Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

Anno domini .M.CCCC.xxi.		Anno domini .M.CCCC.xxii.
	Rycharde Gosselyn.
Robert Chycheley Grocer.		Anno .x.
	wyllyam weston.

IN the begynnyng of thys may¦res yere and .vi. daye of Decē∣bre / was kyng Henry the .vi. borne at wyndesore. And in y^e .ix. day of y^e sayd moneth began a parlyament at Pou¦lys. By the whych was graunted to the kyng a fyftene and a deme of the clergy. And for the coyne of golde at those dayes was greatly mynysshed wyth clyppyng & wasshyng, to great hurte of the commynaltye / therefore at thys parlyament it was enacted & agreed, that in the paymente of thys ayde to the kyng graunted / hys offy¦cers shulde receyue all lyght coynes of golde, so that they wanted nat in weyghte ouer the rate of .xii.d. in the noble. And yf any noble wāted more than .x.i.d, or any other pese of golde after the rate / thā the owner to make vp the value to .vi.s.viii.d. By reasō of thys also, syluer, as grotes & pens were geson / for all men put forth the golde and made store of syluer. This yere also after Easter, the quene toke shyppyng at Southampton, & say∣led to the kynge into Fraūce / where she was honourably receyued of her father and mother, & of the cytyes & good townes. And in the cytye of Pa¦rys vpon whytsonday, the kyng and she sat crowne at Dyner, whych had nat before tyme ben sene of any kyng of Englande.

In thys mayres yere also, but the x. yere of the kyng and .x. daye of Au∣gust / a new wedyrcok was sette vpō the crosse of saynte Paulys steple of London. Thā kyng Hēry beyng styll occupyed in hys warres in Fraunce, & dayly wynnyg vpon the Frenchmē in thys sayd moneth of Auguste and x. yere of hys reygne / he waxed syke at Boys in Uincente, and dyed there lyke a good crysten man vpō the last daye of August, whan he had reyned ix. yeres .v. monethes and .x. dayes / le¦uyng after hym hys onely yonge son Henry of the age of .viii. monethes & odde dayes. And than hys body was enbawmed and ceryd, and after brou¦ghte vnto westmynster / as in the be∣gynnynge of the nexte mayres yere shalbe shewed. And in the moneth of Octobre folowyng, dyed the French kyng father vnto the quene, as in his story before is declared.

who that wolde take vppon hym to reherce all the conquestes and triū¦phaunt victoryes opteyned by thys moste vyctorious prynce, wyth other laudable dedes / he shulde to reherce thē ceryously make a great volume. But where to fore I haue shewed to you breuely some part of the famous dedes of thys excellente prynce, tou∣chynge the actuel dedys of his body / nowe I wyl breuely touche the actes done by hym for the meryte of hys soule. And fyrste for asmoche as he knewe well that hys father hadde la∣boured the meanes to depose y^e noble prynce Rycharde the second, & after was cōsētyng to his deth / for y^e which offence hys sayde father had sente to Rome, of that great crime to be assoy¦led / and was by the pope enioyned, y^e lyke as he had beraft hym of hys na∣tural and bodely lyfe for euer in this world, that so by contynuall prayer and suffragyes of y^e churche, he shuld cause hys soule to lyue perpetually in the celestyall worlde / whyche pe∣naūce for that hys father by lyfe dyd nat perfourme, thys goostly knyght in most habūdaūt maner {per}fourmed it. For fy••st he buylded .iii. houses of relygyon / as the Charterhous of mō¦kes called Shene, the house of close nonnes called Syon, and the thyrde was an house of obseruauntes buyl∣ded vpon that other syde of thamys, and a••ter let fall by hym for the skyll that foloweth as testyfyeth the boke or Regyster of mayres.

where it is reported that after this

noble prynce had thus founded these sayd .iii. houses, and endowed theym wyth cōpetent landes / he of a goost¦ly dysposicion wyth a secrete cōpany for to vpsyt them and to se how they kepte theyr dyuyne seruyce / wolde dyuers tymes go fro hys manour of Shene nowe called Rychemounte vnto the sayde thre places, for y^e cau∣ses abouesayde. At whyche tymes and seasons he euer founde the twoo houses of monkes and nonnes occu¦pyed as theyr statutes requyred. But the thyrde hous whyche was of Frenche fryers, he fande sondry ty∣mes neglygente and slacke in doyng of theyr duety. wherefore he called before hym y^e father wyth some other of that place, and reasoned wyth thē sharply, why none otherwyse they en¦tended theyr diuyne seruyce, & praied more specyally for hym as they were bounde of duety. whereunto it was after pardon requyred lastely by the sayde father answered, that in conue¦nyent wyse they naturally might nat praye for hym and hys good spede, consyderynge that he dayely warred vpon theyr fathers and kynnesmen, and slewe of theym and spoyled thē dayly / and enpouerysshed that lāde, whyche they of very kynde ought to loue and praye for. After whyche an∣swere thus by them made / the kynge auoyded the hous of them, and tur∣ned the lande thereof to suche vse as hym best lyked, and suffred the hous to fall in ruyne. And ouer thys great acte of foūdyng of these .ii. religious houses / he ordeyned at westmynster to brenne perpetually wythoute ex∣tinccion, iiii. tapers of waxe vppon the sepulture of kyng Rychard / and ouer that he ordeyned therto / to be continued for euer, one day in y^e weke a solempne Dirige to be songe, & vp∣pon the morowe a masse / after which masse ended certayn money to be gy¦uē, as before is expressed with other thynges in y^e begynnyng of this kyn¦ges reygne. And ouer thys his great besynesse in warre natwithstādyng / this most cristē prīce by his lyfe chase his place of sepulture within the fore¦sayd monastery / & there ordeyned for hym to be songe .iii. masses euery day in the weke whyle the world lasteth, in maner and forme as by these ver∣ses folowyng doth appere.

Henrici missae quinti, sunt hic tabulatae. Quae successiue sunt per monachos celebratae.

¶Prima fit Assumptae de festo virginis almae. Poscit pusiremam Christus de morte resur gens. Dominica ¶Prima salutate de festo virginis extat. Nunciat angelicis laudem postrema choreis. ••unc ¶Esse deum natum de virgine prima fatetur. Commemora natam, sic vltima missa Mariam. Martis ¶Prima celebretur, ad honorem neupmatis almi. Vltima conceptam denunciat esse Mariam. Mercurij ¶Semper prima coli, debet de corpore Christi. Vltima fit fata, de virgine purificata. Iouis ¶Concedet vt prima, celebretur de cruce sancta. At{que} salutate fiet postrema Mariae Veneris ¶Omnes ad sanctos, est prima colenda supernos. Vltima de requie, pro defunctis petit esse. Sabati ¶Semper erit media, de proprietate dei. Omni die

¶Missa Assumptionis M••tiae. Missa dn̄ieae resurrectionis. 1 ¶Missa salutationis Mariae. Missa annūciatiōis Mariae. 2 ¶Missa natiu••tatis Christi. Missa natiuitatis Mariae. 3 ¶Missa sancti spiritus. Missa conceptionis. 4 ¶Missa corporis Christi. Missa purificationis. 5 ¶Missa sanct̄ae crucis. Missa salutationis Mariae. 6 ¶Missa omnium sanctorum. Missa de requie. 7 ¶Missa diei quotidie.

¶whyche verses may thus to vnletteryd be englysshed.

Loo here is noted and put in memory, That ouer these actes noble and Marcyall / Thys excellent prynce, thys fyfte kyng Henry, Hys soule to endowe he was memoryall. For wyth suffrages whyche euer laste shall, Of masses thre that folowe ceryously, At westmynster he ordeyned to be sayde dayly.

Upon sondaye the fyrste masse to begynne, Deuoutly to be sayd, of the Assumpcion Of our blessed Lady / and nat thereafter blynne, But than the latter of the resurreccion. And on the mondaye, of the Uisitacion The fyrste masse after ordeyned is. Of the Annunciacion the latter masse sayd is.

Upon the tuysday, to kepe the ordre iust, The fyrste to be sayd of crystes Natiuite. Than of our Lady byrth the latter folow muste. On wednysdaye, the holy ghost halowed to be. And of the Concepcion the thyrd wylled he. The thursday to synge the fyrste of Corpus xp̄i / Of the Purificacion the laste of our Lady.

Upon the frydaye, a masse of crystes crosse / And of the Salutacion the latter for to synge. And for of daye or tyme shuld be no losse Upon saterdaye, the fyrste of that mornynge A masse of all sayntes to pray for the kynge. Than masse of Requiem to be laste of all. And euery day, the day masse amyd these masses to fall.

¶Lenuoy.

¶ O mercifull god, what a prynce was this, Whiche his short lyfe in marciall actes spent In honour of conquesi / that wonder to me it is, Howe he myght compasse suche dedys excellent / And yet for that his mynde nothynge detent, Al•• ghostly helthe for his soule to prouide, Cut of his world or he fatally shulde slyde

So that though I had Tullyes eloquence, Or of S••••ek the great moralyte, Or of Salomon the perfyght sapience, Or the swete dyties of dame Caliope: Yet might I nat in prose or other dytte, Accordyngly auaunce this princes fame, And with due honour to enhaunce the same.

Consideringe his actes, wherof percell appere In this rude w••rke / with many mo left out / The tyme also, whiche was lesse than ten yere, That he so shortly brought all thynge about / By diuine grace forthryd without doute, That myghtfull lorde he hal••e his ghostly knyght With grace & honour to passe this worldes sight.

And to haue rewarde dowble & condigne. And first for marciall actes by hym doone,

To be auaunced amonge the worthys Ny••e And for his vertues vsed by hym efte soone, With many good dedes which he in erth had done Aboue the Hierarches he is I trust now stalled, That was on erth / kyng of kynges called.

Anglia. ¶ Henry the syxte.

HEnry the .vi. of y^e name, and onely sonne of Henry the .v, & of quene Kathryn dough¦ter of Charles y^e seuenth kyng of Fraunce / began hys reygne ouer the realme of Eng∣lande, the fyrst day of September, in the yere of our lorde .M.iiii.C. & .xxii. and in the ende of the laste yere of the reygne of the foresayde .vii. Charles than kyng of Fraunce.

Thys Henry for the insufficience of hys age, whyche as before ys she∣wed was but of .viii. monethes and odde days / was commytted vnto the rule of hys vncles, the dukes of Bed¦forde and of Glouceter. The whyche durynge hys none age ruled the real¦mes of Englande & of Fraunce ho∣nourably / as the duke of Glouceter protectour of Englande, and duke of Bedforde regent of Fraunce. Than vpon the .xxi. day of October duryng thys mayres yere Robert Chyceley / dyed at Parys the aboue named vii. Charles kynge of Fraunce. By reason of whose deth, by force of ap∣poyntemēt before made betwene Hē∣ry the .v. and hym, as before is tow∣ched in the seuenth yere of the sayde Henry / the realme of Fraunce & right thereof fylle vnto the yonge kynge Henry. To whose vse the nobles of Fraunce, excepte a fewe of suche as helde wyth the Dolphyne, delyuered the possession therof vnto the duke of Bedforde, as regent therof durynge that nonage of thys kynge.

Notes

• Byrthe of 〈◊〉〈◊〉 the fy••te.
• Sonday.
• Monday.
• Tuysday.
• wednysdaye.
• Thursdaye.
• Frydaye.
• Saterdaye.
• Quotidie.