and Arnold vnto Clothayre / wil¦lynge hym to sende hastely into that prouynce. After the whyche message by these two lordes reported, Clotha¦rius shortely after spedde hym into Austracy / and at a castell called Ca∣thomat he lodgyd hym with hys peo¦ple. whereof herynge Brunechielde sent vnto hym / & gaue vnto hym mo¦nicyon that he shuld voyde the land, for so myche as Sygebert the eldest sonne of Theodoryche was therof ryghtefull enherytour.
ye haue harde before that Theodo¦ryche vsyd lemmans / of the whyche he receyued foure sonnes, yt is to say Sygebert, Corbe, Chyldebert, and Merone. wherfore ye foresayde Bru∣nechyelde entendynge to dystourbe Lothayre and all the lande / fortyfy∣ed the sayd Sygebert to clayme the lande of Austracye. And when Clo∣thayre hadde receyued knowlege of this maundemēt from Brunechielde or Bruncheuste / he sent to her answe¦re that he wolde assemble the lordes of Austracy, and be demed by theym, whyther thys land belonged to hym, or Sygebert. And she ferynge that sentence / excyted people of the pro∣uynce of Germanye to strength her partye, wyth all the people that she myght make of the sayde countre of Austracy. And that to bryng about / she sente one Garnery an other Al∣bon. Of this Garnery she hadde su∣speccyon that he shuld fauour ye par∣tye of Lothayre / wherfore to Albone hys felowe she sente letters, that he shulde put the sayde Garnery away. whē Albone had ouer rad the letter / he brake yt in peces & threwe theym from hym. And afterwarde a frende of Garneryes gaderyd the peces / and so ioyned theym that he concey∣uyd the sentence of the letter, and forthwyth shewyd yt vnto Garnery. when Garnery perceyued the maly∣cyous entent of Brunechielde, he kepte yt secrete to hym selfe: all be it that he by his secrete meanes caused the Germanyes that they shuld take no partye wyth Brunechyelde. And that done he retourned into Bur∣goyne / where wyth her and in her cō¦panye he solycyted so the lordes of Burgoyne, that some of them abhor¦red the crudelite of that woman. And when Garnery hadde in thys wyse compassed hys maters / he sent vnto Lothayr, & shewyd that yf he myght haue hys grace and safecondute / he wolde come to hym and shew to hym thynges concernynge hys aduaun∣tage. All the whyche was graunted.
Then Clothayre by counsayle of ye sayd Garnery assembled his power / & shortly sente a strenght of theym in to Champayne and Cathaloyne / where yt was shewed that Sigebert hadde gatheryd great strenghtys. Then forsoke the party of Sigebert many nobles of Austracye / amonge the whyche myne authoure nameth Rucco, Sigoldus, and Enulanus, and yelded them to the mercy of Clo¦thayre. Then shortly after the hostes of Clothayre and Sygebert mette / where Garnerye, by tokens betwene hym and dyuerse of the captaynes of Sygebert before assygned, ye sayd captaynes wyth theyr people wyth∣drewe them, so that Sygebert wyth hys two bretherne Corbo and Mero¦neus gaue backe whyle they came to the ryuer of Sigoune / where after lytle resystence the foresayde two bre∣therne were taken. But the frenche cronicle sayth that all foure brethern were there taken. All be yt mayster Gagwyn sayth, that Sygeberte by the vertue of hys horse escapyd / so that he was not after that daye seen.
And soone after thys victory Bru¦nechyeldes, which also of the frenche cronycle ys named Bruneheuste /