Anglia. THE .CXL. CHAPITER.
CAdwaladrus that of ye reuerente Be∣da is named Ced∣walla / beganne to aryse and rule the Brytons and also the westsaxons, in the yere of grace vi. hundred .lxxx. and thre / and ye .xii. yere of Theodoricus then kynge of Fraunce / and also the last yere of Ke¦newinus or Kentwinus then kynge of westsaxon. This of Gaufryde and other authours wyth ye englyshe cro¦nicle is called the sonne of Cedwall. But wyllyam that wrote the actes & dedys of kynges sayth, that he was the sonne of Kenebryght / and descen¦dyd lynyally of the blode of Cerdic{us} the fyrste kynge of the westsaxons. The which Cadwaladyr or Cedwal¦la made warre vpon Lothari{us} kyng of Kent, and destroyed myche of that prouynce / and wan the yle of wyght, and gaue the fourth parte therof vn¦to saynte wylfryde / in the whyche sayde .iiii. parte were accompted .iii. hundred housholdes.
The whyle that Calwaladyr was besyed in one parte of Kent / his bro∣ther named Mulkyn wyth a certayn of knyghtes was beseged, and laste¦ly brente in a nother parte therof. In reuengement wherof, Cadwaladyr of new destroyed a more parte of the sayde prouynce.
Contynuynge the whyche warre, Lotharius forenamed was woūded and dyed. After whom Edricus was kynge / ye whych reygned but a shorte season.
Aboute this tyme saynte Cutbert was byshop of Hogulstald or Dur∣ham / & after byshop of Lyndefarn. But lastely he rufusyd that / and be¦came an anker in the yle of Farne, and there dyed. This ile now is cal∣led holy ilande.
Thē Cadwaladyr made warre vp¦pon Athelwold kynge of Southsa∣xons or Southsex / and slewe hym in playne batayll, and after made hys prouynce thrall to hym. But thys agreeth not with ye former sayeng re¦hersyd in the .lxxx. & .xiiii. chapyter of this worke precedynge / where yt is sayde that the kyngdome of South∣saxons enduryd but a hundred .xii. ye¦res. By whyche reason this Ethel∣wolde or Athelwolde shulde not at this season be kyng of Southsaxōs. For the terme of a hundred and .xii. yeres was expyrd more then .lxxx. and .viii. yeres before this daye. But ye shall vnderstande yt this forsayde terme of a hundred and .xii. yeres / is ment for the contynuaunce of this kyngedome or they were subdued, and the kynges therof named vnder kynges as this Ethelwold was.
Then yt foloweth when Cadwa∣ladyr hadde ruled the Brytons and also the westsaxons, by the terme of thre yeres, as wytnessyth Ranulphe munke of Chester / he then of pure de¦uocyon renouncyd the pompe and pryde of the worlde, and yode in pyl¦grymage to Rome / where of the fyrst Sergius then pope, he was confyr∣myd and after made a white munke, and contynued there hys lyfe tyme in perfyte holynes.
Of thys Cadwaladyr or Cedwal¦la many and dyuers opynyons are wryten of authours, both of hys rey¦gne and also of the contynuaunce therof / and ouer that, of the tyme whē he forsoke hys lande. wherin is great varyaunce, as I haue shewed