Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

Anno domini .M.CCC.xlii.		Anno dn̄i. M.CCC.xliii.
	Iohn̄ Stewarde.
Iohn̄ Hamonde.		Anno .xviii.
	Iohn̄ Ayleshm̄.

IN thys .xviii. yere, the kynge shortely after Easter callyd a parlyament at westmynster. In tyme wherof Edwarde hys eldeste sonne was creatyd prynce of walys. And many ordynaūces for the weale of y^e lande there were enactyd, whych for length I passe ouer.

In thys yere also Clement the .vi. of y^e name, whyche newly was made pope, toke vpon hym to gyue dyuers bysshopryches and benefyces which then fell voyde in Englande. wher∣wyth the kynge was nothynge con∣tented / in so mych that he sent out cō∣myssyons and strayte commaunde∣mentes, that no man in tyme folow∣ynge shulde present or inducte any suche persone or persones, that so by the pope were promoted wythout y^e agremente of the kynge, as farre as towchyd hys prerogatyue. The sayd pope Clement was fyrste archebys∣shoppe of Roan, and munke of saynt Benettes order, a Frencheman of byrth, and before called Peter / a man

of excellent cunnyng, but a waster of goddes patrymony / & promoted to y^e dygnyte, by instaunt laboure of the Frenche kyng / which sent hys sonne Iohn̄ duke of Normandy & the duke of Burgoyn vnto the cytye of Auy∣nyon or Auygnō, to procure and fur∣ther the eleccyon. By meane wherof he was there chosen pope aboute the vii. day of May, and tronysed in the sayd moneth of May, in the begyn∣nynge of the yere of grace after thac¦compte of the chyrche of Englande, M.CCC. & .xliii. By meanes and fa∣uoure of whyche pope, the Frenche kynges causes and maters betwene kynge Edwarde and hym were some deale promoted. For as testyfieth the Frenche boke / the French kyng thys yere put to deth one mayster Hēry de Malestrete, a graduat man, and bro¦ther vnto syr Godfrey de Malestrete knyght, lately also put to deth by the sayde Frenche kynge, for theyr fyde∣lyte whyche they bare towarde kyng Edward, as hys feodaryes. wherof kynge Edwarde made hys cōplaynt vnto the pope, of thys and other thynges to be done contrary the con∣stytucyons of the former peace con∣cluded by the two cardynalles / and had therof no remedye. In thys yere also kynge Edwarde made a coyne of fyne golde, and named it the Flo∣ryne / that is to say, the peny of the va¦lue of syxe s. viii. d., the halfe peny of the value of thre s. iiii. d, and the far thynge of the value of .xx. d. whyche coyne was ordeyned for hys warres in Fraunce, for the golde therof was nat so fyne as was the noble, whyche he before in hys fourthen yere of hys reygne had caused to be coyned.

Notes

• Clement the ••i. pope.
• kynge Ed∣wardes Flo∣ryne.