to the Frenche kynges possessyon. Kynge Edwarde beforetyme hadde commytted one of the towres of Ca∣leys vnto a Ianuay to whō he mych trusted. wyth the whyche Ianuay a knyght of Burgoyn named syr God¦frey de Charny, was very famylyer / in so mych that the sayd syr Godfrey at conuenyent leysex brake vnto the sayde Ianuay, for the betrayenge of ye towne of Caleys. The which gaue vnto hym lykynge answere / so that the sayd Ianuay agreed for certayn sōme of money to be payde in hande, to deliuer vnto the sayd syr Godfrey and suche other as he then shulde brynge wyth hym, the towre that he then hadde in kepynge. By meane wherof he shulde shortly after haue the rule of the towne. In tyme of dry¦uynge and of apoyntynge of whiche bargayne as sayth the Frenche cro∣nycle / this Ianuay sent secrete word vnto the kynge of Englande / requy∣rynge hym in secrete wyse to come vnto Caleys. The whyche then hol∣dynge hys Crystmas at Hauerynge Bower in Essex, vppon the morowe after newe yeres daye toke hys shyp¦pynge, and landed that nyght at Ca¦leys, in so secrete maner that fewe of the towne knewe of his there beyng.
whan the daye of apoyntmente of delyuery of this foresayd towre was comyn, and thys Ianuay hadde re∣ceyued hys payment / at an houre as∣sygned bytwene the sayde syr God∣frey & hym, a tokē was gyuē by thys sayde Ianuay, that the Frenchmen shulde drawe nere vnto ye sayd towre to wynne theyr pray.
Then the sayd syr Godfrey wyth a certayne noumber came wythin ye daūger of the towne of Caleys, war∣nyng ye resydue of hys cōpany that they shuld tary there tyll he were en∣terde ye towne / & than at his sendyng to come in all spedy wyse. But so soone as the sayde syr Godfrey was nere vnto the towre, a busshment of sawdyoures were sente out at a pos∣sterne / the whiche closed hym and his Frenchemen vpon all sydes, & slewe of them many. Amonge the whiche, syr Henry de Boys knyght, with syr Gautyer de Ualence, and syr Robert of Beuuays knyghtes, were slayne / And the sayd syr Godfrey taken sore wounded / and the lorde of Mount∣morency escaped with great daūger, the whithe gaue warnynge vnto the other company and returned theym into Fraunce. Than the sayd God∣frey de Charney was layde vpon a¦borde, and so presented vnto kynge Edwarde the whiche had suche pyte of hym, that he cōmaunded his owne surgyons to loke vnto hym, and to cure hym in theyr best maner. And whā he was somdeale cured he was sente as a prysoner with other into Englande.
In this yere also the kynge cau∣sed to be coyned grotes & halfe gro∣tes, the whiche lacked of the weyght of his former coyne .ii. s. vi.d. in a .li. Troy. And aboute the ende of Au∣gust sessed the mortalyte or dethe in London / ye whiche was so vehemet and sharpe within ye sayd cytie, that ouer the bodyes buried in churches, and churcheyerdes, monasteries and other accumed buryeng places / was buryed that same yere in the charter∣house yerde of London .l.M. perso∣nes and aboue.
This yere also was ye yere of Iu∣bile or clene remyssyon, whiche is kept at Rome at euery .l. wynter ende lyke as the yere of Iubile or grace is contynued at Cauntorbury.
And thys yere by the laboure of two cardynalles sent from pope Cle∣mēt the .vi, was a peace cōcluded by∣twene the two kynges of Englande & of Fraūce for a yere, nere vnto the