Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

THE .CXCV. CHAPITER.

IN y^e story of thys noble prynce Edgare, I fynde wryten a sto¦ry, the whyche is alleged by the au∣thour, y^t it shulde be done by a kyng of Syrye named Cambyses, in the tyme of the reygne of thys Edgare. But in that sayenge he varyeth frō other authours and wryters very farre / as Uincencius hystorialis, An¦toninus, Ranulphus and other. For all be it the sayde acte was done by y^e sayd Cambyse, as the forenamed au¦thoure affermeth / yet it was by the sayd Cambyses executed, longe be∣fore the incarnacyon of Cryste. For thys Cambyses was the sonne of Ci¦rus kyng of Parsys and of Medis, whyche reygned ouer those prouyn∣ces about the yere of the worlde .iiii. thousand .lxx, before the commynge of Cryste folowyng the accompte of thys worke .xi. hundred yeres & .xxix. But it myghte be, y^t the whyte mon∣ke that was authoure or wryter of this acte to the story of Edgare / was moued for the greate iustyce that he radde in the story of thys Edgare, thynkyng to enhaunce it by the rea∣son herof / where he sayth that in the tyme of thys Cābyses, a iudge was to hym accused and conuycte vppon the same accusacyon, that he hadde gyuen a wronge sentence by meane of takynge of mede. wherfore thys Cambyses to the terrour and fere of other / commaunded the sayde iudge to be flayne quycke, and the skynne to be spred ouer the place or stole of iudgement / and that done, made the sone of the foresayd iudge to sytte as iudge in the place, where hys fader before sat / wyth these verses wryten vppon the face of the sayde place of iudgement as foloweth.

Sede sedens ista, iudex inflexibilis sta, A manibus reuoces munus, ab aure preces Sit tibi sucerna, sex, sux, pessis{que} paterna Qua recedes natus, pro patre sponte datus.

whyche verses maye be englysshed in maner and fourme as foloweth.

Thou that syttest in thys iudycyall place,

Sytte vp ryght, & holde thyne han∣des from mede, Thyne erys from prayer, & fauoure from the chace / Let lawe be thy gyde, kepe iustyce in thy rede. Thy faders skynne, whych doth thy chayer sprede, Haue in thy mynde, fall not to lyke offence Leste for thy faute thou make lyke recompence.

AS I haue before shewed this acte was put in execucyon y^e xi.C. yere and odde before the com∣mynge of Cryste. And syns the sayd cōmynge or incarnacyon haue expy∣red .xv. hundred yeres & more / which all maketh ouer two thousande .vi. hundred yeres. In all whyche tyme I haue nat radde in any cronycle of thys lande nor other where, that any iudge hath ben put to lyke sentence. wherfore it is to presuppose, that in the lawes bothe spyrytuall & tempo¦rall / all iudges haue wel borne these verses in mynde, and exercysed them in mynystrynge of dewe iustyce, as perfytely as theyr cusshons had ben fresshely lyned wyth the foresayde skinne / & emprīted so narowly these verses in the boke of theyr cōscience, that they in all theyr iudgementes set asyde all parcyalyte and fauour / and holde theyr handes from all me∣des and rewardes / so that now it is thus wyth more, or ellys thus it shulde be.