Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

THE .LXX. CHAPITER.

IN this passetyme whyle Con∣stantyne occupyed hym in ne∣des of thempyre as aboue is shewed: Octauius beynge lieutenant in the lande of Brytayne vnder Constan∣tyne, ruled the lande to the pleasure of the Brytons a certayne of tyme. But when he perceyued that he was in fauoure of them, and that Con∣stantyne was farre from hym / cas∣tynge also in his mynde, that y^e sayd Constantyne beyng then emperour, wold or myght not lyghtly retourne into Britayn: he therfore with helpe of his affynyte and frēdes, withstode the Romaynes lefte in Brytayne of Constantyne / and vsurpyd the rule & domynyon of y^e lande. wherof whē certayntie came to y^e knowlege of Cō¦stantyne: he in all hast sent into Bry¦tayne a duke named Trahern̄, the whyche was vncle vnto Heleyne mo¦der of Constantyne. when this Tra∣hern̄ was arryued in Brytayne with

iii. legions of knyghtes: anon Octa¦uius made towarde hym wyth hys Brytons / and wyth hym mette nere the citye, then called Kaerperis, now called Porte chestre or Porchestre / but more verely in a felde nere vnto the cytye of Kaerguent, that now ys called wynchester / whych felde then was named Maesurian. The .ii. ho∣stes mette wyth great ire, and fough ten longe whyle. But in y^e ende Tra¦hern̄ was compelled to forsake the felde / and after drewe wyth his Ro∣maynes towarde Albania or Scot∣lande. wherof Octauius beyng war¦ned, folowed hym / and in the coun∣tre of westmerlande gaue vnto hym the seconde batayll, where then Oc∣tauius was chasyd & Trahern̄ was vyctour / the whych pursued Octa∣uius so egerly, that he cōpelled hym to forsake the lande of Britayne, and to sayle into the countre of Norway for his sauegarde.

But yt was not longe after, that the sayde Octauius gaderyd a newe people of Brytons & Norways, and was redy to retourne agayn into Bri¦tayne. In whych tyme, as testyfyeth myne authour Gaufryde / an erle of Brytayne that entyerly loued Octa¦uius, by treason slewe the sayd Tra¦hern̄ a lytell before the landynge of the sayde Octauius. whyche shortly subdued the Romaynes and y^e lande to his owne vse. This shuld be after moste concordaunce of wryters, whē Constantyne wyth also the ayde of Trahern̄, hadde ruled this lande of Brytayne by the terme of .x. yeres.