THE PROLOGE
WHan I aduertyse in my remembraunce
The manyfolde storyes, in order duely sette
Of kyng•• & princes, ye whilom had gouernaūce
Of Rome and Italye, and other further fette
As of Iewes & Grekes, the whyche haue no let
But that men may se in order seryously
How longe they reygned, & how successyuely.
Of Fraunce and other I myght lykewyse reporte
To theyr great honour, as of them doth appere,
But to Englande yf I shall resorte
Ryght mysty storyes, doutfull and vnclere
Of names, of tymes, and of the duraunt yere
That kynges or prynces ruled that famouse yle
Almoste vncertayne how I shuld guyde my style.
And for of cunnynge I am full destytute
To brynge to frame so great a mystery:
I nyll presume wythout other refute
To ioyne suche a worke, or yt to rectyfye
To me yt semyth so farre sette awrye
In tyme of yeres, to other dyscordaunt
That to my dull wytte yt is not atteynaunt
To brynge in order a thynge of suche weyght
And cause yt to agre wyth other olde storyes,