Here begynneth a ryght frutefull mater: and hath to name the boke of surueyeng and improume[n]tes

¶Howe a man shulde butte and bounde the medowes. Cap. xxii.

¶The long medowe belongyng to the townshyppe of Dale.

THe longe medowe lyeth vpon the northe syde of the northe felde / bytwene the said felde and the broke / that departeth the townshyp of Dale and the townshippe of Sale. and the West endes butteth vpon the way that leadeth to A. and the Eest ende of the same medowe vpon a close of the sayd lordes / cal∣led y^e parke close / & conteyneth. C. xxii. acres. this me¦dowe lyeth in dyuers shotes of length / sōtyme in two shotes of length / somtyme in one / & somtyme in thre. Than to begyn at the west syde next to the waye that gothe to A. on the ouer shot / the lorde hath four acres IC two acres and a halfe / the persone thre acres. IB two acres and a halfe. FG thre acres / the prioure foure acres / the lorde .viii. acres. And on the nether shot next vnto the broke next to the sayd hiwaye / FG two acres / the priour foure acres / GH halfe an acre / WC two acres and a halfe / RX sixe acres / the lorde vii. acres. Than to the long dolez y^t butte fro the said northe felde to the said broke. TS four acres / the {per}∣sone thre acres / IC an acre and a halfe / IB an acre and a halfe / the lorde sixe acres / PQ thre acres / HL thre acres. And at the nether ende of the sayde thre a∣cres / IK lorde of sale hath attached his weyre of his mylne of Sale / for the whiche attachement the sayd IK payeth to the lorde of Dale and to his heyres e∣uery yere .ii.s. at the feest of saynt Mighell tharchā∣gell / for all maner of seruyce. &c. Than to the ouer shotte nexte the sayd felde / GH an acre and a rodde /

WC thre roddes / RX an halfe acre / the lorde two a∣cres / the person halfe an acre / PQ halfe an acre / the priour two acres and a halfe / IC two acres / the lord four acres / TS two acres nexte to the parke close. Than to the myddell shotte next to the longe dolez / FG an acre / the person thre acres / IB two acres / the lorde four acres / HL two acres / y^e priour four acres next to the sayd parke close. Than to the nethermast shotte next the broke on the syde next to the longe do∣les / the {per}son two acres / RX thre acres / the lorde four acres and a halfe / GH dī acre / the priour two acr / WC two acres and a dī / IC dī acre / TS two acres / IB two acres in the corner next to y^e said parke close and butteth vpon the sayd broke. And if there be any mo medowes / than but them and boūde them in lyke maner / for the mo medowes there be and the fewer shottes / the better they may be boūded. for medowes go moost cōmenly by acres / halfe acres / and roddes / and they ought to be well staked bytwene euery man¦nes dole / and specially well stoned with great stones bytwene / & set on a great heyght that they synke nat farre in to the erthe / for the propertie of a stonne is to dyscende downewarde / and the propertie of erthe to ascēde vpwarde. Therfore they wolde be taken hede vnto be tyme / and amended whan nede is. And this me semeth suffycient. &c.