THE .LIIII. CHAPITER.
GUyderius the fyrste sonne of Kymbalyne / beganne his rey¦gne ouer the Britons, the yere of the worlde .v. thousande .CC. & .xvi. And the yere after Cristes incarnacyon ye xvii. yere. This man was welthy & trusted mych in his strēgth. And for he thought the Romayns hadde the forenamed trybute with wronge: he therfore of a knyghtly courage de∣nyed to the Romaynes the sayde try∣bute. wherfore Claudi{us} whych was vncle vnto Caius Caligula the .iiii. emperour of Rome: came into Bry∣tayne with a great armye of Romay¦nes / & as wytnessyth Policronica, cō¦queryd and wanne agayne the sayde trybute wythout great fyght. And yt done / he also subdued the yles of Or¦chades or Orkeys, whych stande be∣yonde Scotlād within the great Oc¦cean / and after tourned agayne to Rome the .vi. moneth after that he came thens.
The cronycle of Englande, and al¦so Gaufryde saye, that in the hoste of the Romaynes was a captayne na∣med Hame or Hamo / the whych en∣tendynge hurte and destruccyon of ye Brytons, chaunged his shelde or ar∣mure, & dyd vppon hym the armure of a Britayne. And by that meane as a Briton mysclad, he entred into the thyckest of the hoste / and lastely vn∣to the place where as kynge Guyde∣rius faught, & shortly after slewe the kynge. But Aruiragus seynge this sodayne myschyefe, to the ende yt the Brytons shulde not gyue backe: he hastely causyd hym selfe to be armed wyth the cognysaunce of the kynge. And so for kyng cōtynued the fyght, wyth such māhode, that the Romay¦nes were put to flyght.
Thus by accorde of wryters Guy¦derius was slayne of the foresayde Hamo / when he hadde reygned ouer the Brytons by the concordaunce of other hystoryes .xxviii. yeres, leuyng after hym none heyre of his body to guyde the lande after his deth.