O Blessed lady Christes mother dere,
And thou saynt George that called art her knight
Holy saint Denys o marter moste entere /
The sixt Henry here present in your syght,
Shedeth of your grace on hym your heuēly lighte /
His tender youth with vertue doth auaunce,
Borne by discent & by title of right,
Iustly to reygne in Englande & in Fraunce.
THis solēpne coronacyon with all honour and ioye finysshed prouycyon was made for the kynges iournay into Fraunce. In whyche passetyme, that is to meane vpon ye xxiii. daye of Ianuary, an heretyke was brent in Smythfelde.
And vpon the morowe next folow¦ynge, was in that felde foughten a stronge fyght / betwene Iohn̄ Upton̄ Appellant, & Iohn̄ Downe Defen∣dant. But for they quyt theym bothe so manfully / the kynge at length re∣lesed theyr quarell, and pardoned thē of theyr trespas.
Than vppon saynt Georges day folowyng, or the .xxiii. day of Apryll / the kynge toke shyppynge at Douer and landed the same daye at Calays / hauynge in hys company .ii. dukes, of yorke and Northfolke, thre bys∣shoppes, of Bathe, Ely, and Roche∣ster, eyght erles, that is to meane, of Huntyngdon, Stafforde, warwyke, Orenforde, Deuynshyre, Morteyne, of Ewe, and of Urmund / and .xi. ba∣rons, that is to saye, lord Bowchier, Beawmounde, Typtost, Fytzwater, Roos, Arundell, Awdeley, Fawcun∣brydge, Gray, Codnoor, the lorde Scroope, and the lorde wellys.
In thys tyme and season that the kynge laye thus at Calays / many skyrmysshes were foughten betwene the Englysshemen and the Frenche∣men in dyuers partyes of Fraunce. And greately the Frenchemen pre∣uayled by ye helpe of a woman / which they as before is touched named the Mayden of god. So that lastly she wyth her company came to a towne called Compeyne, to the entent to re∣moue the syege layde thereunto by ye duke of Burgoyne and other of the Englysshe capytaynes. And therup∣pon the .xxiii. daye of May, she gaue batayll vnto Englysshmen and Bur¦gonyons / and faughte wyth theym longe tyme. But in the ende, by the manhode of a Burgonyon knyghte named syr Iohn̄ Luxemburghe, she was taken on lyue, and her company dystressed, and she caryed to the citie of Roan / and there kept a season, for so moch as she feyned her with child. But whanne the contrary of it was knowen / she was there foriuged and brente.
Of thys woman Gaguynus ma∣keth a great processe, of her parenty, and of her fyrste takynge vppon her / whereof a parte I entende to shewe after in the .vi. yere of Charles nexte folowynge kynge of Fraunce.
And in thys tyme and season, one Rychard Hounden wolle pakker of London, was conuycte of heresy and brent at towre Hylle. Than kyng Hēry thus lodgynge at Calays, was asserteyned of the takyng of the fore∣sayd woman, by the letters of ye duke of Burgoyne. And after he toke hys small iournayes tyll he came into Fraunce, and so vnto Parys. Of whose cytezyns he was honourably receyued, & taken for the soueraygne & kynge / and there so taryed all thys mayres yere. In whych seasō as wyt¦nesseth Gaguynus / the Frenchemen wan dyuers holdes of Englyshemen and Burgonyōs in the countrey of Brye. And a capytayne named Bar∣basan scomfited .viii.M. Englyshmē and Burgonyōs, at a place called in latyne Cathalamencis, as affermeth the foresayd auctour.