Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

Anno dn̄i. M.iiii.C.lxvii.		Anno dn̄i. M.iiii.C.lxviii.
	Humfrey Heyforde.
Thomas Owlegraue.		Anno .vii.
	Thomas Stalbroke.

IN thys yere of the mayre, and in the begynnynge of the .viii. yere of thys kyng Edwarde, that is to meane vpon saterday next ensuīg the feest of corpus christi / dame Mar¦garete syster vnto the kyng, rode tho¦rugh London towarde the sees syde to passe into Flaunders, there to be maryed to Charlys duke of Bur∣goyne before named in the story of y^• xi. Lowys kyng of Fraūce. After whose departure, syr Thomas Cook late mayre, which before was peched of treason by a seruaūt of the lordes wenlokkes called Hawkyns, and at the request of the sayd lady Marga∣rete vppon suertie suffered to go at large / than was arrested & sent vnto the towre, & his goodes seased by the lorde Ryuerse than tresourer of Eng¦lande / and hys wyfe put oute of hys house, and cōmytted to the charge of the mayer / in whose place she laye a season after. And after the sayde syr Thomas had lyen a tyme in y^e towre he was brought vnto the Guyldhal, and there areygned of the sayde trea¦son and quyt by sondry enquestes / & after that commytted vnto the coun∣tour in Bradstrete, and frome thens to the kynges bēche in Southwark. where he laye wythin the sayd prysō tyll hys freendes agreed wyth syr Iohn̄ Brandon than kepar of y^e sayd prysō, to take hym home to hys place where to hys great charge he remay∣ned as prysoner longe after. In whych tyme and season he lost moch good / for bothe hys places in the countre and also in London were vnder the gydynge of the sayde lor∣des Ryuers seruauntes, and of the seruauntes of syr Iohn̄ Fogge than vndertresourer / the whych spoyled & dystroyed moche thynge.

And ouer that moche of hys iewel¦les and plate wyth great substaunce of the marchaundyse, as cloth of syl∣kes and clothes of aras, were dysco∣uered by suche persones as he hadde betaken the sayd goodes to kepe / & came to y^e treasourers handes, which

to the sayd syr Thomas was a great enemye. And fynally after many persecucyons and losses / was com∣pelled as for a fyne sette vppon hym for offence of mysprysyon, to paye, vnto the kynge .viii. thousand poūd. And after he hadde thus agreed, and was at large for the kynges interest / he was thanne in newe trouble a∣gayne the quene.

The whyche demaunded of hym as hys ryght, for euery thousande .li. payde vnto the kyng by way of fyne, an hundreth marke. For the whiche he had after longe sute and greate charge / and in conclusion was fayne to agre, and to gyue to her a greate pleasure / besyde many good gyftes that he gaue vnto her counsayll.