Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

Anno domini .M.CCC.lviii.		Anno domini .M.CCC.lix.
	Symonde wymondham.
Symonde Doffelde.		Anno .xxxiiii.
	Iohn̄ Chychester.

IN thys .xxxiiii. yere, or more ve¦ryly in the moneth of Nouem∣bre, & ende of the .xxxiii. yere of kynge Edwardes reygne / he wyth prynce Edward and the duke of Lancastre, wyth a puyssant army landed at Ca¦leys / and from thens passed by lande vnto Artoys, & by Uermendoys to y^e cytye of Reynes, and layde hys siege about that cytye / and beclypped it in suche wyse, that no man might entre or go out of the cytye without lycēce of the Englysshemen.

whan kynge Edwarde had lyen xl. dayes at the siege of reynes, with∣out great dere or hurt vnto it doyng / he remoued hys syege & passed by the countre of Champayne, tyll he came to a towne called Guyllone / where y^e kynge rested hym a season. In which tyme came vnto hym certayne mē of the duchye of Burgoyne, as lordes of dyuers holdes and townes within that duchery / & gaue vnto hym, to y^e entent he shuld nat molest or hurte y^e countre, ii.C.M. floryns of golde / whyche is to the value of sterlynge money of .xxxv.M.li. And ouer that the sayd Burgonyons couenaunted wyth hym, that they wolde mynystre to hym and his hoste, all such vytay∣les as was in y^e countre plentuously for hys money. And that done he de∣parted frome thens, & yode vnto Ne∣uers / and passed there the ryuer of Dyon or Ion̄, and yode to Colāges vpon Ion̄. And from thens in the mo¦neth of Marche and begynnynge of hys .xxxiiii. yere of his reygn, he yode by the countre of Gastenoys toward the cytye of Parys. And prynce Ed∣warde with hys company passed by Moret, tyll he came to an hold which Englysshmē than kept called Tour∣nelles

or Cournelles / before y^e which towne or holde lay at that season cer¦tayne Frenchmen in a stronge basty∣le, & assayled the Englyshmen dayly / and remoued nat thens, all be it they were monysshed of the prynces com∣mynge. They trusted so moche in the strength of theyr bastyle, whyche thē disceyued / for wythin .v. dayes of the princes commyng, theyr bastyle was goten, and many of them slayne, and to the nombre of .xlvii. persones of y^e company taken prysoners. Amonge the whyche were .iiii. men of name / y^e is to saye, the lorde of Bouyle or Bo∣nile, the lorde of Daygreuyle or of Aygreuyle, syr Iohn̄ de Barres, and syr wyllyam de Plassyes.

Thus kynge Edwarde wyth hys people spedyng hys iourney toward Parys / vppon the tuysdaye beynge the laste daye of Marche in the weke before Easter, came vnto a place cal∣led the hostell of Chastelon, betwene Moūtlehery and Chastes / & lodged hym wyth a certayne of hys people there. And y^e prince with other lordes of hys hoste were lodged in the tow∣nes thereabout, from thens vnto the towne of Corueyll, & an other towne called longe Iumell.

Thanne Charles eldest sonne of kynge Iohn̄, and that day regent of Fraunce / made meanes of treaty. whyche was laboured by a freer cal∣led Symonde de Langres, prouyn∣cyal of the freers Iacobynes, & legat of the pope. By whose meanes a day of treaty was appoynted to be holdē vppon good fryday, in the maledery of le longe Iumel. where at the same daye and place, apered for kynge Ed¦wardes partye, the duke of Lācastre, the erles of warwyke & of Northāp∣ton, wyth syr Iohan de Chande, syr waltyer de Manuy, and syr wyllyam Cheyny knyghtes. And for the regēt apered there, the lorde of Fewe than constable of Fraunce, the lorde Bocy quant than marshall of Fraunce, the lord of Sarancyers, the lord of Uyg nay of the coūtre of Uyenne, syr Sy∣mond Bucy, & syr Guychard of Au∣glye knyghtes / whyche treaty came to none effecte.

wherfore kynge Edwarde vpon the tuysdaye folowynge Easter daye remoued frome the sayd hostell, and lodged hym nere vnto Parys at a place named Chastellone nere vnto Mountrouge. And the residue of his hoste was lodged at Uauuys, at Uau¦gerart, at Gētylly, and other townes there about. Thā vpō frydaye folow¦ynge, beynge the .x. daye of Apryl / by meanes of y^e abbot of Clugny, which newly was sent from the pope Inno¦cēt the .vi, the forsayd lordes & knygh¦tes agayne assembled at a place cal∣led the Bālyē, to treate of an accorde betwene the kynge & the regent. But theyr labour was spent in vayne, as it before had ben.

Uppon the sondaye nexte folow∣ynge, a parte of y^e kynges hoste came before the towne of Parys, and enba¦taylled theym in a felde faste by saint Marcelles / and taryed there frome the mornynge tyll thre of the clocke at after noone, to abyde batayle of the Frenchemen. The whyche made none yssue oute of cytye / nat∣withstandynge that as testifyeth the Frenche boke, within Parys at that daye were greate plentye of Sowdy¦ours, ouer and besyde the greate foyson of the enhabytauntes of the same.

whanne the Englysshemen per∣ceyued that they shulde haue no ba∣tayll of the Parysyens / they aboute thre at after noone departed the feld, and toke theyr waye towarde Char∣tres and so vnto Bōneuale nere vnto Chaceadon. Than kynge Edwarde was lodged at a place calle Dones.

To the whych place came vnto hym out of Parys the byshoppe of Beau¦uayes than chauncellour of Normā¦dye with other / and so behaued them vnto the kynge, that a new daye of treaty was appoynted to be holden at Bretynguy, within a myle or lytell more of Chartres fore sayde, vppon the fyrste day of May next ensuyng.

AT whyche daye of apoynte∣mente / the foresayd duke of Lancaster, wyth the sayde erles of warwyke and Northampton, and other / at the sayde place apperyd for kynge Edwarde. And for the regent appered there the forenamed byshop, wyth many other lordes and knygh∣tes and spyrytuall men, to the nom∣ber of .xxii. persons, whose names I ouer passe for lengthynge of tyme. The whyche so dylygently behaued hym, that in the space of .viii. dayes they agreed vpon an vnyte & peace, the whyche was comprysed in .xli. artycles, as at length is rehersed in the Frenche cronycle, wherof the ef∣fecte is thys.

‡ Fyrste the kynge of England and hys heyres kynges, wyth all the lan¦des as he than hadde in Gascoyne & Guyan / shulde haue to hym and hys heyres for euer / the cytye and castell of Poytyers wyth all the apperte∣naūces to that lordshyp belongyng. Also the cytye of Lymoges, wyth all the lādes of Lymosyne and all other theyr appertenaūces. The cytye and castell of Perygorte, wyth all the lan¦des and reuenues to that lordshyppe belongynge. The erledome of By∣gorre, wyth all thynges to that lord∣shyppe belongyng. The erledome of Poytyau, wyth all the appertenaun∣ces. The sygnorye of Beleuyle. The lordshyp of Exanctys, Exauc∣doure, and Exancon̄. The cytye of Agen, the cytye of Agenoys, the cyty of Caours, and lordshyppe of Caour¦syn. The cytye of Tarbe, the cytye and countre of Gaure, Angoulesme, of Rodes, and of Rouern̄. The lord∣shyppe of Mostruell, wyth all reue∣nues therunto belongynge. The sy∣gnorye of Caleys, of Marquell, of Sandgate, and Colyngn̄. The lord∣shyppe of Hammys, of walys, and of Ouye. And the erledome of Guynes, wyth all profytes therunto belon∣gynge. All whyche lordshyppes, ho∣nours, castels, towres, cytyes, and townes / the kynge of Englange thā Edwarde the thyrde and hys heyres kynges of Englande, shulde haue & holde for euermore, in as royall wyse and lyke maner as done the kynges of Fraunce, without doyng for them any homage, feawty, or other duety.

And kynge Edwarde after that daye for hym and his heyres kynges of Englande, shulde clerely renoūce and gyue ouer, all hys tytle, ryght, and interest, that he hadde vnto the crowne of Fraūce, and specyally the name of kynge of Fraunce.

Also all hys ryght and tytle that he hadde vnto the duchy of Norman¦dye, of Thorayne, of Aniowe, of Bry¦tayne, and of the souerayntye of the erledome of Flaunders / and of all other lordshyppes, cytyes, castelles, honours, townes, towres, and ma∣nours, that any kynge of Englande before that daye had any ryght vnto wythin the realme of Fraunce / and to holde hym cōtente wyth the aboue named lordshyppes, wythout any forther clayme.

Forthermore it was agreed, that the Frenche kynge shulde paye for hys raūsome thre millions of scutes of gold / wherof .ii. shuld alway make a noble Englysh. ye shall vnderstād y^e a million of scutes is .x.C. thou∣sande of scutes / whych extende after y^e value of sterlyng money, vnto the

summe of .ii.C.l.M. marke. And so thre milions amounte vnto .vii. hun∣dreth & .l.M. marke / whych maketh iuste .v. hundreth thousande pounde of sterlynge money. Of the whych .iii milliōs of scutes, x.C.M. to be payd at Caleys by the fyrste daye of Iuny next folowynge the sayd treaty / & an other .x.C. thousande or milliō to be payde at the sayde towne of Caleys, within .viii. monethes after y^e Frēche kynge was commyn vnto Caleys / & the thyrde million to be payde at Lō∣don in two yeres and an halfe. That is to saye at Myghelmasse .xii. mo∣nethes after the agrement made .iiii. C. thousāde scutes, & at Mighelmas next after ensuyng .iiii.C.M. scutes / and at Easter than nexte folowynge ii.C. thousande scutes, in ful paymēt of the thre milliōs or .xxx.C. thousād scutes.

And further it was agreed, that after the Frenche kynge was comen vnto Caleys / he shuld rest hym there iiii. monethes. wherof y^e fyrst moneth shuld be at y^e charg of kyng Edward / & the other .iii. monethes to be at the coste and charge of the sayde Frēche kynge / & to paye for eueryche of the sayde thre monethes, yf he so longe taryed there for the perfourmaūce of the sayde accorde .x. thousande royal les of Fraūce / whyche at that tyme were in value after y^e rate of sterlyng money, euery royall .xxi.d. or .xiiii. sous Parys / & so he shulde paye for a monethes charge eyghte hundreth lxxv. pounde.

And ouer that it was accorded, y^e the Frēche kynge Iohn̄ for y^e tyme beynge, nor no kyng of Fraūce after hym, shuld ayde or assist the Scottes agayne kynge Edward, nor agayne hys heyres kynges of Englāde. Nor kynge Edwarde nor hys heyres kyn¦ges, shall allye theym with the Fle∣mynges, nor ayde nor assyste theym agayne the sayde kynge Iohan, nor hys heyres kynges of Fraunce.

And for the tytle or ryghte of the duchye of Brytayne, whyche was in questyō betwene the erles of Bloys and of Mountford / it was accorded that bothe kynges beyng at Caleys, the sayd partyes shulde be called be∣fore theym. And yf a peace betwene theym by the two kynges myght nat be set / thā the sayd kynges to assigne certayne indyfferent persons to agre the sayd erles / and they to haue halfe a yere of respyte for to quyet the ma∣ter. And yf the sayde persones so by the kynges assygned, myghte nat agree the sayd erles by that terme / y^e than eyther of the sayd erles to make the beste puruyaunce for hym selfe y^t eyther of them coude make, wyth the helpe of hys frendes or otherwyse, wherby they myght attayne to theyr ryght & clayme of the sayd duchye. Prouyded alwaye that nother of the sayd kynges nor any of theyr sōnes, shulde ayde or assyste any of y^e sayde erles / by reason wherof the peace be∣tweene theym accorded, myghte be lowsed or broken. Also prouyded, y^e to whether of the sayd two erles the sayd duchy shuld falle by sentence of man or otherwyse / that the homage for it shall alwaye be done to y^e kynge of Fraunce.

All whyche ordenaunces & agre∣mentes, wyth many mo, that wolde aske longe leysour to wryte, were ra∣tyfyed and confermed by the instru∣mentes & seales of y^e prynce of walys vpon the partye of kynge Edwarde for Englandes partye; & by Charles regent of Fraunce for that partie / as by theyr letters patentes than sealed apered, beryng date that one at Lou¦uers in Normandye the .xvi. daye of May in the yere of grace .xiii.C. & .lx, & that other at Parys the .x. daye of y^e sayde moneth and yere.

And ouer that eyther of the sayde ii. prynces, that is to saye Edwarde prynce of walys was sworne in pre∣sence of .vi. Frenche knyghtes, vpon the sacrament of the aulter after y^e thyrde Agnus was sayd in tyme of a lowe masse, at the foresayd Louuers songe or sayd, that he to y^e vttermoste of hy power, shuld vpholde and kepe the foresayd peace in euery poynt, as ferre as in hym was. And in lyke ma¦ner was Charles thanne regente of Fraunce sworne, in presence of syre Englysshe knyghtes to perfourme the same.

After whych treaty thus fynysshed & ended / kyng Edward with hys sō∣nes & nobles of Englāde, toke shyp∣pyng at Hūflete in Normādy vpō the xx. day of May, & sayled into Englād leuyng behynde hym the erle of war∣wyke for to gyde the Englysshemen that remayned in Guyan & other pla¦ces, & to se that the peace whyche thā was proclaymed thorough Fraunce were kept & nat brokē by thē / whyche endured nat lōge wythout vyolacyō as sayth the Frenche boke.

HEre I leue a parte the greate reioysyng and honourable re∣ceyuyng of the kyng by the cytezyns of Lōdō, & other ceromonyes / which at thys season I spare, to thentent I may the more substancyally shewe vnto you the fynall ende of thys ac∣corde. Than trouth it is that in thys season of y^e kynges beyng in Fraūce / kyng Iohn̄ for hys more consolacyō was remoued from Sauoy vnto the towre of London / where after y^e kyn∣ges retourne, he fested the kynge & hys lordes vpon the .xiiii. day of the moneth of Iunii. And the .viii. daye of the moneth of Iule next ensuyng / the Frenche kynge in the mornynge landed at Caleys, and was lodged in the castell, and there abode the com∣mynge of kynge Edwarde.

Upon the .ix. day of Octobre / kyng Edwarde arryued at Caleys, & went streyght vnto the castell for to vysite kynge Iohn̄ / the whyche welcomed hym in a louynge and frendly coute∣naunce. And whan the kynge shulde depart to his lodgyng into y^e towne / the Frenche kynge requyred hym, y^t he wyth hys sonnes shuld dyne with hym vpon the morowe folowynge / whyche of the kynge was graunted to be vpon the monday folowynge, y^e xii. daye of the moneth. At which day kynge Edwarde was fyrst set & kept the astate, & than secundaryly y^e frēch kynge. Thyrdly the prynce of walys, and fourthly the duke of Lancastre, without mo at y^e table. In the tyme of whych dyner came to y^e castell the erle of Flaunders / whome the Frēch kyng welcomed in moste louyng ma¦ner. And whan the sayde dyner wyth all honour was ended .ii. of y^e kynges sonnes of Englāde, & two of y^e Frech kynges, toke leue of theyr fathers & rode towarde Boleyn̄, where at that tyme the regent of Fraūce was. The whyche mette theym in the myd way betwene Caleys and Boleyn̄, & so cō¦ueyed: them vnto Boleyn̄, and rested there wyth theym that nyghte / & vpō the morowe lafte theym there and hym selfe came vnto Caleys, fyrst to hys father / and after hys father and he came bothe to the kynges palays to dyner. whyche kynge Edwarde re¦ceuyed wyth moche ioye & honoure, and made vnto theym a sumptuous feaste. Uppon the fourthtene daye of Octobre the sayde regente departed frome Caleys, and retourned vnto Boleyn̄ / and the two sonnes of kyng Edwarde retourned from Boleyne to Caleys.

And vppon a saterdaye the .xxiiii. daye of the moneth of Octobre, both kyng{is} beyng in .ii. trauersys & in one

chapell at Caleys, a masse was sayde before them / to the offeryng of which masse nother of theym came. But whan the pax was borne fyrst to the French kynge, and eft to kynge Ed∣warde, & eyther refused to kysse it fyrste / the Frenche kynge rose vp & came towarde kyng Edwarde. wher¦of he beyng ware rose vp and mette wyth hym, & refused the pax and kys∣sed eyther other. At the whyche masse eyther of them was solemply sworne to maynteyne the articles of the sayd peace. And for more assuraunce of y^e same / many lordes vpon bothe par∣tyes were also sworne, to maynteyne the same to theyr powers. ye shal also vnderstande that in thys season that the Frenche kynge so••ourned thus at Caleys, bothe for the paymente of hys raunsome & also for the deliuery of certayn holdes and townes which as yet were nat deliuered / he putte in such suerties as foloweth. The duke of Orliaunce, the duke of Burgoyn, the duke of Burbone, the erles of An¦geou, of Poyteau, of Bloys, of Alen∣son, of saynte Poule, of Escamps, of Ualentynoys, of Brame, of Ew, of Longeuyle, of Cācaruyle, of Ancerre of Dampmartyne, of Uendature, of Salysbruge, and of Uendosme / the vycountes of Baudemoūt, of Beaw¦mount, & of Ancuerre / the lordes of Craon of Deruall, of Dabyguy, of Cousy, of Fyers, of Preaux, of saynt Uenant, of Garancyers, of Aluerne, of Mountmorency, and of Angest, & also the lord or wardeyne of the fore∣stes / and kynghtes, syr wyllyam de Craon, syr Lowys de Harcourt, syr Iohn̄ de Laguy, and syr Galtyerde Donehame. Of the whyche .xxxviii. persones, dyuers of theym as before is touched were takē prysoners at y^e batayll of Poytyers. For the whyche it was agreed, that as many as had nat payde theyr fynaunce before the thyrde daye of Maye laste past, shuld be acquited by the kynges fynaunce, wyth dyuers other condycyōs which I passe ouer.

Than vpō the morowe folowyng of the takynge of the foresayde othe by the two kynges, that is to say son daye the xxv. daye of Octobre / the Frenche kyng was freely delyuered, the which the sayd day before noone, departed frome Caleys and rode to∣warde Boleyn. whome kynge Ed∣warde conueyed a myle vppon hys waye. At whyche myles ende they de parted with kyssynge and other lo∣uynge maner / and prynce Edwarde kept on hys waye with kyng Iohn̄, & so conueyed hym to Boloyn / where he taryed that nyghte. And vpon the morowe the sayd prynce Edwarde, & Charles duke of Normandy, wyth y^e erle of Escamps and other noble mē there than beynge p̄sent, were agayn sworne to maynteyne and holde the sayde peace, wythout fraude, colour, or dysceyte. And that done the sayde prynce takynge hys leue retourned that nyghte vnto Caleys. And so yt now appereth vnto you, that kynge Iohn̄ stode as prysoner by the space of .iii. yeres, and asmoche as frome the .xix. day of Septembre vnto .xxv. daye of Octobre.

And whan kynge Edwarde had sped his nedes at Caleys / he after as shalbe shewed in the yere folowynge sayled into Englande.

It is also to be noted, y^t thys yere whyle the kyng was occupyed in his warres in Fraunce as before is tou∣ched, the erle of Seynpoule wyth an army of Frenchemen sayled aboute the borders of Kent and Sussex and lāded in sundry places / as Rye, wyn∣chelsee, and Hastynges, and spoyled the townes and slew many of y^e men, and dyd moche harme to the poore fysshers.

Notes

• ‡

  The forme of p••ace be∣twene En∣glande and Fraunce.
• A peasyble kysse.