Layamon's Brut (British Museum Ms. Cotton Caligula A.IX)

Lines 14901 through 15000

and feolen to his foten; and his grið ȝeornden. Line 14901 and beden hine for Godes leoue; leten heom beon on londe. Line 14902 and ((ho)) him wolden foren bidden; to þan heȝen kingen Line 14903 Þa andswarede; for-cuðest kinge. Line 14904 Lusteð nuðe alle; whæt ich sugge wulle. Line 14905 wendeð ut a þan felde; mid eower mon-werede. Line 14906 and ich eou wulle word senden; hu hit scal iwurðen. Line 14907 and mine ræd-ȝiuen; reden me wulleð. Line 14908 Vt wenden munekes; & þa masse-preostes. Line 14909 vt wenden clærkes; vt wenden canones. Line 14910 alle ut wenden; þa þer icumen weoren. Line 14911 þes kinges grið to wilnien; for lufe of Godd seolfne. Line 14912 Wið-uten þere burȝe; an ane uelde brade. Line 14913 wes isomned þat folc sone; sorȝe heom wes ȝefðe. Line 14914 Aluric nom to rede; þeh na [m]a[n] hine ((ne)) bede. Line 14915 þat he al þas wolde feollen to þan grunde. Line 14916 He sende forð-rihtes fif hundred cnihtes. Line 14917 and niȝen hundred mid heom; balde men afoten. Line 14918 mid mucle wi-axen; a þene ueld wenden. Line 14919 and [mid] unrihtes sloȝen; al þat heo neh comen. Line 14920 Heo ualden to grunde; fiftene hundred. Line 14921 and fife and sixti anan. selere monnen. Line 14922 boc-ilerede men; balu wes on uolken. Line 14923

Line 14923 Þis sone wes itald; wide & side. Line 14924 Þa weoren on londe; þreo heȝe men italde. Line 14925 and al þa Bruttes anan; halden to þan ilken. Line 14926 Baldric þe kene; eorl of Cornwale. Line 14927 swa hehte þe an; heh mon on londen. Line 14928 he heold Deuene-scire; al an his honde; Line 14929 alse þet wate((r)) Desse; wendeð into þere sæ. Line 14930 Bruttes þat lond heolden; wel swiðe longe. Line 14931 a þat Aðestan þe stronge. þe king of þissen londe; Line 14932 heom binom þas londes alle. and drof heom ouer Tambre. Line 14933 þat nauere heo þas kine-þeode; seoððen no walde. Line 14934 Inne Norð Wales wes a king; Cadwan þe kene. Line 14935 of Suð Wales; Margadud; monnen alre uæȝerest. Line 14936 al þat lond sele; into Sæuerne Line 14937 from þan ufere ende; þat wendeð in-to þare sæi. Line 14938 Inne Maluerne; aneouste Seuarne. Line 14939 Margadud king wunede; mid swiðe mucle uolke. Line 14940 and Aðelstan him lað to; þe king of þissere leode. Line 14941 and heom heold swa harde; & mid hærme heom igrette. Line 14942 and dreof heom mid his wepnen; ut ouer Weȝen. Line 14943 and þat lond binom heom; þat lið þer bi-twixen. Line 14944 Seuerne and Weȝe; no walden heo hit seo[ð]ðen. Line 14945 Margadud & Baldric; & Cadwan þe balde. Line 14946 somneden ferde of folke unimete. Line 14947 and foren uppen Aluriche; þan kinge of Norð-humbre. Line 14948 and hardliche wið him fuhten; and his ferde felden. Line 14949 Þer iwarð sone; for-wunded ful sære. Line 14950 þe king of Norð-humbre; þat comp wes vnimete. Line 14951 þer wes Baldric eorl anan; mid bronden to-heouwen. Line 14952 i þan compe þer ueollen; ten þusend cnihten. Line 14953 þurh steles biten; baldere Brutten. Line 14954 Anglisce & Sexisce; seouentene þusend. Line 14955 mid machen weoren to-heowen; þa hep wes þa lassen. Line 14956 Æluric him uorð heolde; in-to Norð-humbre. Line 14957 for-wunded swiðe sare; sorhful wes his duȝeðe. Line 14958 Comen i þissen londe to ane hustinge. Line 14959

Line 14959 Cadwan and Margadud; and heore mon-weorede. Line 14960 buȝen uorh mid heom; al Brut-leoden. Line 14961 to Leirchestre foren; and þa burh nomen. Line 14962 Þa hehten heo an hiȝinge; cumen to hus-tinge. Line 14963 al þat wolde libben; inne þissere leoden. Line 14964 Þer comen Ænglisce; þer comen Sexise. Line 14965 þer heo makeden to kinge; Cadwan þene kene. Line 14966 al hit him aloðede; þat he on lokede. Line 14967 þa weoren Æluriches wunden; inne Norhhumbre; Line 14968 alle iheled. ah þe helðe was neoðered. Line 14969 for lur%re of his monnen; and for his leoden uallen. Line 14970 Æluric iherde; from þes kinges hirede. Line 14971 feole tidende of Cadwane kinge. Line 14972 þrattes unimete; of alre laðest monne. Line 14973 Æluric sende sonde into Scotlonde. Line 14974 and into Norð londe; þer he cnihtes mihte uinden. Line 14975 and after al þan uolke; þe þer cumen mihte. Line 14976 and bad heom heore helpes; to heȝere neodes. Line 14977 Cadwan gadere[de] uerde; ȝeond alle þissen ærde. Line 14978 and al of Wælisce londe; comen to his honden. Line 14979 and heolde hine forð seoððen; to-ward Norð-humbren. Line 14980 Aluric þis iherden; and him toȝæines wenden. Line 14981 þat nas heom bi-tweounen; buten bare twa milen. Line 14982 fusden þa uerden; swulc heo wolden uehten. Line 14983 Þa isæȝen eorles. þa iseȝen beornes. Line 14984 biscopes þa iseȝen; and boc-ilarede. men. Line 14985 ȝif heo to-gadere comen; & mid wepnen on-sloȝen. Line 14986 þat þær sculde ualle; moni beor[n] fæie. Line 14987 Ofte heo biþohten; what heo don mahten. Line 14988 heo setten grið heo sette frið; to anes dæiȝes firste. Line 14989 heo speken heom to-somne; & spileden bitweonen. Line 14990 þat heo wolden alle; þa kinges sehtn((i))e. Line 14991 Þer iwurðen sahte; þa kinges beie tweien. Line 14992 sæhte and some; heo custen wel ilome. Line 14993 þas kinges wel ilomen; mid luue heom icusten. Line 14994 eorl custe oðer; swulc hit weore his broðer. Line 14995 sweines þer ploȝeden; blisse wes mid þeinen. Line 14996 Æluric wes king on londe; bi norðen þere Humbre. Line 14997 and Cadwan wes king sele; a suð half þere Humbre. Line 14998 blisse wes on hireden; mid balden þat kingen. Line 14999 Næs hit isæid næuere; an sæȝe no on leoðe. Line 15000