Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

Anno domini .M.CCCC.iii.		Anno domini .M.CCCC.iiii.
	Thomas Fawconer.
wyllyam Askam.		Anno .v.
	Thomas Pooll.

IN thys yere soone after Cādel¦masse, the foresayd lorde of Ca¦style trustynge to wynne a l••ke enter¦pryse, as in the yere passed he hadde done / he beynge accompanyed wyth a stronge nauy of Frēche men & Bry¦tons, was encountred wyth the En∣glyshe floot within .ii. myles of Deer¦mouth at a place called Blak••pooll▪ where after lōge and cruell fyghte y^e sayd lord was slayne, wyth the more partye of the people, and dyuers of hys shyppes takē / as wytnesseth the Englysshe cronycle wyth dyuers o∣ther Englysshe auctours. But the Frēche boke excuseth thys scomfy∣ture of Frēchmen, and sayeth that by treason o•• a Gascoyne named Pe••y•• or Perot de Languyle, whyche she∣wed vnto the sayd lorde Castyle that he had espyed certayne Englysshe shyppes in a Greke lyghtly wythout resystence to be takē / caused the sayd lorde to make sayle towarde the sayd towne of Dartmouthe. where after he had contynued a certayne tyme hys course / he espyed the hoteflo••e of Englyshe men whyche made toward hym / and so at the sayde Blake pool encount••••d and faughte, and lastely escaped the daunger of hys enemyes as testyfyeth the sayde French cro∣nycle▪ but ••atte unhurt / for he was so woūded in that fyght that he dyed shortly after.

And the moneth of Apryll folow∣ynge,

the duke of Clarence wyth the erle of Kēt & many other lordes, toke shyppynge at Meregate, & so sayled vnto Scluce in Flaūders. And after the sayde duke had there refresshed hym & hys company, he toke shyp∣pynge agayne / and holdynge hys course towarde Swyn̄e, he was en∣coūtred wyth .iii. greate carykes of Ieane / the whyche he assayled, and after longe bekerynge them toke be∣ynge laden wyth marchaūdyse / & so wyth that pray retourned to Cambre before wynchelsee / in the whyche ha∣uen the sayd goodes were cāted and shared. But how it was, by varyaūce amonge them selfe or otherwyse / one of the sayde carykes was sodeynly fyred & so cōsumed. For restytucyon of whyche goodes & shyppes, y^e mar∣chaūtes Ianuēce made after great & longe sute to the kyng & his coūsayl / in whyche passetyme they borowed cloth, wolle & other marchaundyses, amountyng vnto great and notable sommes of dyuers marchauntes of Englande. And whanne they sawe that they myghte haue none hope of recouery of theyr loste / they so∣deynly auoyded the lāde, and lafte y^e foresayde notable summes vnpayde, to the great hynderaunce and vtter vndoynge of many Englysshe mar∣chauntes.

In thys yere a yoman named wyl∣lyam Serle, somtyme yomā of kyng Rychardes Robys, was takē in the marches of Scotlāde and broughte vnto Londō / & there in the guildhall areygned for the murder of the duke of Glouceter at Calays. Upō which murder he was attaynt & conuyct / & vppō the .xx. daye of Octobre he was drawē from the towre vnto tyborne, and there hāged and quartred / & hys hed was after set vpō Londō brydg, & hys .iiii. quarters were sent to .iiii. sondry good townes.