Layamon's Brut (British Museum Ms. Cotton Caligula A.IX)

Lines 1801 through 1900

& þas wuord seide; mid soðere stefuene. Line 1801 After vuele cumeð god; wel is him þe hit habbe mot. Line 1802 Heo ferden to hare æȝene burh; ase þe quene hæhte. Line 1803

Line 1803 & al heo iduden; efter hire lare. Line 1804 Þ[a] forð wuren agan; feuwerti daȝene. Line 1805 þon nom Leir þe king; is leouste cnihtes. Line 1806 & gret Aganippum; þat was his leue aðum. Line 1807 & seide him bi his sond; þet icume he wes to is londe. Line 1808 to speken wit his dohter; þe wes him swuðe dure. Line 1809 Aganippus wes bliþe; þet Leir wes cumen liðen. Line 1810 ferde him to-ȝenes; mid alle his þeines. Line 1811 and þa quene Cordoille; þa hauede Leir is wille. Line 1812 Heo comen to-gadere; & ofte heo custen. Line 1813 heo uenden to bu((r))ȝe; blisse wes an hirede. Line 1814 Þer wes bemene song. þere [ȝ]eden pipen among. Line 1815 al weren þe hællen; bi-hongen mid pellen. Line 1816 alle þa mete-burdes; ibrusted mid golde; Line 1817 [Ringes of golde] ælc mon hafte on honde. Line 1818 mid fiþelen and mid harpen; hæleðes þer sungen. Line 1819 Lette þe king gan awal; & lude clepien ouer-al. Line 1820 and seide þat Leir kin; icume wes to londen. Line 1821 Nu hateð Aganippus; þe is þe heȝest ouer us. Line 1822 þat ȝe Leir king; alle wurðe liðe. Line 1823 & scal beon eouwer lauerd; inne þissere leoden. Line 1824 al swa fele ȝere; swa he wonien wulle here; Line 1825 & Aganippus ure king; s[c]al beon is vnder-ling. Line 1826 Wha-swa wulle libba; alde þas sibba; Line 1827 & ȝef o man hit wille breken; on ueste it bi[ð] iwreken. Line 1828 & wite he alle is mon; þat he here haldet. on. Line 1829 Þa answareda þa duȝeþa; Don we hit wullet Line 1830 lude and stille; al þes kinges wille. Line 1831 Þurð-out al þat ulke ȝer; heo duden al þus þer. Line 1832 mid muchelere sibba; mid mocheleære seahte. Line 1833 Þa þeos ȝer wes a-gon; þa wold Leir king fare ham. Line 1834 to þisse londe liðen; and ȝer((n))de þeos kinges leue. Line 1835 Þe king Aganippus answerede him þus; Line 1836 Ne scalt þu neuere þider faren bute mochelure ferde. Line 1837 ah ich þe wulle lanen; of mine leode-folc Line 1838 fif hundred schipes. ifulled mid cnihten; Line 1839 & al þat heom bihoueð; to habben on fore. Line 1840 And þine dohter Cordoille; þa is þisse londes quene. Line 1841 heo scall mid mochelure ferde faren mid þe; Line 1842

Line 1842 an liþen to þen londen; þer þu were leode((ne)) king. Line 1843 and ȝef þu miht æine finden þe þe wulle aȝen-stonde; Line 1844 binimen þe þine rihte & þine kine-riche. Line 1845 þu ahliche ueht. & fel heo to grunde; Line 1846 & irum al þat lond. and sete hit Cordoille an hond; Line 1847 þat heo hit al habbe. efter þi[ne] daie; Line 1848 Þas wordes seide Aganippus. & Leir king dude þus; Line 1849 and al he iworhte. swa his freond him tahte. Line 1850 To þisse lon[d]en he com liðen. mih leoue his dohter; Line 1851 He higreðe[d]e mid þane beste; þe him buwen wolden. Line 1852 & alle he ham fulde; þe him wit feohten. Line 1853 and he al þis kine-lond; biwon to his aȝere hande. Line 1854 & ȝef hit Cordoille; þe wes Francene quene. Line 1855 and hit ane stunde; stod a þissene ilke. Line 1856 Leir king one leoden; þreo ȝer leouede. Line 1857 þæ com his ende-dæi; þat þe king ded læi. Line 1858 Inne Leirchestre; his dohter hine leide. Line 1859 inne Ianies temple; al swa þe b[o]c tellet. Line 1860 and Cordoille heold þis lond; mid hæȝere strenðe. Line 1861 fulle fif ȝere; quene wes here. Line 1862 þa while Francene king; fæisiðe makede. Line 1863 and Cordoille com þat wourd; þat heo was iworðen widewe. Line 1864 Þa come þa tidende; to Scottlondes kinge. Line 1865 þat Aganippus was dead; Leir king idæied. Line 1866 He sende þurh Brittaine; into Cornwaile. Line 1867 & hehte þane duc stronge; heriȝen in suð londe. Line 1868 and he wolde bi norðen. iahnien þa londa. Line 1869 For hit was swuþe mouchel scome; & ec swiþe muchel grame. Line 1870 þat scholde a quene; beon king in þisse londe. Line 1871 & heora sunen beon buten; þa weren hire beteren. Line 1872 of þan aldre sustren; þa þa æðelen sulden habben. Line 1873 Nulle we hit na-more iþolien; al þat lond we wulleð habben. Line 1874 Heo bi-gunnen werre; [w]anne com on west. Line 1875 & þere quene suster sunen; sumneden ferde. Line 1876 Heo[re] nomen weren ihaten þus; Morgan & Cunedagius. Line 1877 Ofte heo ledden ferde; ofte heo fuhten; Line 1878

Line 1878 ofte heo weren buuenne; and ofte bi-noðen. Line 1879 Þat com at þan laste; þat heo wes alre leofust. Line 1880 þe Bruttes heo sloȝen; Cordoille heo nomen. Line 1881 Heo duden heo in quarterne; in ane quale-huse. Line 1882 heo werðede heore moddri; mare þene heo sulden;. Line 1883 þat þe wimman was swa wroð; þat hire sculuen heo was lað. Line 1884 Heo nom enne longne cnif; & bi-nom seoluen þat lif. Line 1885 Þat wes an uuel ræd; þat hire suluen makede dead. Line 1886 Þeo wes al þis kine-lond; an Morgan & Cunedagies heond. Line 1887 heo fengen to þissen lond; and mid fuhten hit bi-wunnen. Line 1888 Þa dælden þa broþeran al þis driht-liche lond. Line 1889 Cunedagius bi þare Humbre. hauede al þe[t] west; Morgan hauede norð & est. Line 1890 & swa heo heolden. al þis lond; ale þe twa ȝere. on heore heond. Line 1891 Þa þe twa ȝer weren agon; þa twineden here þonkes. Line 1892 Morgan wes in Scottlond; þene norð ende he hauede ane honde. Line 1893 inne Cornwale. Cunedagies he hauede moni god hus; Line 1894 Morgan hafte on hirede. swiðe monie cnihtes. Line 1895 þeo ne luuede noht þas leoden. ah laið heo hem weoren; Line 1896 He taleden wið Morgan; & is cnihtscipe tælden Line 1897 and þus him to seiden; þa vnselie mon. Line 1898 Lauer[d] Morgan whi nult þu faren; & fusen þine ferden. Line 1899 and faren ȝend al Brutlond; & nimen hit to þire heonde. Line 1900