Edwarde the .v.
EDward the .v. of that name & sonn̄ vnto Edwarde ye iiii / beganne hys reygne ouer the realm of Englād ye .xi. day of Apryl in the beginnyng of the yere of our lord god .M.iiii.C.lxxxiii / and the .xxiiii. yere of the .xi. Lewys than kynge of Fraunce.
Anone as kynge Edward the .iiii. was dede / grudge and vnkyndnesse beganne to take place bytwene the kynges and the quenes allye. For ye lorde marquys of Dorset brother vn¦to the quene and other of hys affy∣nytye, hadde then the rule & kepyng of thys yonge kynge, whyche at the tyme of hys fathers deth was of the age of .xi. yere or there about / and so beyng in hys guydyng in ye Marche of walys, cōueyed hym toward Lon¦don, and there to make prouysyō for hys coronacyon and for other neces∣sary thynges for hys weale. But the duke of Glouceter brother vnto Ed∣ward the .iiii. entendynge otherwyse as after shall appere / wyth a compe∣tent nōber of gentylmē of the North all clad in blacke, met with ye kynge at Stonyngstratforde / & there after dyssymuled countenaunce made by∣twene hym & the forsayd Marquys, dischargyd him of the rule of ye king, and toke vpon hym the rule / & so frō thens beynge accompanyed with the duke of Buckyngham, broughte the kynge with all honour toward Lon¦dō. wherof heryng quene Elysabeth moder vnto the kyng / feryng the se∣quele of thys besynesse, went or toke sentwary within westmynster wyth her yonger sonne Rycharde the duke of yorke. And the kynge drawynge nere vnto the cytie / vpon the .iiii. day of Maye, was of the mayre and hys cytesyns mette at Harnesey parke / ye mayre and hys bretherne beynge clo¦thed in scarlet, & the cytesyns in vyo∣let to the nōber of .v. hondred horses / and than from thens conueyed vnto the cytye / the kynge beynge in blewe veluet, and all hys lordes and ser∣uaūtes in blacke clothe / and so after cōueyed vnto the byshoppes palays of London and there lodgyd. And shortely after the sayd duke of Glou∣ceter inueleged so the archbisshop of Caūterbury named Bowchyer / that he went wyth hym to the quene Ely∣sabeth, and there made suche assured promyse to the sayde quene, that she vppon the sayd archbyshoppes pro∣myse delyuered vnto them her yon∣ger sonne duke of yorke. And than the sayde duke caused the kynge to be remoued vnto the towre, and hys brother with hym. But the quene for all fayre promyses to her made / kept her and her doughters wythin the foresayde seyntwary / and the duke lodged hym selfe in Crosbyes place in Bysshoppesgate strete.