vpon ye morow folowyng dyed Iohn̄ duke of Northfolke / the whyche had ben a speciall ayder of the kyng. And vpō Alhalowen daye before passed / ye kyng created Rycharde hys yonger brother duke of Glouceter, the lorde Bowchyer erle of Essex, & the lorde Fawcumbrydge erle of Kent / & vpon the .xii. day of February, was the erle of Oxenforde, wyth the lorde Aubry hys elder sonne, syr Thomas Todē∣ham̄, willyā Tyrell, & other, brought vnto the towre of Lōdon. And vpon the .xx. day of the sayd moneth, ye sayd lorde Awbry was drawen from west¦mynster vnto the towre hylle, & there beheded. And vpon the .xxiii. daye of the same moneth / syr Thomas Todēham, wyllyā Tyrell, and Iohn̄ Mō∣gomory, were also there beheded. And vpon the fryday next ensuynge, or the .xxvi. daye of the sayd moneth / the erle of Oxenforde was ladde frō westmynster vpon hys feete to ye sayd place of, & there also beheded. whose corps was after borne vnto ye frere Augustynes / and there buryed wythin the quyer for that tyme. And in the later ende of the moneth of Iuly / was the castell of Awnewyke yelden vnto the lorde Hastynges by appoyntement.
whan kynge Edwarde was thus stablysshed in this realme / great sute and labour was made to hym for the repayment of the foresayd .xviii.M.li. to hym and other delyuered by the stapelers, as before in ye .xxxviii. yere of Henry the .vi. to you I haue before shewed. wherof was laborer, were it by the agrement of the sayd stapelers or otherwyse, one named Rycharde Heyron a marchaunt, of pregnaunte wyt and of good maner and speche. To whome at length was answered by the kynges counsayll, that ye sayd xviii.M. pounde wyth moch more, the whyche was couertly kept frome the kynges knowlege, belonged of ryght vnto ye erle of wylshyre / which at the tyme of delyuery of the sayde goodes, was hyghe tresourer of En∣glande / and after for treason by him done agayne the kyng, the sayd erles landes and goodes were forfayted vnto the kynge. wherfore the kynge reteyned the sayde .xviii.M.li. as par¦ceyll of hys forfayture, & wolde re∣teyne as hys owne. Upon whych answere / thys heyron seynge that of the kyng he myght haue no remedy, and for so moche as moch of the sayd good belonged to hys charge, he thā resorted vnto the stapelers for contētacyon of the sayd money. But howe it was that there be fāde no comfort / he fynally sued the mayer of the sta∣ple and hys company, and put them vnto greate vexacyon and trouble. And in the ende fande suche fauoure in the courte of Rome / that he denoū¦ced all the merchauntes stapelers ac¦cursed. Howe be it that soone after they purchased an absolucyon. And he in conclusyon after longe beyng ī westmynster as a seyntwary¦man / wythoute recouery of hys co∣stes or dutye, dyed there, beynge greatly endetted vnto many per∣sones.