The chronicle of Ihon Hardyng in metre, fro[m] the first begynnyng of Engla[n]de, vnto ye reigne of Edwarde ye fourth where he made an end of his chronicle. And from yt time is added with a co[n]tinuacion of the storie in prose to this our tyme, now first emprinted, gathered out of diuerse and sondrie autours of moste certain knowelage [et] substanciall credit, yt either in latin orels in our mother toungue haue writen of ye affaires of Englande.

The .xxvi. Chapiter.

¶ Kyng Leyr of Brytaine gaue away with his doughter all his lande and had it all again, and dyed kyng possessid.

HIs soōne was kyng high sette in royaltee Of all Brytaynes by name y^t hight kyng Leyr Who Laiceter made after hym called to bee Cair Leyr his citee that buylded was full faire He had doughters three to been his heire The first of theim was called Gonorelle The next Ragan and the youngest Cordelle

¶ Emonges theim, as Leyr satte on a daye He asked theim, howe muche thei hym loued Gonorell saied more then my self ay And Ragan saied more then was after prouid For ioye of whiche, the kyng was greately moued I loue you more then all this worlde so fayre He graūted theim twoo, of thre partes to bee heire

¶ Cordell the yoūgest, then saied full soberly Father as muche as ye been in value So muche I loue you, and shall sikirly

At all my might and all my herte full trewe With that he greuid at hir and chaunged hewe Senne thou me loues, lesse then thy sisters twain The leest porcion shalt thou haue of Bryteine

¶ With that Maglayn duke of Albaine Gonorell weddid, and had the lande all out Euin of Walis, and of Cornwayle ther by That duke was of those twoo landes stoute Ragan weddid, to whiche twoo dukes no doubte Kyng Leyr gaue rule and gouernaunce Of all Bryteine, for age and none puissaunce

Notes

• Leyr kyng,