Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

Anno. dn̄i. M.iiii.C.lxiii.		Anno dn̄i. M.iiii.C.lxiiii.
	Robert Basset.
Mathewe Phylyp Goldsmyth.		Anno .iii.
	Thomas Muschampe.

IN this yere & moneth of May, whyche was in the begynyng of the .iiii. yere of kyng Edwarde / the lorde Iohn̄ of Mountagu hauynge than the rule in the northe partyes, beynge warned of the commynge of Henry late kynge wyth a greate po∣wer out of Scotlande, assembled the Northynmen, and mette wyth hym about Exhm̄, and there skyrmysshed wyth y^e Scottes, & at length wan y^e vyctory of hys enemyes / and chased Henry so nere, that he wan from him certayne of hys folowers trapped wyth blewe veluet, and hys bycoket garnysshed wyth two crownes of golde and fret wyth perle and ryche stone.

He also toke at the sayd iourney y^e duke of Somerset, the lorde Hunger¦forde, & the lorde Roos. whych sayde duke was shortly after put to deth at the sayd towne of Exhm̄ / & the other ii. lordes were soon after beheded at

new castell. And other whyche were after that fyght taken in a wood fast by, as syr Phylyp wētworth, syr Ed∣mond Fiz knyghtes, Blacke Iaquis Iohn̄ Bryce, & Thomas Hunt / were also put to deth at Exhm̄ foresayd or Myddelham after some wryters / & syr Thomas Husey knyght was be∣heded at yorke. And in the moneth of Iuly next folowyng, the sayde lorde Mountagu wyth ayde of hys bro∣ther erle of warwyke, wan by strēgth the forenamed castel of Bamburgth / wherin as one of the said capitaynes was taken wyth other, syr Rauffe Gray / whyche shortly after at yorke was drawen hanged & quartered.

In such passe tyme in moste secret maner vpon the fyrste daye of May, kynge Edwarde spoused Elizabeth late the wyfe of syr Iohan Graye knyghte / whyche before tyme was slayne at Toweton or yorke felde. whych spousayles were solempnised erely in the mornynge at a towne na∣med Graston nere vnto Stonynge∣stratforde. At whyche maryage was no persones present, but the spouse, the spousesse, the duches of Bedford her mother, the preste, two gentylwo¦men, & a yong mā to helpe the preeste synge. After whyche spousayles en∣ded / he wēt to bedde, & so taried there vpon .iii. or .iiii. houres / and after de∣parted and rode agayne to Stonyng stratforde, and came in maner as though he had ben on huntyng, and there went to bedde agayne. And wythin a daye or .ii. after, he sente to Graston̄ to the lorde Ryuers father vnto hys wyfe, shewyng to hym, that he wolde come and lodge wyth hym a certayne season / where he was re∣ceyued wyth all honoure, & so taryed there by the space of foure dayes. In whyche season she nyghtely to hys bedde was brought, in so secrete ma∣ner that almooste none but her mo∣ther was of counsayll. And so thys maryage was a season kepte secrete after, tyll nedely it muste be dyscoue∣red & dysclosed, by meane of other whyche were offered vnto the kyng, as the quene of Scottes & other. what oblyquy ran after of thys ma∣ryage, howe the kyng was enchaun∣ted by the duchesse of Beforde, and howe after he wolde haue refused her wyth many other thynges concer∣nynge thys matyer / I here paūe it ouer.

And thys yere was kynge Henry taken in a wood in the north countre by one named Cantiowe, and pre∣sented to the kynge / and after sente to the towre, where he remayned longe after.