Layamon's Brut (British Museum Ms. Cotton Caligula A.IX)

Lines 9101 through 9200

& Ebissa his wed-broðer; and Osa þe oðer. Line 9101 þa Aurilien sende þider; & sette heom þer on his griðe. Line 9102 and bi-tahte heom an honde; sixti hiden of londe. Line 9103 Octa iherden ful iwis; al hu hit ifaren wes. Line 9104 of Aurilies dæðe; & of Vtheres kinedome. Line 9105 Octa him to cleopede; his cun þe wes aneoste. Line 9106 nomen heom to ræde; of heore alde dede. Line 9107 þat heo wolden bi heore liue; Cristin-dom bilaue. Line 9108 Heo heolden husti[n]g; & hæðene bicomen. Line 9109 þa comen þer to-gadere; of Hengestes cunne; Line 9110 fif & sixti hundred; of heðene monnen. Line 9111 Sone wes þat word cuð; an ȝeond þan londe icud. Line 9112 þat Octa Hengestes sune; ((w))es hæðene bicume. Line 9113 & þas ilke gumen alle; þa Aurilien igriðed hæfuede. Line 9114 Octa sende his sonde; in-to Walisce londe. Line 9115 after þan Irisce; þe Vðer æt-urnen. Line 9116 and after þan Alemainen; þe weoren awei idraȝene. Line 9117 þa weoren to wude iwende; þe while men sloh Passent. Line 9118 and huden heom wel iwhar; þe while men sloh Gillomar. Line 9119 Þat folc ut of wude teh; & touward Scotlonde beh. Line 9120 Auer þer comen ma & ma; and ferden toward Octa. Line 9121 þa heo to-somme weoren iwende; þa weoren þer þritti þusend. Line 9122 wið-uten þa wifmen; of Hengestes cunnen. Line 9123 Heo nomen heore uerde; & gunnen to farene. Line 9124 & setten al an heore hond; biȝeonden þere Humbre. lond Line 9125 & þat leoden; þer heo gunnen liðen. Line 9126 ferde þer wes sellic; and wenden riht ((to)) Eouerwic. Line 9127 and an ælche side; þa burh gunnen biride; Line 9128 & þa burh bilæien; hæðene leoden. Line 9129 and nomen hit al to heore honde; forð into Scot-londe. Line 9130 al þat heo iseȝen; heo talden heore aȝen. Line 9131 Ah Vðeres cnihtes; þa weoren i þan castle. Line 9132

Line 9132 wereden þene tun wið-innen; þat ne mihten heo næuere binnen. Line 9133 ne iherde mon in nane stude; lute men þat swa wel duden. Line 9134 Swa sone swa Vðer; of þissen þingen iwarð war. Line 9135 færde he bad stronge; ȝeond al his kinelonde. Line 9136 and he swiðe hiȝend-liche; ferde touward Eouer-wic. Line 9137 ferde uorð-riht anan; þer him læi Octa. Line 9138 Octa and his ferde; fusde heom to-ȝeines. Line 9139 wuruen heom ((to))-gadere; mid grimmere strengðe. Line 9140 heowen hardliche; hælmes gullen. Line 9141 falewede feldes; of fæie blode. Line 9142 & þa heðene saulen; helle isohten. Line 9143 Þa þes dæies ende bicom; þa wes hit swa ufel idon. Line 9144 þat þat hæðene uolc; þa ufere hond hafeden. Line 9145 & mid muchelere strengðe; sturmden þa Bruttes. Line 9146 and driuen heom to ane munte; þæ wes unimete stor. Line 9147 & Vðer mid his monnen; teh to þan munte. Line 9148 and hæuede iloren in fihte; leofe his cnihtes. Line 9149 fulle seouen hundred; his hælp wes þa wurse. Line 9150 Þe munt hæhte Dunian; þe Vther wes ufenan. Line 9151 wes þe munt þurh-wexen; mid ane wude feiren. Line 9152 Þe king wes þer wið-innen; mid swiðe feole monnen. Line 9153 & Octa hine bi-læi; mid hæðene monnen niht and dæi. Line 9154 bilæi hine al abuten; Wa wes þan Brutten. Line 9155 wa wes þan kinge Vðer; þat he nes ær wær. Line 9156 þat he nefde an londe; bet vnder-stonde. Line 9157 Ofte heo eoden to ræde; of swucchere neode. Line 9158 hu heo mihten ouer-cumen; Octa Hengestes sune. Line 9159 Þer wes an eorl Gorlois; ocht mon ful-iwis. Line 9160 cniht he wes wel idon; he wes Vðeres mon. Line 9161 eorl of Cornwaille; cuð he wes wide; Line 9162 he wes swiðe wis mon; of alle þinge wel idon. Line 9163 To him saide Vðer; særi an heorten. Line 9164 Hail seo þu Gorlois; gumenene lauerd. Line 9165 Þu ært min aȝe mon; & swiðe wel ich þe on. Line 9166 þu ært cniht wel idon; muchel is þi wis-dom. Line 9167 alle mine leoden; ich don in þine ræden. Line 9168 & alle we sculle wurchen; after þine i-wille. Line 9169 Þa heng his breowen a-dun; þe king Vther Pendragun. Line 9170

Line 9170 and stod him ful stille; & bad Gorlois suggen his iwille. Line 9171 Þa andswarede Gorlois; he wes hende ful iwis. Line 9172 Sæie me Vther Pendragun; whi halst þu þin hafed adun. Line 9173 nast þu þat Godd ane; is betere þene we al clæne. Line 9174 He mai wham-swa he wule; wurðcipe bitachen. Line 9175 Bihate we him on liue; þat we him nulleð liȝe. Line 9176 & leten we us ræden; of ure misdeden. Line 9177 Ælc mon forð-riht; af alle his sunen nimen scrift. Line 9178 ælc mon scriuen oðer; swulc hit weoren his broðer. Line 9179 & æuer-ælc god cniht; nime on him muchel scrift. Line 9180 & Godde we scullen bihaten; ure sunnen to beten. Line 9181 & to þere mid-nihte; ȝarkien us to fihten. Line 9182 þeos hæðene hundes; tælleð us al ibunden. Line 9183 Octa Hengestes sunæ. weneð þat we beon alle inumen. Line 9184 heo liggeð i þissen felden; i-hæled in heore telden. Line 9185 heo beoð swiðe werie; iboren heore wepnen. Line 9186 nu nan heo sculleð slumen; & seoððen slæpen. Line 9187 of us nabbeoð heo nane kare; þat we aȝen heom wulleð faren. Line 9188 To þere mid-nihte; we sculleð forð-rihtes. Line 9189 swiðelic%che stille; adun of þissen hulle. Line 9190 na wurðe cniht swa god; þat he scire æi word. Line 9191 ne nauer nan hæleð; þat ((he)) horn blawe. Line 9192 Ac we scullen steppen heom to; swa we stelen wolden. Line 9193 ær heo wurðen iware; we scullen heom amær[r]e. Line 9194 we scullen heom to teon; & tidende tellen. Line 9195 and æuerælc ocht mon; sterkliche heom legge on. Line 9196 and swa we scullen of londe; driuen vnicunde. Line 9197 and mid mihte of ure Drihten; bi-tellen ure irihten. Line 9198 Al þas ferde idude; swa Gorlois heom hauede ibede. Line 9199 Ælc mon for[ð]-rihte; dude hine vnder scrifte. Line 9200