Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

Anno dn̄i. M.CCCC.xiiii.		Anno dn̄i. M.CCCC.xv.
	Iohn̄ Mychell.
Thomas Fawcomer Mercer.		Anno .iii.
	Thomas Aleyn.

IN thys yere after the kynge had made suffycient prouision for all thynges cōcernyng his warre to be made vpon the Frenche kyng / he wyth hys lordes honourably accō¦panyed, rode thorugh London vpon the .xviii. daye of Iuny, towarde the porte of Southamton̄ / where he had appoynted hys hoste to mete wyth hym. And whyle the kyng there was shyppynge of hys people / dyuers of hys lordes, that is to say syr Richard erle of Cambrydge and brother vnto y^e duke of yorke / whyche syr Rychard beryng the name of Langley, hadde wedded dame Anne the doughter of syr Roger Mortymer erle of March and wolster / by whome he had yssue Isabell, whyche after was maryed vnto the lorde Boucher erle of Essex, & Rycharde whyche after was duke of yorke & father to kynge Edward y^e iiii. To whome also wasassētyng syr Rycharde Scrop than treasourer of

Englande, and syr Thomas Graye knyght, were there arrestyd for trea∣son, and areygned, and so examyned vppon the same, that the .xxix. day of Iuly folowynge they were all thre behedyd. After whyche execucyon so done / the kynge vpon the morowe or shortely after, wyth hys lordes toke shyppynge there, & landed at a place called Kydcaus in Normandy. And the .xvi. daye of Auguste / he sayde syege vnto the towne of Harflew, & assayled them by land and by water / and contynued so hys syege vnto the xxii. daye of September. At whyche daye as sayth the French Gaguin{us}, it was delyuered by Albert thā there capytayne / vppon condycyon that kynge Henry myghte sauely wynne or passe to Calayes, and so he beyng there, the towne to be yolden vnto hym. But the Frenche wryter Gag∣uinus vpholdeth the honour of the Frenchemen in all that he maye / and boroweth of hys conscyence for spa∣rynge the trouth in reporte of many thynges. For after moste wryters, y^e sayde towne after sondry appoynte∣mentes of rescouse / was delyuered vnto the kynge wythout any condy∣cyon the daye aboue. sayde. where af∣ter the kynge had ordeyned syr Tho∣mas Beauforde hys vncle and erle of Dorser capytayne of that towne / he spedde hym towarde Calays.

Than the dolphyn with other lor¦des of Fraunce, whyche at that tyme hadde the realme of Fraunce in gouernaunce, for so moche as the Frenche kynge was vysyted wyth suche malady as before I haue she∣wed / brake the brydge to let y^e kynge of his passage ouer y^e water of Sum. wherfore he was cōstrayned to draw towarde Pycardy / & so passe by y^e ry∣uer of Peron̄. wherfore the Frēchmē beynge ware / assembled and lodged thē at certayne townes named Agyn¦court, Rolandcourt, and Blangy, wyth all the power of Fraunce.

And whan kyng Henry sawe that he was so besette wyth hys enemies / he in the name of god & saynt George pyght hys felde in a playne betwene the sayd townes of Agyncourte and Blāgy / hauyng in hys companye of hoole men that myght fyght, nat pas¦syng the nombre of .vii.M. But at those dayes the yomen hadde theyr Lymmes at lybertye / for theyr hosyn were than fastened wyth one poynt / and theyr iackes were lōge & easy to shote in, so that they myghte drawe bowes of great strength, & shote aro∣wes of a yerde longe, besyde the hedde.

Than the kyng consyderynge the great nombre of hys enemyes, & that the acte of Frenchmē standeth moch in ouer rydyng of theyr aduersaryes by force of speremē / he therfore char∣ged euery boweman to ordeyne hym a sharpe stake, & to pytche it a slope before hym / and whā y^e sperys came, somdeale to drawe bak, & so to shote at the horsemen. And at the proper re¦queste of the duke of yorke, he ordey¦ned hym to haue y^e vawewarde of y^e felde. And whā kyng Hēry had thus prouydently ordered for hys batayll ouer night / vpon the morowe beyng the .xxv. daye of Octobre, and y^e daye of the holy martyrs Cryspyne & Crys¦pinian / the kyng caused dyuers mas∣ses to be songen. And where that nyghte before, the Englysshe hoste was occupyed in prayer and con∣fessyon / he thanne caused the bys∣shoppes and other spyrytuall men, to gyue vnto theym generall ab∣solucyon.

And that done / wyth a comforta∣ble chere ordered hys people as they shuld fyght, hauyng vnto thē good & comfortable wordes / & so abode y^e commynge of theyr enemyes, whych

of dyuers wryters were and are re∣membred to be about .xl. thousande fyghtynge men.

The whyche aboute .ix. of y^e cloke in the mornynge, wyth greate pryde set vppon the Englysshe hoste / thyn∣kynge to haue ouer ryden them shor∣tely. But the archers, lyke as before they were taught pyght theyr sharpe stakes before them. And whan they sawe the French galantes approche, they a lytell yode backe & receyued them as here after ensueth.

The batayll of Agyncourt.

THat is to meane, they shotte at theym so feruently, y^t what wyth the shotte, and goryng of theyr horses wyth the sharpe stakes, they tumbeled one vpon an other / so that he or they which ranne formest, were the confusyon of hym or them that fo¦lowed / so y^t in a shorte whyle a great multytude of horse & men were layd vpon the grounde. And after theyr shotte spent / they layde aboute them with theyr glaynes and axes, that by the greate grace of god and comfor∣table ayde of the kynge, the vyctory fell that daye to the Englysshemen / and with lytell losse of theyr cōpany. For after the opynyon of sondry wry¦ters / were slayne y^t daye of Englishe¦men, the dukes of yorke and of Suf¦folke / & not ouer .xxvi. parsons moo. But of Frenchmen were slayne that daye after Englysshe wryters, ouer the nomber of .x. thousande. Albeit y^e French Gaguinus sayth, that of the Englyshe hoste were slayne the duke of yorke, and with hym .iiii. hundreth men / and of the French hoste .iiii.M. men of name besyde other / whiche he numbreth not.

Also he affermeth to be horsmen at that felde vppon the Frenche par∣tye .x. thousande ouer and besyde the fotemen / and that the Englyshemen were nombred at .xv.C. spere men, & xviii.M. of yomen and archers.

At thys sayde batayle was taken prysoners, the duke of Orleaūce, the duke of Burbon̄, y^e erle of Uēdosme, of Ewe, of Rychemount, and Bursi∣gaunt thanne marshall of Fraunce / wyth many other knyghtes & esquy∣res, whych were tedyous to name, to the nōber of .xxiiii. hūdreth & aboue, as wytnesseth the boke of mayres.

And in thys batayle were slayne of the nobles of Fraunce, the dukes of Barre, of Alanson, and of Brabā, viii. erles, and barons aboue .lxxx. wyth other gentylmen in cote ar∣mours to the nomber of .iii. thousāde and aboue. By reason of whyche pyl¦lage the Englysshemen were greatly auaunced. For the Frenchmen were so assuryd of vyctory by reason of theyr great nōber, that they brought the more plenty of rychesse wyth thē, to the ende to bye prysoners eyther of other / and also after the victory by them opteyned, to shewe vnto En∣glysshemen theyr pryde & pompous araye. But god whyche knewe the presumpcion and pompe tourned all thynge contrary to theyr myndes & ententes.

whan the kynge by grace and po∣wer of god, more thā by force of man hadde thus gotten this tryumphaūt vyctorye, and retourned hys people frome the chase of theyr enemyes: tydynges were brought vnto hym, that a newe, hoste of Frēchmen were comynge towarde hym. wherfore he anone commaunded his people to be enbatayled / and that done made pro¦clamacions thorough the hoste, that euery man shulde slee hys prysoner. By reason of whych proclamacyon, the duke of Orleaunce and the other lordes of Fraunce were in such fere, that they anone by lycence of y^e kyng

sent such worde vnto the sayd hoste, that they wythdrewe them. And the kynge wyth hys prysoners vpon the morow folowyng toke hys waye to∣ward his towne of Caleys / where he rested hī duryng this mayres tyme.