Layamon's Brut (British Museum Ms. Cotton Caligula A.IX)

Lines 9001 through 9100

Her cumeð Vðer; Aurilies bro[ð]er. Line 9001 he wule bidden mi grið; & noht fehten me wið. Line 9002 Þa formeste beoð his sweines; Faren we heom ((to))-ȝeines Line 9003 Ne þurfen ȝe nauere rehchen; þah ȝe slæn þa wrecchen. Line 9004 For ȝif Vther Costantines sune; wulle her mi mon bicume. Line 9005 & Passente aȝeuen; his fader richen. Line 9006 ich hine wullen griðien; & latten hine liuien. Line 9007 & inne fæire benden; læden hine to mine londe. Line 9008 Þe king wordede þus; þa while him a-lomp wurs. Line 9009 Weoren Vtheres cnihtes; at þan tune forð-rihtes. Line 9010 leiden fur a þene tun. & fehten biliue. Line 9011 mid sweorden heom to rakeden; and þa Irisce weoren nakede. Line 9012 Þa iseȝen Irisce men; þat Brutten wes an eornest. Line 9013 feond-liche heo fuhten; and neoðeles heo feollen. Line 9014 heo cleopeden on heore king; Whar ært þu niðing. Line 9015 whi nult þu hider wenden; þu lezst us her scenden. Line 9016 and Passent þin ifere; i-sih us fallen here. Line 9017 cumeð us to halpe; mid hahȝere strengðe. Line 9018 Þis iherde Gillomar; þer-foren wes his heorte sær. Line 9019 mid his Irisce cnihten; he com to þan fihte. Line 9020 and Passend vorð mid him; beien heo weoren uæie. Line 9021 Þa iseh Vðer; þat icumen wes þer Gillomar. Line 9022 to him he gon riden; and smat hine i þere side. Line 9023 þat þat spere þurh-rade; & þa heorte to-glad. Line 9024 Hiȝendliche he hine biwe[n]t; & of-toc Passent. Line 9025 and þas word sæide; Vther þe sele. Line 9026 Passent þu scalt abiden; her cumeð Vther riden. Line 9027 He smat hine uuenen þat hæued; þat he adun halde. Line 9028 and þat sweord putte in his muð; swulc mete him wes uncuð. Line 9029 þat þe ord of þan sworde; wod in þere eorðe. Line 9030 Þa sæide Vther; Passent liȝ nu þer. Line 9031 Nu þu hauest Brutlond; al bi-tald to þire hond. Line 9032 Swa þe is nu i-ræd; þer-on þu ært ded. Line 9033 wikien ȝe scullen here; þu and Gillomar þin ifere. Line 9034 & brukeð wel Brutlond; for nu ic hit bitæche inc an hond. Line 9035 þat ȝit maȝen to-ȝere; mid us wunien here. Line 9036 Ne þurue ȝe nauere adrede; wha eou scullen feden. Line 9037 Þus sæide V[ð]er; and seoððe he arnde þer. Line 9038 and drof Irisce men; ȝeond wateres and ȝeond fenes. Line 9039 and sloh al þa uerde; þe mid Passent com%men to ærde. Line 9040 Summe to þere sæ iwiten; & leoppen in heore scipen. Line 9041 mid wederen & mid wateren; þær heo forferden. Line 9042 Þus heo ispædden her; Passent and Gillomar. Line 9043 Nu wes þis feht idon; and Vther aȝen com. Line 9044 and forð-rihtes wende; into Winchæstre. Line 9045 In are brade strete; he igon mete. Line 9046 þreo cnihtes & heore sweines; cumen him to-ȝeines. Line 9047 A-nan swa heo ine i-mette; fæire heo hine igrætten. Line 9048 Hail seo þu Vther; þeos æðeles beo[ð] þin æȝen. Line 9049 Ded is Aurilie; kingene aðelest. Line 9050 he þe haueð iset an hond; al his kinewurðe lond. Line 9051 he bad þe beon a sele; & þenchen on his saule. Line 9052 Þa weop Vðer; wunder ane swiðe. Line 9053 Vðer wende forð-riht; in-to Winchæstre. Line 9054 þa weoren him biforen; wið-uten þere burȝe. Line 9055 alle þa burh-men; mid reouliche iberen. Line 9056

Line 9056 Sone swa heo hine iseȝen; heo him to sæiden. Line 9057 Vther þin are; nu & æuere-mare. Line 9058 Ure king we habbeoð ilore; wa is us þer-fore. Line 9059 Þu weore his broðer; nafde he nænne oðer. Line 9060 no he nefde nenne sune; þe mihte king bicumen. Line 9061 Ah [n]i[m] þu þene kine-halm; he is þe icunde. Line 9062 & we þe wulleð helpen; & halden for lauerd. Line 9063 mid wapnen & mid æhten; and al ure mihte. Line 9064 Þis iherde Vðer; he wes wis & he wes war. Line 9065 þat þer næs cost nan o[ð]er; seoððen dæd wes his broðer. Line 9066 He nom þenne kine-helm; þe him bicom swiðe wel. Line 9067 and he wurðliche; iwarð him to kinge. Line 9068 & heold gode laȝe; and his folc lufede. Line 9069 Imong þat he king wæs; & his wikenares chæs. Line 9070 Merlin him æt-wende; nuste he nauere whidere. Line 9071 no nauere a worlde-riche; to whan he bicome. Line 9072 Wa wes þan kinge; swa wes al his duȝeðe. Line 9073 and alle his hird-men; þer-uore murnende weoren. Line 9074 Þe king lette riden; widen & siden. Line 9075 he bad gold & gersume; ælche farinde gume. Line 9076 wha-swa mihte finde; Merlin an londe. Line 9077 þer-to he læide muchel lof; ah ne herde he him nawhit of. Line 9078 Þa biðohte Vther; whæt Mærlin him sæide ær. Line 9079 in þan here-ȝeonge; inne Walisc londe. Line 9080 þer heo iseȝen þene drake; ælches wurmes vnimake. Line 9081 and he þohte of þan tacnen; þe Merlin him tahte. Line 9082 Þe king wes swiðe særi; and sorhful an heorte. Line 9083 for ne les he næuere leouere mon; seoððen he wes an liuen. Line 9084 neouere nenne oðer; ne Aurilie his broðer. Line 9085 Þe king lette wurchen; tweien imaken. tweien guldene draken. Line 9086 al for Mærlines l[u]ue; swa swiðe he wilnede his cume. Line 9087 Þa þe draken ȝaru weoren; þe oðer wes iuere. Line 9088 whar-swa he an ærde; ladde hi[s] ferde. Line 9089 he wes here-mærke; in auer-ælche happe. Line 9090 þene oðerne he wurð-liche ȝæf; in-to Winchæstre. Line 9091 into þan biscop-stole; þer he stude haldeð. Line 9092 Þer-to he ȝef his gode spere; þer-mid me sculde þene drake bere. Line 9093 þenne me scolde hali-dom; beren to processiun. Line 9094

Line 9094 Þis iseȝen Bruttes; þas draken þa weoren imaked þus. Line 9095 æuer seo[ðð]en heo cleopeden Vther; þe to hermærke þene drake bar. Line 9096 þene nome heo him laiden on; þet wes Vðer Pendragon. Line 9097 Pendragun an Brutisc; Draken-hefd. an Englisc. Line 9098 Nu wes Vther god king; ah of Merlin nefde he na þing. Line 9099 Þis word iherde Octa; þer he norð wunede. Line 9100