Scene 6
Kynrede.
Here be we now at your commaundement.
Line 319
Cosyn, I praye you shewe vs your entent
Line 320
In ony wyse, and not spare.
Line 321
Cosyn.
Ye, Eueryman, and to vs declare
Line 322
If ye be dysposed to go ony-whyder;
Line 323
For, wete you well, we wyll lyue and dye to-gyder.
Line 324
Kynrede.
In welth and wo we wyll with you holde,
Line 325
For ouer his kynne a man may be bolde.
Line 326
Eueryman.
Gramercy, my frendes and kynnesmen kynde.
Line 327
Now shall I shewe you the grefe of my mynde:
Line 328
I was commaunded by a messenger,
Line 329
That is a hye kynges chefe offycer.
Line 330
He bad me go a pylgrymage, to my payne,
Line 331
And I knowe well I shall neuer come agayne.
Line 332
Also I must gyue a rekenynge strayte,
Line 333
For I haue a grete enemy that hath me in wayte,
Line 334
Whiche entendeth me for to hynder.
Line 335
Kynrede.
What a-counte is that whiche ye must render?
Line 336
That wolde I knowe.
Line 337
Eueryman.
Of all my workes I must shewe
Line 338