Layamon's Brut (British Museum Ms. Cotton Caligula A.IX)

Lines 9201 through 9300

bi-hehten god to donne; and þat ufel to for-gonne. Line 9201 To þere mid-nihte; wepnede heom cnihtes. Line 9202 and auoremeste uerde adun; Vðer Pendragun. Line 9203 and his cnihtes alle; swiðe-liche stille. Line 9204 and smiten i þa waldes; i-mong alle þa teldes. Line 9205 and sloȝen þa hæðene; mid hæhȝere strenðe. Line 9206 fluȝen ȝeond þan feldes; falewe lockes. Line 9207 Uolken hit wes ærmest; heo droȝen heore þermes. Line 9208

Line 9208 mid muchele vnisunde; heo feollen to þan grunde. Line 9209 Þer wes forð-riht inume; Octa Hengestes sune. Line 9210 & his wed-broðer; Ebissa; & his iuere Ossa. Line 9211 Þe king heom lette binden; mid irene bænde. Line 9212 and bi-tahte heom sixti cnihten; þe gode weoren to fihten. Line 9213 ufen%nen þan walden; uaste to halden. Line 9214 & he seolf draf him forð; and muchel dune makede. Line 9215 & Gorlois þe hende; uorð an oðer ende. Line 9216 & alle heore cnihtes; æuere forð-rihtes. Line 9217 adun-rihtes sloȝen; al þat heo neh comen. Line 9218 Summe heo crupen to þan wude; an heore bare cneowen. Line 9219 heo weoren amærȝe; volken alre ærmest. Line 9220 Octa wes ibunden; & ilad to Lunden. Line 9221 and Ebissa & Ossa; nes heom nauere al swa wa. Line 9222 Þis feh[t] wes idon; & þe king wende forð. Line 9223 in-to Norð-humbre; mid hæȝere blisse. Line 9224 & seoð[ð]en to Scot-londe; & sette hit al his aȝere hond. Line 9225 He sette grið he sette frið; þat ælc mon mihte faren wið. Line 9226 from londe to londe; þeh he bere gold an honde. Line 9227 of grið he dude swulc þing; þat ne mihte næuer ær na king. Line 9228 from þan ilke time; þat Bruttes comen her liðen. Line 9229 And seoððen vmbe stunde; he ferde to Lunden. Line 9230 he wes þere an Æstre; mid aðele his uolke. Line 9231 bliðe wes þe Lundenes tun; for Vthere Pendragun. Line 9232 He sende his sonde; ȝeond al his kinelonde. Line 9233 he bæd þa eorles; he bæd þa cheorles. Line 9234 he bæd þa biscopes; þa boc-ilærede men. Line 9235 þat heo comen to Lunden; to Vðer þan kingen. Line 9236 in-to Lundenes tun; to Vðer Pendragun. Line 9237 Riche men sone; to Lundene comen. Line 9238 heo brohten wif heo brohten child; swa hehte Vther þe king. Line 9239 Mid muchele godnæsse; þe king iherde mæsse. Line 9240

Line 9240 & Gorlois þe eorl of Cornwale; & mid him cnihtes uale. Line 9241 muche blisse wes i þan tun; mid Vðer kinge Pendragun. Line 9242 Þa þe mæsse wes isungen; to halle heo þrungen. Line 9243 bemen heo bleowen; bordes heo brædden. Line 9244 al þat folc æt & dronc. & blisse heom wes imong. Line 9245 Þer sæt Vðer þe king; an his hæh setle. Line 9246 forn aȝan him Gorlois; hende cniht ful iwis. Line 9247 þe eorl of Cornwale; mid aðele his wife. Line 9248 Þa heo weoren alle iseten; eorles to heore mete. Line 9249 þe king sende his sonde; to Igærne þere hende. Line 9250 Gorlois eorles wif; wifmone alre hendest. Line 9251 Ofte he hire lokede on; & leitede mid eȝene. Line 9252 ofte he his birles sende; fron to hire borde. Line 9253 ofte he hire loh to; & makede hire letes. Line 9254 and [heo] hine leofliche biheold; ah inæt whær heo hine luuede. Line 9255 Næs þe king noht swa wis; ne swa ȝære-witele. Line 9256 þat imong his duȝeþe; his þoht cuðe dernen. Line 9257 Swa longe þe king þis him droh; þat Gorlois iwærð him wrað. Line 9258 & him gromede swiðe; wið þene king for his wife. Line 9259 Þe eorl & his cnihtes; arisen forð-rihtes. Line 9260 & forð mid þan wife; cnihtes swiðe whraðe. Line 9261 Vther king þis isah; & here-fore særi wes. Line 9262 & nom him forð-rihtes; twælf wise cnihtes. Line 9263 & sende after Gorlois; gumenene ældere. Line 9264 and beden hine an hiȝinge; cumen to þan kinge. Line 9265 & don þan kinge god riht; & beon icnowen of his pliht. Line 9266 þat he ha[f]de þene king iscend; & from his borde wes iwende. Line 9267 he and his cnihtes; mid muchele vn-rihte. Line 9268 for þe king him wæs glad wið; & for he hailede in his wif. Line 9269 & ȝif he nalde aȝein cumen; & his gult beon icnawen; Line 9270 þe king him wold after; and don al his mahten. Line 9271 binimen him al his lond; and his seoluer & his gold. Line 9272 Þis iherde Gorlois; gumenene lauer[d]. Line 9273 & he and-sware ȝaf; eorlene wraðest. Line 9274 Næi swa me helpe Drihte; þa iscop þas daȝes lihte. Line 9275 nulle ich nauere aȝæn cumen; no his grið ȝirnen. Line 9276 ne scal he neuere on liue. me scende of mine wife. Line 9277 & suggeð Vðer kinge; at Tintaieol he mai me finden. Line 9278 ȝif he þ[i]der wule ride; þer ich him wulle abiden. Line 9279 and þer he scal habbe hærd gome. & mucle weorldes scome. Line 9280 Forð wende þe eorl; ire on his mode. Line 9281 he wes wærð wið þene king; wunder ane swiðe. Line 9282 and þretede Vther þene king; and alle his þeines. mid him. Line 9283 ah he nuste whæt com seoððe; sone þer-æfter. Line 9284 Þe eorl anan wende; in-to Cornwaille. Line 9285

Line 9285 he hafde þer tweie castles; biclused swiðe uaste. Line 9286 þæ castles aðele weore; of his eoldrene istreon. Line 9287 To Tintaieol he sende; his leofmon þa wes hende. Line 9288 Ygerne ihaten; wifene aðelest. Line 9289 and heo biclusde uæste; inne þan castle. Line 9290 Ygerne wes særi; & sorh-ful an heorte. Line 9291 þat swa moni mon for hire; sculden habben þer lure. Line 9292 Þe eorl sende sonde; ȝeond al Brutlonde. Line 9293 and bæd alcne ohte gome; þat he him sculde to cume. Line 9294 for gold and for seolure; & for oðere ȝiuen gode. Line 9295 þat heo ful sone; to Tintaieole comen. Line 9296 & his aȝene cnihtes; comen forð-rihtes. Line 9297 Þa heo to-gædere weoren; sele þeines. Line 9298 þa hafde he fulle; fiftene þusend. Line 9299 & heo Tintaieol; faste bitunden. Line 9300