Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

Anno domini .M.C.xcviii.		Anno domini .M.C.xcix.
	Roger Blount.
Balliui		Anno .ix.
	Nycholas Duke.

IN the moneth of Apryll and ix. yere of kynge Rycharde, when he had prouided to sende forth xx. thousand poūde to the emperour, for full payment of hys raunsome / the pledges whyche had lyen for the same, came sodeynly into England / and shewed vnto the kyng that after his departynge, the emperour sente them vnto the duke of Ostrych, to re¦mayne with him tyll the money were payde. And forther there they shewed that the sayd duke was accursed of y^e pope y^t then was Innocent y^e thyrde, by reason of his wronge done to the kynge / & that his prouynce was gre¦uyd wyth many myscheues. And as the duke rode forth on a daye in hys disport beyng saynt Stephans day, he hurte his fote in such wyse wyth a thorne or other venym / whyche ran∣cled & grewe so sore, y^e lastly he shuld dye or cutte yt of. But in hope of re¦couery he contynued tyll in the ende he was warned that he shulde dye. Then he sent for his byshoppes, and axyd to be assoyled of the sentence of the chyrche whyche he stode in. The whyche was denyed hym / excepte he wolde swere to stande and abyde the ordynaūce and dome of holy chyrch, touchynge the wronge that he hadde done to kynge Rycharde. The duke sware, and was assoyled / and short∣ly after the two byshoppes pledgys for y^e money were delyuered at theyr lybertye. Then kynge Rycharde callyng to mynde that the vttermost daye of the trewes takē betwene hym and the Frenche kynge approched / made hym redy and sayled into Nor¦mandye, where before his commyng the Frenche kynge by occasyon of the Normannis as sayth the frenche boke, was entred the coūtrey of Bur¦gys / towarde whom kyng Rycharde

sped hym wyth all possyble spede / so that both hostes laye partyd wyth a ryuer called Osson or Ossyne.

Then to folowe the sayenge of the frenche boke, for so myche as the en¦glyshe cronycle spekyth lytle or no∣thynge of thys acte / lette wyse men that here thys cronycle, constrew yt after theyr dyscrecyons. For all be yt the Frencheman wrote yt to the ho∣nour of Frenchmen / yet to other that shall rede or here yt, because yt soun∣dyth so nere vntrouth, yt shal rather redounde vnto theyr dyshonour. For the Frenche cronicle sayth, that these two hostes thus as aboue is sayde lyenge to gyther wythout skyrmshe or assaute / kynge Rycharde contra∣ry the opinyon and mynde of hys lor¦des, wyth a few accompanyed and vnharnaysed, shuld come to y^e Frēche kynges tente / and there in presence of hys lordes shulde do homage to the Frenche kynge for the duchye of Normandye and coūteys of Angeou and of Poytyers, and there swore to the kynge to kepe peace duryng his lyfe / and after .viii. dayes met agayn and fynyshed the sayde peace, wyth assuryd othe vppon eyther partye / and after departed as frendes eyther resortyng into theyr owne countrey. But yt semed a feynte peace. For within foure monethes or lesse folow¦ynge / kynge Rycharde wyth hys hoste entred the prouynce of Berry / and layd syege to the castell of wyer¦soune, and gate yt by strength / and after yode to the castell of Noryn∣courte / the whyche was delyueryd to hym by appoyntement.

when kyng Phylyppe harde of the wynnynge and ouerthrowe of the ca¦stell of wyersoun / he in damagynge of kynge Rychard layde syege to the castell of Aubeuyle, and yt assayled egerly. Buy yt was so stronge and so well defendyd by the Normannys, that the Frenche kynge was holden of. when kynge Rycharde had gar∣nyshed and fortifyed the castell of Noryncourte wyth all thynge neces∣sarye to the warre / he drewe hym to∣warde Aubeuyle to remoue kynge Phylyppe from that syege, and fell vppon the Frenche men vnwarely. But the Frenchemen quyt theym so knyghtly, that they chased kyng Ry¦charde and hys people / and toke a Norman knyghte named Guy de Thonars a man of great hardynes. And then kynge Phylyppe returned to the castel and towne of Aubeuyle / and assauted it more sharpely, so that in the ende y^e souldyours of the town yeldyd yt wyth the castell for a cer∣tayne summe of money. And when he hadde possessyon of the towne / he threw downe the castell playne wyth the ground, and after strengthed the towne wyth Frenche men / and then yode to the castell of Gysours / and from thēs resorted to the forenamed castell of Noryncourte, and assayled yt in so cruell maner, that shortely he wanne yt / and toke therin .xv. knygh¦tes and .xxiiii. yemen, wyth plente of vytayll and armour. In thys tyme and season kynge Richarde gadered newe strength, and allyed hym wyth Baldwyn erle of Flaūdres and with Renolde erle of Dampmartyn and of Boleyne. By whose meanes as wytnessyth the frenche boke, kynge Rychard wasted sore the countrey of Fraunce / and brent therin some tow¦nes and vyllages, and toke therein many ryche prayes.