Fabyans cronycle newly prynted, wyth the cronycle, actes, and dedes done in the tyme of the reygne of the moste excellent prynce kynge Henry the vii. father vnto our most drad souerayne lord kynge Henry the .viii. To whom be all honour, reuere[n]ce, and ioyfull contynaunce of his prosperous reygne, to the pleasure of god and weale of this his realme amen

THE .CCXXXV. CHAPITER.

IN processe of tyme after the so¦lemnisacyon of this maryage / complaynte was brought before the kynge of the erles of Cleremoūt and Puy or Puyll, sonne of the duke be∣fore rehersyd, and of the erle of Plo∣met / that they shuld spoyle and wast the chyrches and landes to the sayde chyrches belongynge. For the which dedys the kynge commaunded the sayd .iii. erlys to warde / but not with out warre and shedynge of blood.

And after the subduynge of y^e sayd thre erlys / a knyght or great man of myght called wyllyam y^e erle of Cha¦lon, wyth a company of tyrauntes as¦sembled for to robbe and spoyle the chyrche of saynte Peter of Cluny in Burgoyne. wherof herynge the pres¦tes and mynysters of the chyrche / to the entent to mytygate & to appeace the cruelty of the sayde tyraūtes, dyd vpon them the ornamentes of y^e sayd chyrche / and yode agayne them with processyon, wyth a great companye them folowynge of the people of the towne and the countrey there about, in peseable and charytable wyse. But when the sayde tyrauntes ap∣proched vnto the sayde cōpany / with out compassyon and pyty, as turkes ranne vppon crysten men, or wyth lesse Pytye / so ranne they vppon the prestes and other, and spoyled them of all the sayde ornamētes / and slew

of that cōpany to the nomber of .v. hū¦dred or mo / & after spoyled the sayde chyrche, of suche stuffe as was therin lefte. It was not longe after or kynge Lewys had wyttynge of this cruell dede. wherfore in auengynge the chyrche / he gatheryd a conueny∣ent power and spedde hym thyther. But the sayde wyllyam erle of Cha∣lon herynge of the kynges cōmynge, fled y^e coūtrey / so y^t the kyng myght haue no certayne knowlege where he became. wherfore the kyng entred and seased his landes, and gaue the moyty therof to y^e duke of Burgoyn as chefe lorde of that soyle / and that other halfe he gaue vnto the erle of Neuers, to whose auncetry in tyme passed the sayd moyty apperteyned. And that done he commaunded in∣quyry to be made of his accessaryes / the prebensons or prebendars of the whyche he punyshed by dyuerse ma∣ner of tormentes and dethes, to the great contentacyon of the countrey.

when the kynge hadde thus fy∣nished this vyage and was returned into Fraunce / soon after was know¦lege brought vnto him, that the Bur¦gonyons & men of the towne of Uer∣deley, rebelled agayne the hed chyrch or abbay of that towne / and entēdyd to haue done some vylany to the ab∣bot and munkes of the same / wher∣fore the kynge spedde hym thyther in all haste. But for theyr sauergarde the munkes were compelled to forty¦fye the chyrche, and to defende them by force of armys / so that betwene them and the Burgonions many an arbalaster and stone was shot & cast. And for the kynge myght not so hast¦ly furnyshe hym of his soldyours / he therfore sent vnto the erle of Neuers by whose meane as to the kyng was shewed this ryot began / commaun∣dynge hym that he shuld se this ryot appeased, and that the chyrch of Uer¦deley were restored of suche harmys as to theym was done by the inhaby¦tauntes of the towne. But of thys cō¦maundement the erle set but lytle / so that the burgeses perseuered in theyr erroure. wherfore the abbot sente a∣gayne to the kynge / besechyng hym of his moste gracyouse ayde and so∣coure. Then the kynge herynge of the erles dysobedyence, was ther∣wyth greatly dyspleasyd / and suspe∣cted y^e erle to be partye in the cause, & sped hym y^e faster thetherwarde. But when the erle was enfourmed of the kynges cōmynge he somdeale feryd / and mette wyth the kynge at a place called Moret, and there demeaned hym in suche wyse, that the kyng for¦gaue his offense. Then he promysed that the kynges pleasure shulde be fullfylled in all thynge as he hadde before cōmaunded, wyth more as yt lyked hym to dyuyse. Uppon whych promyse so made / he commaunded that the Burgonyons shulde fyrste refrayne theym of that rebellyon a∣gayn the chyrch / and that they shuld newly be sworne to be obedient vnto the abbot and vnto hys successours as theyr p̄decessours had ben / & ouer that for the hurtes & harmys y^t they had done to the place at that season, they shulde paye to the sayde abbot and couēt .lx. thousand sous. A sous is in value after sterlyng money i.d. ob / so that .lx. thousand sous amoun¦teth in sterlyng money .iii. hundred & lxxv. pounde. After whych ende thus made / the kynge retourned into Fraunce.

It was not longe after, that y^e kyng receyued of quene Alys hys wyfe a sonne, and named yt Phylyppe. But for y^e kyng Lewys had made many pylgrymages, and vsed many ways of charyte, in gyuynge of almes and otherwyse; for to haue a sonne to be his heyre / therfore he surnamed this

chylde A dieu done, a chyld gyuen of god. Then thys Lewys for the intollerable dedes of the Iewes whi¦che in these dayes had great inhaby∣tynge wyth in the lande of Fraūce, & vsed vsery & sleynge of Crysten chyl∣dren / he ponyshed many by deth, and many he banyshed his lande / but yet many remayned.

Of this Lewys dedes is lytle more cronacled / excepte when his son Phi¦lyppe was of the age of .xiii. yeres, his fader caused hym to be crowned, and resygned to hym all the rule of the lande / and dyed the yere folow∣ynge at Parys in the moneth of Oc∣tober, in the yere of grace .xi. hūdred and .lxxix. By whyche reason he rey∣gned, to reken from his faders deth to his owne, vppon .xliii. yeres / and was rychely enterred by y^e meane of his last wife at the monastery of Bar¦bell / the whyche he founded in hys yonge days. After whose deth y^e sayd quene Alys adorned his sepulture in the moste rychest maner, wyth gold, syluer, and precyous gemmys / vp∣pon whose tombe was grauen these two versis folowyng, as a counsayll left vnto his sonne Phylyppe.

〈◊〉〈◊〉 superos tu, qui super es successor honoris Degener es, si degeneris a laude prioris.

whyche versys are to be vnderstan∣den as after foloweth.

Nowe take good hede, thou that doest ouer lyue, Hym that in honoure and vertue dyd excelle. Se thou alter not, nor thy selfe depryue / But folowe hym, which was of ho¦noure the well. For yf thou do not / men shall of the tell, Thou arte degenerate and growen out of kynde / Thy progenytours laude hauynge nothynge in mynde.