, the kings lieuetenant generall in Guyenne, concerning the battaile at Villemure, and the victory atchieued against the ennemies of his maiesty. Also, a decree of the court of parliament sittinge at Chaalons, against a rescript in forme of a bull, directed to the Cardinal of Plaisance, and published by the rebels in Paris, in October last. Faithfully done into English by E.A. Hereunto are adioyned, the reportes of certiane letters, of newes out of France, and Sauoya.

COPIE DE LA LETTRE DE MONSI∣eur de Themines Seneschal de Quercy, enuoyée à Monseig∣neur le Mareschal de Matignon, Lieutenant gen eral du Roy en Guyen, concernant la bataille de Villemur, & victoire ob∣tenue contre les ennemys de sa Maiesté.

MONSEIGNEVR, ie tiens de mon debuoir, de vous aduertir de ce, qui s'est passé deuant Vil∣lemur, & de l'occasion, qui me fit ietter dedans: C'est, qu'estant arriué en la ville de Montauban, i'y trou∣uay les affaires en si mauuais estat, & ledict lieu de Ville∣mur en tel dāger de se predre, s'il n'estoit promptement secouru, & ne voyant dequoy me mettre à la campaigne, ie me deliberay de m'y en aller auec cēt de mes compaig∣nons, & trois cens hommes de pied. I'en donnay la nou∣uelle à vous premierement, Monsieur, & apres à tout ce que i'estimois auoir de moyens, pour me venir releuer de sentinelle: car ie preuoyois que la perte dudict Villemur estoit tres-importante au seruice du Roy, & au bien de vo∣stre gouuernement: car celle-là prinse, toutes les villes de ces enuirons, qui sont dansle Quercy eussent quitté. Ceste necessité ne m'eust peu donner loisir d'attendre vostre per∣mission: car c'estoit ce que ie deuois. Vous receurez en ce subject, s'il vous plaist, Monsieur, mon excuse. Ie ne m'ar∣resteray à vous discourir des combats & sorties, qui se sont faictes durant vn mois, que i'ay esté assiegé, & que en noz sorties nous auons gaigné grand aduantage sur l'ennemy, prins des drappeaux, forcé des trenchées, tellement que se voyant trauaillez de ceste sorte, ils auroyent esté contraints faire des forts à tous les coings de leur camp. Durant ce temps Monsieur de Mommorency enuoya Monsieur de Leques, de Chambault, & de Montoyson pour secourir le∣dict

Villemur: & au bout de huict iours ils sevoulurēt ap∣procher des ennemis par vn fort, qu'ils firent semblant de vouloir attaquer, mais ce lieu fust secouru de l'armée des∣dicts ennemis, tellement que sans vouloir rien hazarder, ils s'en retournerent pour attendre de mes amis: entre autres Monsieur de Messillac, que i'auois employé, & lesieur Gis∣cart, & lesieur de la Lande, que i'auois laissé dehors pour assembler les forces du pays. Lors qu'ils ont esté arriuez, ils s'en sont venuz aux ennemis le lundy dixneufiesme de ce mois, & apres les auoir attaquez par le haut de leurs tren∣chées, & n'y trouuant toute leur caualerie en garde, ils ont esté forcez. Cest aduantage perdu, l'armée ennemie se mit en tel effroy, que sans rendre tant de combat, que ie croy∣ois, mesmes des estrangers, ils ont esté deffaicts, & la plus∣part noyez, mesmes monsieur de Ioyeuse, l'artillerie prinse, ou ily a cinq pieces de canon ou coleuurines, celles de la ville de Montauban y ont esté trouuées qui auoyent esté prinses au regiment de Monsieur d'Espernō, ou ie me trou∣uay auec douze cheuaux, & bien à propos pour sauuer vn canon, qu'ils auoyent abandonné, tous les drappeaux des∣dits ennemis prins, tous les chefs de gens de pied morts ou prins. Bref, Monsieur, c'est vne tres-grande deffaicte, il y a de morts, de douze à quinze cēs hommes, & enuiron de cent prisonniers. Vous me ferez bien l'honneur, s'il vous plaist, Monsieur, que lors que vous despecherez à sa Maje∣sté, vous luy ferez entendre le debuoir, que i'ay rendu à l'effaict de ce seruice: & meferez aussi, s'il vous plaist, l'hon∣neur de me commander. De Villemur, le vingtiesme d'Octobre, mil cinq cens nonante deux.