Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

Anno domini .M.CC.vi.		Anno domini .M.CC.vii.
	Iohn̄ walgraue.
Balliui.		Anno .vii.
	Rycharde of wynchester.

IN the moneth of nouēber and vii. yere of the kynge / one na∣med Hugh Oysell for treason at Lon was drawen and hanged. And thys yere in y^e moneth of May, the French kynge entryd into Normandy wyth

a strōge power / and wanne there the castellys of Faloys, and Dafyount or Danffrount and after seasyd all the landes to the sayde castell belon∣gynge, and so tyll he came to a place called saynte Mychaell in the parell of the see.

when the Normannes sawe that kynge Phylyppe thus subdued the stronge holdes of Normandye, and that kynge Iohn̄ to the countrarye made no defence / y^e capytayns of Cō¦staunce, of Bayoux or Bayon, of Lyseux, of Anreuches, and Enroux yelded them all to the French kyng, and became hys lyege men / so that he was in possessyon of the substaū∣ce of the duchye of Normandye, ex∣cepte Roan and other few castellys.

Then kynge Phylyppe seynge these stronge holdes thus yeldyd vn¦to hym / layed hys syege to the cyty of Roan. where after he hadde lyen a season / the capytayne of the towne desyred a respyte of .xxx. days, gyuynge pledges and hostages, that yf the cytye were not by kynge Iohn̄ or hys assygnes rescwyd wyth in the foresayde terme, they wolde yelde the cytye vnto the French kyn∣ge. And in lyke wyse was appoynte∣ment taken for the castellys named Arquys and Uermeyll. In whyche tyme for that no socoure came / both cytye and castellys were delyueryd into the Frenche kynges handes. And thus hadde thys seconde Phy∣lyppe the possessyon of Normandye / whyche no Frenche kynge hadde sen the tyme of Charlys the symple, why¦che gaue the same duchye to Rollo leder of the Normannys, wyth Gyl∣la hys doughter in maryge / synne the whyche tyme hadde passed ouer iii. hundred yeres.

when the Frenche kynge had thus brought into his subiccyon y^e duchye of Normandye / he then about saynt Laurence tyde yode into the countye of Guyan, and wanne there the cy∣tye of Poytyers, wyth all the castel∣lys and townes to the sayde cytye be¦longynge. and when he hadde sette that countrey in an order and rule / he spedde hym into Fraunce wyth great pompe and glory.

It ys affermed of some authours, that the Frenche kynge made thys warre vppon kynge Iohn̄ by excy∣tynge of the pope, for hys contuma∣cye agane the chyrche.

In thys yere also was a com∣munycacyon of a peace to be hadde betwene kynge Iohn̄ and the arche∣byshope of Caunterbury / and was dryuen to a nere poynte of accorde, except restitucyon that kynge Iohn̄ shulde haue made to the archebys∣shop and other bishoppes, the which his offycers hadde taken in the tyme of theyr absence. To the whych resty¦tucyon kynge Iohn̄ in no wyse wold be agreable / wherfore the sayd com∣munycacyon toke none affecte. After thys communycacyon / kynge Iohn̄ was so frette wyth malyce, that in a fury he let proclayme in sondry pla∣cys of hys realme, that all suche per∣sonys as hadde landes and possessy∣ons wythin Englande spyrytuall or temporall, that they shulde returne into Englande by Mychelmas next folowynge / or ellys to be clerely ex¦cludyd from all suche landes. And ouer that streyght commaundement was gyuen to eueryche officer in his countrey, to make besye serche, yf any wrytynges were broughte from the courte of Rome, to any prelate of thys realme / and yf any suche were founden, to brynge hym and his wry¦tynges to the kynges presence. And more ouer that they shuld sease to the kynges vse, all suche landes as to any person were gyuen by the sayde archbyshoppe or by the pryour

of Caunterbury, syn the tyme of elec¦cyon of the sayd archebyshoppe / and the woodes of the same to be fellyd and solde in all haste.