Layamon's Brut (British Museum Ms. Cotton Caligula A.IX)

Lines 15001 through 15100

þat mare luue weore ifunden; bi-tweone twei kingen. Line 15001 for þat þe an hafden; þat heo hafden beien. Line 15002 þe an heold þene oðer deorluker þene bro[ð]er. Line 15003 Beien heo wifes nomen; ofte heo to-gadere comen. Line 15004 þa þe wifes iwedded weoren; on ane time to bedde heo eoden. Line 15005 æiðer mid his lufe wende; toward heore wife. Line 15006 he streoneden tweien sunen; beien an ane timen. Line 15007 beien an ane dæie; heo weoren afte iborne. Line 15008 to-gadere heo weoren ibredde; to-gadere heo weoren iuedde. Line 15009 Þa children wuxen; and wel iðoȝen. Line 15010 wel wes heore aldren; Line 15011 For to uæstnen þa luuen; of leofuen heore uæderen. Line 15012 to-somne me heom tahte; to-somne me heom tuhte. Line 15013 beien heo wereden; anes kunnes iweden. Line 15014 al swa duden þa children; swa ær duden þa aldren. Line 15015 swa mouchel luue heolden þat sellic þuhte monnen. Line 15016 And þus heo wuneden here; wel feole ȝere. Line 15017 þat þæ children weoren; muchele iwaxen. Line 15018 riden uppen steden; and luueden cnihtes iweden. Line 15019 heore maines heo uondeden; wel ueole siðen; Line 15020 heore armes weore stronge; heo breken scaftes longe. Line 15021 mid longe sweorden heo smitten; þa ȝifen smærte biten. Line 15022 Heore uaderes þa comen; mid mucle faȝernessen. Line 15023 inne Bruttaine; mid muclere blisse. Line 15024 þa ȝet þat lond-riche; hehte Armoriche. Line 15025 þa ȝunge men me dubbede. beiȝene to cnihte. Line 15026 Wið an lut%tel ȝeren; þa uaderes dede weoren. Line 15027 and þa twa children; weoren ihouen to ki[n]gen. Line 15028 æiðer heold his i-cunden; swa duden ær heore ældren. Line 15029 Þæ wes inne Cantware-buri; þa burh wes þa swiðe muri. Line 15030 an ærche-biscop; þe wes mon swiðe god. Line 15031

Line 15031 he for-ba[d] þan kingen; kine-helm to nimene; Line 15032 a þat hin-seolf comen; and setten hine an heore hafden. Line 15033 Þat bod wes ihalden; a þas ærchebiscopes onwalden. Line 15034 and Cadwadðal his lond haueden; a þis hælue þere Humbre. Line 15035 and Edwine al bi-ȝeonde; touward þan norð ende. Line 15036 kinges heo weoren ((i))houene; & kinges isworene. Line 15037 ah for-bode wes þa crune; an ure Drihtenes nome. Line 15038 Cadwalan þohte. þe wes Cadwanes sune. Line 15039 ofte he hine bi-þohte what he don mahte. Line 15040 seoððen heore faderes beiene; forð weoren i-farene. Line 15041 Næfde þa seht-nesse ilast; buten seouen ȝere urist. Line 15042 Cadwalan hefde; castles swiðe monieȝe. Line 15043 and þe riche-dom stod; mære on Cadðwalanes hond. Line 15044 Cadwaðlan gon liðe; in-to Londene. Line 15045 he sende men gode; after þan erchebiscope. Line 15046 and hehte ful sone; þat he to Lundene come. Line 15047 Þa he to Lundene com; iqueme hit wes þan kingen. Line 15048 þe king auoten eode; to-ȝeines þan erche-biscope. Line 15049 wið-uten his halle dure; and sæide Þu art wilcume. Line 15050 & leof-liche hine bihedde; & lauerd hine cleopede. Line 15051 He aȝaf ure Drihten; ælchere irihten. Line 15052 he spac of feire lære; & al of Godes are. Line 15053 his spechen weoren gode; wið þan ærche-biscope. Line 15054 Þe king hine bi-þohte; feire & swiðe ofte. Line 15055 þat he on his icunde; king hine makede. Line 15056 To ane isette dæiȝe. þat folc þær i-somnede. Line 15057 þer mæ Cadwaðlan sone; makede to kinge. Line 15058 muchel wes þa blisse; þat wæs in þære burȝe. Line 15059 Of þisse uare-coste; Adwine na-þing nuste. Line 15060 a[h] sone swa he hit wiste; wrað he wes an heorte. Line 15061 and seide auere wið and wið; Ich wulle makien un-frið. Line 15062 and al ic wulle aquellen; þat ich quike uinde. Line 15063 of Cadwaðlanes uolke; ualsest alre monne. Line 15064 Uerde he go[n] gaderen; of feole þusend monnen. Line 15065 he hehde ituht to herie; a þas half þære Humbre. Line 15066 Eoden heom to ræde; cnihtes swiðe gode. Line 15067 alle þa wiseste men; þa weore inne londe. Line 15068 heo lerden Edwine king; þe wes heore lauerd. Line 15069

Line 15069 þat he sende his sonde; to Cadwaðlane kinge. Line 15070 & bisohte hine uæire; alse his leofe broðe[r]. Line 15071 and for þere muchele luue; þa heolde heore aldren. Line 15072 þat hine letten king beon; and his kine-halm avon. Line 15073 and he wolde aȝein wenden; heom to his folke; Line 15074 ouer þere Humbre. and g((r))ið þær halden; Line 15075 and ner æft a-ȝen teon. wið þan he moste king beon. Line 15076 ihouen and ihalden; þurh þene heȝe Godd. Line 15077 and he wolden bi his liuen; Cadwalain luuien. Line 15078 and beon ȝaru to his neode; an ælchere þeode. Line 15079 Þis iherde Cadwalan; þe king wes bi suððen. Line 15080 and he andswerede; mid aðelere speche; Line 15081 Nu ich iherd habbe; [wordes wise Line 15082 of Edwine his bisocne] þe is mi broðe[r] deore. Line 15083 ich me bi-ræde wulle; of swulchere neode. Line 15084 and after ane lutel daȝen; him andsware ȝeuen. Line 15085 whaðer he hit wolde iunne; oðer him for-beode. Line 15086 hu swa his riche men; ræden him wolden. Line 15087 Þe dæi wes isæt; a[h] lutel mon wes þe bet. Line 15088 Þa þis al wes iwurðen; þa comen heo to ane uorde. Line 15089 Duglas þa water wes ihaten; þer heo tou-wenden. Line 15090 þer wes þa motinge; bituxe þan twam kinge. Line 15091 Ædwine bisohte; mid alle þat he mahte. Line 15092 þat Cadwalan him þolede; kine-helm to beberene. Line 15093 and he hine wolde luuien; a to his liuen. Line 15094 Riche men eoden to ræde; of swulchere neode. Line 15095 summe hit gonnen ræden; summe to for-beoden. Line 15096 summe þer heolden wel to; summe nolden hit no. Line 15097 Þa while þa cnihtes wise; þa spechen sculden rihte. Line 15098 þe king in are medewe; alihte of his stede. Line 15099 þan kinge luste slepe; þa riche weoren at rede. Line 15100