the which he knewe well wolde lene more to his weale, than to the cōmen weale of this lande or of his subiec∣tes. Also that where before tymes ye kynges of Englande vsed to sende out commyssyons vnto burgeses of cyties & townes, to chose of theyr fre lybertie suche knyghtes of the shyre as they thought mooste weale∣full for the comen weale of the sayde shyre & lande / nowe kyng Rycharde wolde appoynte the persones, and wylle them for to chose such as than he named / wherby his singuler cau∣ses were preferred, and the commen causes put by. Also kinge Rycharde thoroughe euyll counsell, commaun¦ded by his letters vnto the sheryffes of all shyres fewe excepted, that all persones of honoure within theyr countyes as well spirytuall as tem∣porall, shulde make certayne othes in generall wordes, and ouer that to wryte and seale certayne bondes for perfourmaunce of the sayde othes / and also for blanke chartour, which many men of substaunce were con∣strayned to seale to theyr great char¦ges. The people contynually mur∣mured and grudgyd, for these iniu∣ryes and many mo, whyche at the tyme of his deposynge were artycu∣led agayne hym in .xxxviii. sondry ar¦tycles / with also the rumoure that ranne vpon hym, that he had letten to ferme the reueneus of ye crowne, to Busshey, Bogot, and Grene / whi∣che caused as well the noble men of the realme to grudge agayn hym as other of the comon people. Thus cō∣tynuynge this mysorder within the lande / dyed syr Iohn̄ of Gaunt duke of Lancaster, at the bysshoppe of Elyes place in Holborne / and from thens was caried vnto saint Pouls, and there vppon the north syde of ye quyre honorably buryed. At whose enterremente all the chefe lordes of Englande were present. For whom after was foūdyd by dame Blaūche hys wyfe an honorable anniuersary, as before I haue shewed in ye .xliiii. yere of Edwarde the thyrde, whiche of right ought to be set in this place.
This yere also aboute the feste of saynt Bartholomew, fell discencyon & discorde bytwene ye duke of Her∣forde & the duke of Norfolke. wher∣fore the duke of Herforde accused ye other, that he hadde taken .iiii. thou∣sande marke of the kynges, of suche money as he shulde therwith haue waged certeyne sowdyours at Ca∣leys / whiche he lefte vndone, & toke the same money to hys owne vse. But an other wryter sayth, that as ye sayde two dukes rode vppon a tyme from the parlyament towarde theyr lodgynges / ye duke of Norfolke sayd vnto that other: Syr se you not how varyable the kyng is in his wordes, and how shamefully he putteth his lordes and kynesfolkes to deth, and other exileth and holdeth in pryson. wherfore full necessary it is to take kepe, and not for to truste myche in hys wordes. For without dowte in tyme to come, he wyll by suche lyke meanes brynge vs vnto lyke deth & distruccyon. Of whiche wordes the sayde duke of Herforde accused that other vnto the kynge / wherfore ey∣ther wagyd batayle with other be∣fore the kynge. To whom daye of metynge was gyuen to eyther vpon the .xi. daye of September, to fyghte within lystes at Couētre, where all thynge was ordeyned for. At whiche place at ye day assygned thyder came the sayde two dukes, and appered in the felde before the kynges presence, redy to do theyr batayle. But ye kyng anone forbad that fyght / and forth∣with exyled the duke of Herforde for x. yeres, and the duke of Norfolk for euer / whiche sentence was shortely