Anglia. THE .CXLIX. CHAPITER.
CUtbertus the neuew of Ethe∣lard{us} / began his reygne ouer ye westsaxōs, in the yere of grace .vii. hūdred & .xxix / and the thyrde yere of the seconde Theodoricus then kyng of Fraunce. In tyme of whose reygn Colwolphus reygned in Northum∣berland / to whome as before in the story of Ethelarde is touched, holy Beda wrote the story called Historia Anglicana. About the .ii. yere of the reygne of this Cutberte apperyd in the fyrmament .ii. blasynge starrys or .ii. starris wyth crestes / & caste as yt were brennynge brondes towarde the Northe.
And about the .vi. yere of the reygn of Cutbert dyed the foresayde holy Beda / the which in his tyme made & wrote .lxxviii. bokes, ouer and besyde his manyfold workes of vertue that he vsyd by all his lyfe tyme. It ys told of hym, that in his later dayes when he was blynd, he was brought by ye frawde of his leder vnto a great hepe of stonys / the whych his leder shewyd to hym was an assemble of men and women, that were thether comyn to here hym preache the word of god. Then he thynkynge hys re∣porte to be true / anon wyth great de¦uocyon beganne there a collacyon. And therof when he came to the ende the stonys by dyuyne power, in lyke¦nesse of a great multytude of people sayd Amen / or after the sayng of An¦toninus, Deo gratias.
He was so noble of lernynge and ex¦cellent in connynge / that the fyrste Sergius pope of Rome sent for him to assoyle q̄styons there made in the popes vniuersyte. Also his connyng is apparent in the bokes whyche he wrote super Genesim, super Thobi∣am, super Esdriam, su{per} Neemiam, wyth other, whyche wolde aske a longe tracte of tyme to reherse, wyth also the omelies made vppon the gos¦pellys / but I passe ouer▪ when he was dede / he was buryed at ye abbay of Gyruy / all be yt the comynyng is