his maners and temporall landes in¦to hys hande / so that hys mouable goodes were spoyled and rauenyd amonge the kynges offycers.
In the .xiiii. yere of his reygne / the kynge crowned Henry hys eldest sonne then lyuynge kynge of En∣glande at westmynster. whyche was done to the derogacyon or harme of the archbyshoppe Thomas, as yt is wytnessyd in hys legende / and for that doynge Roger archbyshoppe of yorke whyche crowned hym was ac¦cursed. But an other authour sayth that the kynge crowned Henry hys sonne, to the ende he myght haue ful power and authoryte to rule thys lande and the people of the same, whyle hys father was occupyed in Normandye and other countreys, where hys landes laye.
In myche of thys season that thys blessyd man Thomas was thus ba¦nyshed the lande / the kynge sente ouer byshoppes and proctours, to complayne vppon hym to the pope / for well nere all the bishoppes of En¦glande were agayne hym. And yf a∣ny toke hys parte, they durste not speke for the displeasure of theyr tem¦porall lorde / so that this blessed man defended the quarell of the chyrche alone.
In the .xvi. yere of ye reygne of kyng Henry / Lewys the kynge of Fraūce, agreed kynge Henry and the archbys¦shoppe, the kynge then beynge in Normandye. Uppon whyche agre∣ment thys blessyd man came to hys owne chyrche of Caunterbury / and there so restynge hym, sente for such persones as had spoyled and taken perforce the goodes of the chyrche / aduertysynge theym by fayre mea∣nes to restore the sayde goodes, and to be reconcyled to the chyrche as trewe crysten men shulde. But when he sawe that he myght not reconcyle theym by fayre meanes / he then vsed compulsaryes, and denounced them accursed but if they restored the goo∣des of the chyrche by a certayne day. wherewyth the partyes beynge agre¦ued / sayled ouer to the kynge into Normandye / and shewyd vnto hym greuous complayntes, and more gre¦uouse then the cause or mater requy∣red. For the whych, the kynge which hadde not yet quenched the bronde of malyce in hys harte the whyche he bare agayne thys holy man, gaue lyght credence vnto those complayn¦tes, and was sore & feruētly amoued agayne the holy man Thomas / in so myche that vppon a daye herynge the complayntes of this blessyd man¦nes aduersaryes, he sayd in oppē au¦dyence of hys knyghtes, that yf he had any good knyghtes about hym, he had ben aduēged of that traytour longe or that tyme. At the tyme of whyche wordes vtterynge / was pre¦sent syr wyllyam Bryton, syr Hugh Moruyle, syr wyllyam Tracy, and syr Regnolde fytz Urle. whych foure knyghtes, thynkyng that they shuld to theyr mayster do a synguler plea∣sure yf they slewe thys blessyd man / hastely takynge aduyse eche of them of other, of one wyll and mynde toke shyppyng and sayled to Douer / and in all haste spedde theym vnto Caun¦terburye / where the .v. daye of Crist¦masse they executed theyr tyrannye, and martyred that blessyd archebys∣shoppe at that aulter of sayne Benet wythin hys owne chyrche, in the ye∣re of our lordes incarnacyon a thou∣sande, a hundred, and .lxx, as yt ys wytnessyd by these versys folowyng
Anno milleno, centeno, septuageno,
Anglorum primas, corruit ense Thomas.
The whych is to vnderstande in our