whyche he was shortly after by trea∣son gottē, & presented vnto hys bro∣ther forenamed / by whose sentēce he was īmedyatly byheded. After whose deth the sayd Henry enioyed the hole lande of Castyle. whych infortunytie & myschaūce fylle to thys Peter after dyuers wryters, for so moche as he cruelly slew hys owne wyfe ye dough¦ter of the duke of Burbon̄.
And in thys yere and moneth of Maye / the kynge of Fraunce in hys hyghe court of parlyamente holdē at Parys, proceded in iugemente vpon the appellacyons before made by the erle of Armenak, the lorde of Bret, and erle of Perogort, agayne prynce Edward, as before is towched in the precedynge yere. wherupon dyscorde and varyaunce began to take place betwene the .ii. kynges / in so moche yt by meane of the sayd .iii. lordes, nat∣wythstandyng that they were before sworne to be to the kyng of Englāde trewe lyege men / dyuers townes of the countre of Poyteaw yelded them to the Frenche kynge, as Albeuyle, Rue, & the more partye of the sayde townes of the sayd countre. wherupō ambassades were sente vppon bothe partyes / & dyuers meanes of treaty were comoned, whyche conteyneth a longe werke, wyth resonynge made vpon the same. But in conclusyō all came to none effecte. So that breche of the peace whych before, betwene ye ii. kynges was so substācially conclu¦ded was brokē / & eyther kyng for his partye made prouysiō for the warre. In so moch ye kynge Charles spedde hym to Roan in Normandy / & there in ye moneth of Iuly rigged his nauy to set theym forewarde for to warre vpon Englande.
In whyche tyme & season ye kyng Charles was thus occupyed in Nor∣mādy / the duke of Lācastre lāded at Caleys with a strōge company of ar∣chers & other warryours / & frō thens passed to Thorouēne, & so to Ayre, in wastyng the countre with irne & fyre as he went. wherfore ye French kyng in defence of those partyes, sente the duke of Burgoyne with a puyssaunt armye to withstāde the sayde duke of Lācastre. The whych duke of Bur∣goyne sped hym ī such wyse, yt about ye .xxiiii. day of August he lodged hys hoste vpon the moūtayne of Turne∣han nere vnto Arde. And the English hoste was lodged betwene Gygowne & Arde / so that ye frountes of both ho¦stes were within a myle. Betwene whome were dayly skyrmysshes and small bykerynges without any nota¦rye batayll. And whā the sayd duke of Burgoyn̄ had thus kept the sayde mount, frō the .xxiiii. day of Auguste vnto the .xii. day of Septēbre / he re∣moued hys hoste & yode vnto Hesdē. For the whych dede he was after bla¦med of kyng Charles hys brother. After whych departure of the Frēche¦men / the duke of Lancastre with hys hoste tooke ye waye towarde Caus or Caux, & passed the ryuer of Sūme / & so rode toward Harflew, entendynge as sayth the Frēche boke to haue fy∣red the Frenche kynges nauy. But at theyr cōmyng thyder ye towne was so strōgly māned, yt they dyd there ly¦tell scathe. wherfore the sayd duke de¦parted shortly thens, and spedde hym into the countrye of Poyteau, and so came vnto the towne of Albeuyle. where wythout the Frenchemen en∣countred hym, and gaue vnto hym batayll. In the whych was taken syr Hugh Chastelon̄ knyght with other knyghtes, esquyres, & burgeyses of the towne / and vpō .xvi. score Frēch¦men slayne. whyche sayde prysoners to the nombre of fyue & fourty were sent vnto Caleys / & ye duke with hys company yode vnto Burdeaux, in spoylyng of the Frēchmē as he went.