And that wyth other thynges or∣deryd and done for the weale of hys realme / Lewys than toke vpon hym to ryde about hys lande, to thentent that he myghte be somwhat enfor∣med of the rule of hys offycers / and how the countreys were ruled by the rulers of them. And where he found any mysgouernaunce / he punysshed the executers therof, as well ye bys∣shoppes as other, as farre as his au¦thoryte in that behalfe stretchyd.
Than Indith consyderynge the emperoure fell into greate age / and hyr sonne and his Charlis by name, had as yet no suffycyent landes nor possessyons to maynteyne any estate wyth: she compassed many wayes in hyr mynde, how she myghte acheue hyr entent, and to brynge it to good purpose. where fynally by counceyll of hyr frendes, to ye ende to purchase the loue and fauour of Lothayre / she axed of hyr lorde and husbonde, that the sayd Lothayre myghte be tutour and gyder of hys yonge sonne Char¦les. Of this request ye emperour was very glad, and graunted hyr, hyr pe∣ticion. And so it fell soone after, cer∣tayne messengers came to the empe∣roure from Lothayre hys sonne. To the whych whan Lewys had gyuen answere to such maters as they were sent fore, and gyuē vnto them other instruccyons / he sent them forthe a∣gayne, and with them certeyne other to wylle his sayd sonne to come vnto hym in as goodly wyse as he myght. But at that season he excusyd hym by sykenesse / and whan he was reco∣uered he fayned an other excuse.
In thys meane tyme worde was brougth to the emperoure, that hys sonne Lothayre had greued ye chyrch of Rome / and takyn from it certeyne possessyons. wherewyth Lewys be∣ynge before amoued, sent vnto hys sonne / cōmaundynge hym in sharpe wordes, yt he shulde haue in mynde the othe before by hym made / & that he shulde in exchewynge his dysplea¦sure, make restytucyō of all thynges that he before hadde taken from the chyrch / the whyche cōmaundement Lothayre promysed to obey in all wyse. And where Lewys was deter∣myned to haue gone vnto Rome, to haue sene ye sayd promesse fulfylled / & also to haue spoken wyth the pope for dyuers maters nedefull for the chyrche: he was lette by occasyon of Danes or Normannes, yt than had newly inuaded the lōdes of Fraūce / the whyche he shortly after expellyd and droue out of hys londys.
And that done, the emperour yode vnto Aquysgrany / where by the fren¦des of Indith & other of the nobles of Fraunce, the emperour gaue vnto hys yongest sonne Charlis a porcyō of ye empyre, whyche after shall more clerely appere. And soone after at a counsayle holdyn at Cirycyake, be∣fore namyd in the presence of his son Lewys / he gaue to hym the order of knyghthode, & adournyd hym wyth kynges clothynge.
And ouer all thys in the presence of many lordes of Fraunce / he gaue to the sayde Charlys the hole coun∣trey of Neustria that now is named Normandye. Of whyche honoure and gyftes though hys moder were ioyous and gladde / yet hys brother Lewys was therewyth nothynge contentyd, whyche of Indith and of hyr frendes was well appercey∣uyd and knowen. wherefore as she before tyme had done / than of newe she made request vnto hyr lorde and husband, that he wolde of hys moste especyall grace graunte vnto hyr, that Lothayre myghte haue the go∣uernaunce of hyr sonne Charlys / the whych of hym was the seconde tyme graunted. Uppon whyche graunte