Layamon's Brut (British Museum Ms. Cotton Caligula A.IX)

Lines 2001 through 2100

Þeo uniseli moder; þus hire sune murðde. Line 2001 heo cærf him þene swure a-twa; a wurþe hire wa Line 2002 þe uniselie moder mid sexe hine to snæde. Line 2003 & al to-dælde lim from oþere. Line 2004 Þa wes þe muchele speche; ȝend þat kineriche. Line 2005 of Iudon þere quene; þa heore sone acualde. Line 2006 & of þare seoreȝe; þe isiȝe wes to londe. Line 2007 Þa weas dæd Fereus; al-swa wes Poreus. Line 2008 bi-numen wes þere moder; monschipe on leode. Line 2009 þa nes þer noht of þen kunne; þe mihte þis kine-lond walden Line 2010 wep-mon ne wif-mon; bute þa seo[rh]-fulle iudon. Line 2011 Gumen heom igader[ed]en; & wurpen heo to sa-grunde. Line 2012 Þa aræste here vnfriðe; ouer-al me brac þene grið; Line 2013 sterce weren þe reæmes; mid stronge raflake. Line 2014 elc mon ræuede oðer. þeah hit weren his broðer. Line 2015 wrake wes on londe; wa wes þone vnstronge. Line 2016 Her wes hunger & hete; her wes alre hær((me))ne mest. Line 2017 her wes muchel mon-qualm; þat lut her quike bi-lefden. Line 2018 Feowere here weren riche; þe haueden ferden muchele. Line 2019 þeo nedden al þæ oðere; & heom ne[ð]ðer sætten. Line 2020 & speken heom to-gadere; & speleden þa hæȝe. Line 2021 þat heo wuolden; al þis lond; dælen heom bi-twenen. Line 2022 Þus heo hit idemden; & þe((r))-æfter swa duden. Line 2023 In Scot-lond wes king Stater; i Logres wes king Piner. Line 2024 Cloten hafte Cornwale; Rudæuc hauede Norh Wales. Line 2025

Line 2025 Ah Cloten hæfde mest riht; to aȝen þas riche. Line 2026 ah þa oðere weoren ræhere; & eke heo weoren richere. Line 2027 of golde & of garisume; and of gode londe. Line 2028 Cloten heo o-scuneden; & his fær((e))dene for-howede. Line 2029 Cloten hauede Cornwale; þat he heold wel one griðe. Line 2030 Cloten hauede enne sune; þe sel wes on eorðe. Line 2031 he wes feir he wes muchel; to feahten he wes mære. Line 2032 cniht he wes kene. & he wes ȝeua custi; Line 2033 monie þewes gode; he haueda on his moda. Line 2034 His no[m]e wes ihote þus; Donwallo Molinus. Line 2035 Þis wes þe feiruste mon; þe æuere æhte ær þ[i]sne kinedom. Line 2036 þa he mihte beren wepnen; & his hors wel awilden. Line 2037 he lið[d]e ȝeon þeos leoden; sulch hit an liun were. Line 2038 he sloh Piner þene king; his folc he al aqualde. Line 2039 þa him wih-stoden; he felde heom to his foten. Line 2040 & al Logres þat lond; he æȝenede to his æȝere hond. Line 2041 Suððen he turnde his fare; & ferd feorh-riht to Wales. Line 2042 þer he funde Rudac king. þe reh wes to fehte. Line 2043 to-ȝeines him he funde þer; Scot-londes king Stater. Line 2044 Heo speken þer to sæhte; to sibbe and to some. Line 2045 aiðes heo sworen; swiken þat heo nolden. Line 2046 Þus heo makeden heore fære; A-ȝen ferde Dunwale. Line 2047 & his mochele ferde; to Cornwale his eærde. Line 2048 Þa iherde Stater; þat Dunwale wes swiðe fer. Line 2049 Mid muchele Scot-ferde; he scrað to þisse londe. Line 2050 Rudauc mid his Welscen; þat wæl wes þe more. Line 2051 In-to þisse londe heo comen; þis floc heo hær slowe. Line 2052 wide heo ærnde; tuones heo for-barnden. Line 2053 mochel dal heo iwesten; mid harmen þan mesten. Line 2054 Þat word com to Dunwale; þer he wes i Cornwale. Line 2055 wet Ruwak king dude her; and þe king Stater. Line 2056 Þa seide Dunwale; þat was þe duȝende mon. Line 2057 Nu heo beð for-sworne; mid heore swike-dome. Line 2058 Bi Appollines ære; ne ileue ich hem neuere-mare. Line 2059 Nu [w]e sculle ræmen; and ræisen to-gadere. Line 2060 Vnde((r)) þissen luften; leten riht scuften. Line 2061 S((e))n[deð] mine sonden; ȝend alle mine londe. Line 2062

Line 2062 and biddeh alne godne mon; þe grið wulle halden. Line 2063 & alle þe me of haldeh; cumen ær sone. Line 2064 & s((e))nd[eð] liþinde men; æfter oþere leoden. Line 2065 to folien me in mine londe; for seoluer & for golde. Line 2066 & ich wulle mine rihte; faren to stal-fehte. Line 2067 to-ȝene þene swerd broþeren; þe beiene beoh for-sworene. Line 2068 For wel often he beoð awald; þe stonde[ð] o þen woȝe. Line 2069 ne mai neuere mon-sware mon-scipe longe aȝen. Line 2070 Þe Dunwale hauede isæd; al his folc luuede þene ræd. Line 2071 He somenede færd; swulc nes næuere eær on erde. Line 2072 swoððen wes þa time þe Bruttes come hær liðen. Line 2073 Heo fulde his ferde; & for a mucla costa. Line 2074 to-ȝenes þan twam kingen; þer he hem funde on walde. Line 2075 Heo heolden to-gædere; & hardeliche fuhten. Line 2076 feollen þa fæie; falewede nebbes. Line 2077 Weoren al þa feldes; ifayed mid blode. Line 2078 þer wes moni har[d] gume; mid sworde to-hewen. Line 2079 Dunwal i þan fæhte; wes feondliche kene. Line 2080 þat fæht wes swuðe strong; & swuðe stær[c] & swuþe longe. Line 2081 Dunwal i þan fahte. hauede swuðe gode cnihtes; Line 2082 wise and wære. monie heo afelden; Line 2083 Dunwale him bi-þohte. wat he don mihte; Line 2084 He nom of his ferde; six hundred cnihtes. Line 2085 of þan aldre hexten; to wi[ȝ]e alre hardest. Line 2086 & þus heo heom seide; on his som-runan. Line 2087 Nime we þis wepnen; þe bi þisse walle ligge[ð]. Line 2088 & halden bi-foren bresten; sceldes þa brade. Line 2089 & fare we bi-halues; alse we of heoren weoren. Line 2090 þe wille sullen ore ferden; fæhten biliue. Line 2091 Þenne Stateres floc; iseoð ore fæire sculdes. Line 2092 [c]umen on feste; hit buh heom wel iqueme. Line 2093 for þan wepnen heo wullet wenen; þat þeo beon heore i-feren. Line 2094 We scullen ous bi-redien; and slen Rudauc þane king. Line 2095 and feorh-rihtes þære; slen þane king Statere. Line 2096 Mid strengðe we sullen wenden; þurh ure wiþer-iwinnen. Line 2097 & fellen ure feondes; for alle heo buh fæi. Line 2098 Þus spac Dunwale; þat was þe duȝenede mon. Line 2099

Line 2099 & al he iworhte; swa his word tahte. Line 2100