Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

Anno dn̄i. M.CC.xciii.		Anno dn̄i. M.CC.xciiii.
	Robert Rokysley.
Rauffe Sandewyche.		Anno .xxii.
	Martyn Awbry.

IN the .xxii. yere of kynge Ed∣warde, vpon the daye of saynt Tyburce and Ualeryan, or the .xiiii. daye of May / fyll a wōderfull snow and therwith and excedynge wynde. By vyolence wherof greate harme was done in sundry places of Eng∣lande. In remembraunce whereof a Metrycyan made these verses folow¦ynge.

Crastino Tiburci sanctorum Valeriani, Nix cadit immanis, ventus vehemens boriasis, Euulsit siluas, vulsit quas reperit herbas, ••des dampnose detexit & impituose, Quas clam prostrauit / sic plurima dāpna para••it.

The whyche verses may thus be En¦glysshed as here after foloweth.

The morow folowynge Tiburce & Valerian The blessed sayntes / of snow fyll suche plentie, That at that day was no lyuyng man, That myght remembre of so great quantyte. The Northyn wynde blewe wyth such fyerste, That houses, trees, with herbys it ouer cast. And many other harmes by sande & eke by see, Of that wynde came, the whyse that it dyd laste.

IN thys yere also about y^e ende of the moneth of Iulu, dyed freer Pekham than archebysshop of Caunterbury. In whose see was af∣ter stalled mayster Robert of wyn∣chester.

And aboute the myddes of Sep∣tembre folowynge / the erle of Barre a frenche man, maryed Elyanore y^e kynges doughter in y^e towne of Bry¦stowe. And about the ende of thys ye¦re dyed Alexandre kyng of Scottes / where soone after ensuyd great war∣re and trouble, for the enherytaunce of that lande, as in some parte shall after appere.

And thys yere whete was solde at London for .ii. s. a busshell. In this yere also as wytnesseth the Frenche cronycle Phylyp le Beawe thā kyng of Fraunce made warre in Gascoyne

and Guyau, for the cause as there is shewed / sayeng that kyng Edwarde vnder coloure to haue made a vyage into the holy lande, gathered a great army, and sodeynly entred into Nor¦mandy bothe by lande and water, & dyd moche harme in spoylynge and takyng dyuers shyppes of Fraunce, and brynnyng and spoylyng diuers townes of the same / and after came vnto the towne of Rochell, where to it the Englysshemen made dyuers as¦sautes, wherby the dwellers & also the towne susteyned moche harme.

wherof the kynge of Fraunce be∣ynge enfourmed / sent vnto kyng Ed¦ward, monisshing hym to come vnto hys parlyamente, & also to make sa∣tysfaccyon for suche harmys as hys people had done within hys domy∣nyon of Fraunce and Normandy. But for that kyng Edwarde refused that to do / therfore y^e sayd Phylyp le Beawe sent Rauffe de Neell thā cō∣stable of Fraunce into Gascoygne with a greate & myghty power / the whyche made sharpe warre vppon y^e Gascoynes. But the Gascoines with helpe of the Englysshemen defended theym in suche wyse, that great hurt was done vpon bothe partyes. Thā fynally as testifyeth the sayd frenche cronycle, to the entent that kyng Ed¦warde myghte make the better clay∣me to al the hole duchy of Normādy / he sent the Frenche kynge worde, y^t he wolde gyue ouer into hys handes the duchye of Guyan & holde no lan∣de of the kyng of Fraunce.