Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

THys yere soone after Alhalo∣wen tyde, proclamaciōs were made thorugh the cytye of London, that the kynge hadde pardoned the Northyrnmē of theyr ryot / & aswell for the deth of the lorde Ryuers, as all dyspleasures by them before that tyme done. And soone vppon thys, a new styrryng begā in Lyncoln̄ shyre whereof the occasyoner was the lorde wellys, as the fame than went. For whome the kynge sent by fayre mea∣nes, promysyng hym to go safe and come safe as it was sayd. But trouth it is after hys commyng to the kyng had he before suche promyse or nat, he was shortly after beheded.

Than in February folowyng / by medyacyon of lordes a treatye of vnytie and concorde was laboured betwene the kyng & hys brother and the erle of warwyke. For whyche cause the sayd erle came thanne vnto London. And shortly after came the sayd duke, as vpon shrouesonday fo∣lowyng. And vpon the thuysday fo∣lowyng, the kynge & the sayde duke mettte at Baynardes castell, where y^e duchesse of yorke theyr mother than laye. In the whyche passetyme y^e erle of warwyke was retourned to war∣wyke / and there gadered to him such strēgth as he myght make, as it was reported.

And in Lyncoln̄shyre / syr Robert wellys sonne vnto the lorde wellys before put to deth, in thys whyle had also assembled a greate bend of men, & purposed to gyue the kyng a felde. Of all whyche tydynges whāne the kynge was assertayned / he wyth his sayd brother the duke spedhim north warde / and in that whyle sente to the sayd syr Robert wellys, wyllyng him to sende home hys people, & come to hym, and he shulde haue hys grace. But that other answered that by like promysse hys father was dysceyued / and that shulde be hys example. But in conclusyon whan the kynge wyth hys power drewe nere vnto hī, he toke suche fere that he fledde / and soone after was taken, and with him syr Thomas Dymmok knyght and other, the whyche were shortly after put to deth.

In thys season was the duke of Clarence departed frome the kynge / and was gone vnto the erle of war∣wyke to take hys parte. To whome the kynge in lykewyse sente, y^t they shuld come to hys presence wythout fere / where vnto they made a fayned answere. And than consyderynge theyr lacke of power agayne y^e kyng / departed and wente to the see syde, & so sayled into Fraunce / and requyred the .xi. Lowys than kyng of that re∣gyon, that he wolde ayde and assyste them to restore kynge Henry to hys ryghtfull enherytaunce. wherof the sayd Lowys beyng gladde, graūted vnto them theyr requeste / & helde thē there, whyle they wyth the counsayll of quene Margarete prouyded for theyr retourne into Englande.

whan the sayde lordes were thus departed the lande / the kyng cōmaū∣ded them to be proclaymed as rebel∣les and traytours thorugh oute hys realm. And in the Easter weke folow¦ynge / syr Geffrey Gate & one named Claphā, whyche entended at South ampton to haue taken shyppynge & to haue sayled to the sayde lordes, were there taken by the lorde Ha∣warde and sente vnto warde. whych sayde Clapham was beheded soone after / and the sayde syr Geffrey Gate fande suche frendshyp, that lastly he escaped or was delyuered / so that he yode after to seynt wary.

Thanne was the lorde of saynte Iohn̄s arrested. But at instaunce of the archebysshop of Caunterbury, he went a season at large vnder suerty,

and was fynally commytted to the towre. In whych passetyme the erle of Oxenforde gat ouer vnto the fore¦sayd lordes. Thus enduryng thys trouble / a stirrynge was made in the north partyes by the lord Fitz Hugh wherfore the kyng sped hym thyder∣warde. But so soone as the sayd lord knewe of the kynges cōmyng / anone he lefte hys peple & fledde into Scot¦lande. And the kyng whych thā was commyn to yorke, rested hym a sea∣son there and there about.

In the moneth of Septembre & .x yere of the kyng / the forsayd duke of Clarence accōpanyed wyth the erles of warwyke of Penbroke & of Oxen¦forde & other many gentylmen, lan∣ded at Dartmouth in Deuynshyre / & there made theyr proclamacyons in the name of kyng Henry the .vi / and so drewe ferther into the lāde. wherof herynge the commons of that coūtre & other / drewe vnto theym by greate companyes.

Than the Kentyshemen beganne to were wylde / & assembled theym in great companyes, and so came vnto the out partyes of the cytye of Lon∣don, Rad••lyffe, saynte Katherynes, and other places, & robbed and spoy∣led the Flemynges and all the bere houses there as they came.

Thā the foresayde lordes holding on theyr iournaye / drewe towarde y^e kynge beyng in the northe as aboue is sayde. wherof he beyng warned, and hauyng wyth hym as than but small strength wherof some to hym were nat very trusty / he wyth a secret company toke the next waye toward the wash in Lyncolneshyre / and there passed ouer wyth great daunger, nat wythout losse of dyuers of hys com∣pany / and so passed the coūtrees into Flaunders, and stynted nat tyll he came to Charles hys brother thanne duke of Burgoyne / wyth whome he rested a season. whā the quene which than was in the towre harde of the kynges auoydynge / anone she depar¦ted frome thens and yode vnto west∣mynster, and there regystred her selfe for a seyntwary woman / and in lyke wyse dyd many of kynge Edwardes frendes.

And than about the begynnynge of Octobre / syr Geffrey Gate that till that tyme had holden the sayde seyn∣twary and other wyth hym, wente vnto the prysons aboute London / & all suche as they had fauoure vnto, toke them out and sette them at lyber¦tye. And than shypmen & other euyll dysposed persones as than drewe to the sayd Geffrey Gate / robbed agayn the berehouses, & set some of them in fyre / and after resorted vnto the ga∣tes of the cytye, & there wolde haue entred by force. But the cytezeyns wythstode theym wyth suche force, that they were compelled to departe thens.

Upon the .xii. day of October, the towre was gyuē vp by appoyntmēt / & kyng Henry was takē from the lod¦gyng where he before laye, and was than lodged in the kynges lodgyng wythin the sayde towre. In whyche passetyme the duke & the forsayd lor∣des drewe nere vnto the cytye.

And vpon saterday than nexte fo∣lowyng / the sayd duke accompanied wyth y^e erles of warwyke & of Shro¦wysbury and the lord Stanley, rode vnto the towre / and there wyth all honour and reuerence fet out kynge Henry, & conueyed hym to Poulys / & there lodged hym in the bysshoppes palays / & so was thā admytted & ta∣ken for kyng thorugh all the lande.