The begynnynge and foundacyon of the holy hospytall, [and] of the ordre of the knyghtes hospytallers of saynt Johan baptyst of Jerusalem

¶How the capytayne Gabryell martyningo came to the socour of Rodes. And all y^e s••laues in daunger to be slayne.

THe .xxiii. day of the same moneth a brygantyne aryued y^t was sent afore in to Candy / wherin came a worthy capy¦tayne named Gabryel martyningo with two other capy¦taynes. And there wēt to receyue him messire prou Iohn̄ pryour of saynt Gyles / and the pryour of Nauarre. Thā after his honourable receyuynge as to hym well aperteyned they brought him before the lorde grete mayster / that louyngly receyued hym / and he was gladly seen and welcomed of the people / as a man y^t was named veray wyse and ingenyous in feates of warre. Than came a spanyarde renegate fro the hoost / that gaue vs warnynge of all that was doone in the felde / and of the approchynge by the tren∣ches that our enmyes made. ¶And in lykewyse there arose a grete noyse in the towne that the sclaues turkes that wrought for vs in y^e dyches had slayne theyr kepers & wolde haue fledde / whiche was not so. Neuerthelesse the rumour was grete / and they rāge alarme / wherfore the sayd sclaues comynge to pryson as it was ordeyned in all the alarmes were met of y^e people whiche in grete angre put thē to dethe / so that there was slayne a .C. and mo the same day. And yf

it had not ben that the lorde grete mayster made to cry y^t none sholde hurte them they had ben all slayne / & there was .xv.C. of them / the whiche sclaues dyde grete seruyce in tyme of the syege. For they la∣boured dayly to make our defences•• & to cast erthe out of the dyches & in all werkes they were necessary at our nedes.