Ianuary, and was lodged at Bay∣nardes castell. And before hym the xv. day of Ianuary came the erle of Salysbury to Londō, & was lodged at hys place called the Erber. And soone after came vnto Lōdon the du¦kes of Somerset & of Exetyr / & were lodged bothe without temple Barre. And in lykewyse the erle of Northū∣berlande, the lorde Egremonde, & the yōge lorde Clyfforde, came vnto the cytye, and were lodged in the subbar¦bes of the same. And the .xiiii. daye of February came the erle of warwyke from Calays, wyth a great bande of men all arayed in rede iakettes with whyte ragged staues vpon theym / & was lodged at ye gray freres. And last¦ly, that is to saye the .xvii. daye of Marche / the kyng & the quene wyth a great retynewe came vnto Londō / and were lodged in the bysshoppe of Londōs palays. And ye shall vnder∣stāde that wyth these foresayd lordes came greate companyes of mē, in so moche that som had .vi.C. some .v.C & the leest .iiii.C. wherfore the mayre, for so longe as the kyng & the lordes lay thus in the citie, had dayly in har¦nesse .v.M. cytesyns / and rode dayly about the citie & subbarbes of ye same to se the kynges peace were kept. And nyghtly prouyded for .ii.M. mē in harnesse, to gyue attendaūce vpon iii. aldermen / and they to kepe the nyghte watche tyll .vii. of the clocke vppon the morowe, tyll the day wat∣che were assembled. By reason whereof, good ordre and rule was kepte, and no man so hardy ones to attempte the brekynge of the kyn∣ges peace. Durynge thys watche, a great counsayl was holdē by ye kyng and hys lordes.
By reason wherof, a dyssymuled vnyte and concorde betwene them was concluded. In token and for ioy wherof, the king, the quene, and all ye sayd lordes, vpon out Lady day an∣nuciacion in lent at Poulys wente solemply in processyon / and soone af¦ter euery lorde departed where hys pleasure was. And in the moneth of folowynge, was a greate fray in flete strete, betwene the mē of courte and the inhabytauntes of the sayd strete / in whyche fray a gentyl∣man beyng ye quenes attourney was slayne.
Vpon the thursdaye in whytson∣weke, the duke of Somerset with An¦tony Ryuers and other .iiii, kepte iu∣stes of peace before the quene within the towre of London, agayne thre es∣quyers of the quenes / and in lyke ma∣ner at Grenewych the sonday folow∣ynge. And vpon Trynyty sonday or the monday folowynge, certayne shyppes apperteynyng vnto the erle of warwyke mette wyth a floote of Spanyardes / and after long & cruel fyghte, toke .vi. of theym laden wyth iron and other marchaundyse / and drowned and chased to the noumber of .xxvi, nat without shedyng of blod on bothe partyes / for of the Englysh¦men were slayne an .C. and many mo wounded and sore hurt.
In thys yere after some auctours, a marchaunte of Brystowe named Sturmyn, whyche wyth hys shyppe had trauayled in dyuers partyes of Leuaunte and other partyes of the Gest, for so moche as the same ranne vpon hym that he had gotten grene pepyr and other specys to haue sette and sowen in Englande as the fame wente / therefore the Ianuayes way∣ted hym vppon the see, and spoylyd hys shyppe and other.
But this is full lyke to be vntrew that the Ianuayes shulde spoyle hym for any suche cause / for there is no nacyon in Englande that de∣lyth so lytle wyth spycys. But were it for thys cause or other,