Layamon's Brut (British Museum Ms. Cotton Caligula A.IX)

Lines 15101 through 15200

Com þer a bur-cniht. Line 15101 he wes þes kinges suster sune; Brien hehte his nome. Line 15102 he nom his lauerdes hefd; þe leof him wes on uolke. Line 15103 in his bærm he hit læide; & his lockes he to-scædde. Line 15104 Þe king him gon to slæpen; and Brien gon to wepen. Line 15105

Line 15105 urnen þa teres; uppen þes kinges leores. Line 15106 and þe king awoc of slepen; wete weoren his wongen. Line 15107 he g((r))apede an his nebbe; he wende þat hit bledde. Line 15108 and bisæh uppen Brien; mid braden his lechen. Line 15109 Þa isah he of Brien; his teres ut luken. Line 15110 sære gon þe kempe; wepen ouer kinge. Line 15111 Þa axede þe king anan; Cadwalan ihaten. Line 15112 Whæt is þe leofe mæi; þat þu swa wepest to-dæi. Line 15113 þu ært ihalden kene gume; hauest þu nu quene þeouwes inume. Line 15114 Sæiȝe me biliue; hu þe beon on siðe. Line 15115 Brien þa andswerede; cniht mid þan bezste. Line 15116 Nu we maȝen wepen; [mi]d wanliche i-beren. Line 15117 halden us for hæne; þer we weoren heȝe. Line 15118 Nu þu wult under-uon; þat nauer ær nes idon. Line 15119 tweien kinges halden; kine-helmes on londen. Line 15120 Nuðe we scullen wepen; þæ ær richen weoren. Line 15121 for wurðscipe ualleð adune; þer wes ær wunne. Line 15122 Cadwadlan þis iherde; þe king wes on londe. Line 15123 and iwærð him abo((l))ȝe; bitter ane swiðe. Line 15124 and a-neouste sende sonde; to Edwine kinge. Line 15125 and hehte hine; hihȝenliche; uaren of his riche. Line 15126 For ne scal he nauere bi mine quiken liuen; kine-helm broken. Line 15127 and ȝif he hit wul auon; ich hit wulle wernen. Line 15128 and ic hine biræuien wulle; at his baren liue. Line 15129 & nimen al Norð-humberlond; to mire aȝære hond. Line 15130 and walden al his riche; and he scal wurðen hene. Line 15131 Þas tidende me brohten; to Adwine kinge. Line 15132 & he iwræð abolȝen; wunder ane swiðe. Line 15133 swa bið a bar wilde; Line 15134 þenne he bið in holte. bi-stonden mid hunden; Line 15135 and þas andsware kende. wraðest alre kingen. Line 15136 Swa me helpen Drihten; þa scop þas dæiȝes lihten. Line 15137 and þa halidomes alle; þa wunieð inne Rome; Line 15138 kine-helm ich wulle bruke; & he hit scal abugge. Line 15139 and þer-uore ibiden; bitterest alre balewen. Line 15140 he scal habben paþes weste; and wildernesse inoȝe. Line 15141 and moni mod-sorhȝe; his monscipe scal ualle. Line 15142 Al swa hit ilomp suððe; þær-æfter ful sone. Line 15143 Æiðer þratte oðer swiðe; and þruste mid worde. Line 15144

Line 15144 & swa heo to-delden; dæd heo bi-hehten. Line 15145 Ædwine wes kempe; his men weoren kene. Line 15146 Cadwaðlan wes cniht god; and he hafde muchel mod. Line 15147 Edwine wende ouer Humbre; and Ca[d]waðlan to Lundene; Line 15148 þas kinges weoren wraðe. þa a-ræs þa weore; Line 15149 Heo riden and heo arnden. heo herȝede and heo barnde; Line 15150 heo sloȝen & heo nomen; al þat heo neh comen. Line 15151 wa wes þan beondes; þa on londe wuneden. Line 15152 Cadwalan wes inne Lundene; and somnede his leoden. Line 15153 wide he sende sonde; ȝeond feole kine-londe. Line 15154 he hafde on his ferde; fifti þusende. Line 15155 here-kempen heȝe; to hermen swiðe kene. Line 15156 Adwine bi norðe; his writen nom aneouste. Line 15157 and sende in to Denene; Line 15158 to Galwaðe & to Scot-lond. þat stod on Edwines hond. Line 15159 he somnede uerde; ȝeond. alle his ærde. Line 15160 þat he isomned hafde; sixti þusende. Line 15161 cnihtes swiðe kene; wode to uihte. Line 15162 Cadwaðlan gon liðe; ut of Lundenne. Line 15163 touward Norð-humbre; hærmes he wrohte. Line 15164 he for ouer Humbre; hiȝen-liche swiðe. Line 15165 and bigon to westen þat lond; þat stod on Edwines hond. Line 15166 Þa wes Edwine king; ærhðen bideled. Line 15167 and he forð-rihtes; spac wið his cnihtes. Line 15168 Wurðe for niðing þe mon; þe nule hine sturien. Line 15169 habben bares heorte; and remes brede. Line 15170 cuðen þan kinge; þat we quiken sunde. Line 15171 He lette blawen bemen; and bonnien his uerden. Line 15172 forð he gon wende; þat he com to þan ende. Line 15173 þer þe king Cadwaðlan; wunede on cumelan. Line 15174 To-gadere gunnen resen; þeines riche. Line 15175 breken speren longe; sceldes brastleden an honde. Line 15176 heouwen heȝe helmes; scænden þa brunies. Line 15177 feollen ærm kempes; æmteden sadeles. Line 15178 drem wes on uolc%ke. þa eorðe gon to dunien; Line 15179 urnen þa brockes. of reden blodes. Line 15180 feollen þa fo((l))ckes; falewede nebbes. Line 15181 Bruttes gunnen breoðen; balu wes on uolken. Line 15182

Line 15182 Þus heo gunnen delen; þene dæi longe. Line 15183 riht to þan euening; þa fleh Cadwalan þe king. Line 15184 and Edwine him after gende; mid allen his imihten. Line 15185 Alle niht Cadwalan; flah mid his cnihten. Line 15186 nefden he of his ferde; buten fif hundred cnihten. Line 15187 heo fluȝen to Scotlonde; sorhen heom com on honde. Line 15188 And Edwine after an-non. mid fiftene þusend monnen. Line 15189 baldere þeines; heore beot wes iuorðed. Line 15190 Fulede þere uerde; folc unimete. Line 15191 from dæiȝe to daȝe; þene king heo gunnen driuen. Line 15192 soð is on þan spellen; heo þohten hine aquellen. Line 15193 Cadwaddlan flæ[h] to þere sæ; scipen he þer funde. Line 15194 þa scipen heo gunnen hure; mid ahten swiðe deore. Line 15195 into Irlonde; þa scipen gunnen wende. Line 15196 hauene heo þer nomen; isund þa scipen comen. Line 15197 Þa ahte Irlond; a king þat wes swiðe strong. Line 15198 he hehte Gille Patric; god king i þan rich. Line 15199 he underfeng Cadwalan; faire nid his cossen. Line 15200