Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

THE .CXLVIII. CHAPITER.

CHarles Martell hauynge the duke of Gascoyne thus recoū¦cylyd / sent hym wyth a certayne of knyghtes agayn the reste of the sayd Sarazyns / the whyche by hys man hode he oppressyd and subdued, and clerely voydyd the lande of theym. Then soone vpon this beganne the Burgonyons to rebelle / and made sharpe warre vpon the Frenchemen nexte adioynaunte to them, and dyd vnto the countrey and inhabitaūtes of the same great harme. The which warre / the sayde Martell that therin toke great payne, not without great payne, lastely yt appeasyd and them subduyd.

In tyme of the whyche warre so contynuynge / Endo before rehersyd duke of Gascoyne dyed. wherfore Charlis to sette that prouynce in an order and due obeysaunce, yode the∣ther. where he beynge busyed about the nedes of the same / tydynges to hym were broughte that the wanda∣lys which ben of the kynde or lynage of the Hunys before touched, hadde entred the land wyth an houge pow∣er and in wastynge the countrey, ap¦prochyd y^e citye of Senōs or Sens, and yt enuyroned or beclypped wyth a stronge syege. But by the vertue and strength of the archbyshop of y^e cytye named Ebe, Ebbe, or Obbo, wyth the assystence of the cytezyns of the same / the sayde cytye was defen∣dyd and delyueryd from the power of the fayde wandalys / & the power of them abbatyd and subduyd.

For these manyfolde incurcyons and assautys of enymyes, and rebel∣lyon of the countrees that were sub∣iecte to the crowne of Fraunce / the treasour of Fraunce, & specyally of y^e temporall people was sore minyshed and wastyd. wherfore in defence of all the lande / Charlis Martell made requeste to the spirituall men / & with great dyffyculte hadde yt graunted, that he myght leuy certayne dymys to wage therwith soudyours, & pre∣payre other necessaryes for y^e warre. Thys after the opinyon of some wri¦ters, was the fyrste tyme that euery spirytuall mannes money wythin y^e realme was occupyed to temporall vse. wherfore as yt is reported of dy¦uerse cronyclars / the sayde Charlis when he was ded, was sene by the byshoppe of Orleaunce named Ethe¦reus, to be in great payne and tour∣ment.

Then Charlis moued his hoste to∣warde the Burgonyons, that agayn were of newe styred and exhortyd by dyuerse persones to newe rebellyon. And after his comynge thyther, dyd execucyon vppon suche persons as he founde culpable / and not without batayll, sette the country agayne in

quyet / & then retourned into Fraūce.

But he rested not longe there, or he harde worde that the Almaynes, whyche dwellyd ouer or beyonde the ryuer called the Ryne / brake ouer in to Fraunce. These people are named in y^e Frenche boke Sesues / y^e which dyd great domage vpon the coun∣treys adioynynge to the sayde ryuer. But yt was not long after, or he had theym chasyd and subduyd / wyth al so an nother people called the Hunis or Gothys, that he before hadde also vaynquyshed. The whych after this seconde scōfyture / they assocyat vnto theym the kinge of Longobardes na¦myd Luytprandus. By whose assys¦tens and power, the forsayde Gothis wan the citye of Auygnon and other stronge holdes, to the great hurte of the Frenche men.

And for at this season Charlis was greued wyth sykenesse / he therfore sent his brother named Chyldebert to wythstande the sayde enymyes / y^e whyche bare hym so manfully, that he chasyd the sayde enymyes.

But thys saynge dyscordyth wyth other authours, whyche shewen that betwene this Charlis and Luytpran¦dus was contynuall amyte & frend∣shyppe / in so myche that Luytpran∣dus ayded & assysted the sayde Char¦lis to auoyde y^e Sarasins that were entryd a countrey of Fraunce called then Gallia cisalpina.

In this tyme that Fraunce was thus wrapped in these harde happes and batayllys / dyed the kyng Theo¦doricus, when he hadde occupied the name onely of a kynge .xiiii. yeres.