THE .CCXI. CHAPITER.
IN the tyme of thys Edwarde fyll passynge great snowe, the whyche began in the begynnynge of Ianuary, and so contynued tyll the xvii. daye of Marche or saynte Pa¦trykes daye / wherof the great quan¦tyte fyll in the weste countreys of Englande. And after that ensued great deth of men, and moreyne of beftes / and by lyghtnynge the corne vpon the ground that yere was won¦derfull brent and wasted.
Aboute the .x. yere of Edwarde as moueth Policronyca, and in the mo¦neth of September / Eustace erle of Bolongn̄ came a lande at Douer / whyche erle hadde wedded after the sayenge of the sayde authour, kynge Edwardes syster. Thys was parted frome hys companye in so secrete wyse, that hys knyghtes were fayne to serche for hym / wenynge to them that he hadde ben slayne by some of the dwellers of the towne. In the whyche serche they demeaned theym so vndyscretely, that they slewe a cy∣tezyne of Douer. By meane wher∣of the people arose / and in the ques∣tyonynge of thys mannes deth, ran at length vppon the erles company, and slewe .xx. of hys men, and woun¦ded many mo. Hastely the erle appe∣ryd and toke his mennys parte. But in conclusyon he was fayne to wyth∣drawe hym selfe with a few persons, and rode vnto the kynge then beyng at Glouceter / and made vnto hym a greuous complaynte of the men of Douer.
Then erle Goodwyne, for so moch as to hym was commytted the rule of Kente / was charged to ryde thy∣ther, and to take wreche of the inha∣bytaūtes of that towne. But he with sayde that commaundement / and counsayled the kyng to sende for the wardeyns of the castell of Douer and rulers of the towne, for to an∣swere to suche maters as were layde agayne them, and yf they were gylty to punyshe them, and ellys not.
This answere of Goodwyn̄ plea¦sed nothynge the kynge, nor suche as were aboute hym / wherfore ma∣ny mo lordes were sent for. Amonge the which Leofricus erle of Chester, and Sewarde erle of Northumber∣land of myne authour ben named. After whych assemble of ye lord{is} erle Goodwyne had suche monycyon of some of ye counsayll, yt he wythdrewe