1438 E28/61/11 Petition of John Loveyn of Normandy
To þe most Reuerend fader and right grac ious lord Henry Cardinall of England Most loweli be sechithe
vn to youre most gracious and heigh lordship. youre pooure Horatour Iohn Loueyn Natyff in Normandie / wiche Iohn is þe kyng is
truwe liege man of England. and haþ been his Soldiour atte Gurnay in Normandie / bi þe termes of x. yere now
passide / as þe maister of þe said / youre suppli aunt sir Thomas kiryell knyght & late Capitayn of þe
said Gurnay euidenceth can report vn to youre said lordship / wiche suppliaunt now a hole ȝere passide was bi force of þe
Inimyes taken prisoner. and so hider too haþ contynued in duras of pryson yn Beuoys / in þe wiche þer be leide
plegges for þe finance / of youre said suppliaunt .C. li now to be paide. or els his body to pryson aȝen. wiche were
soroufull atte þis tyme / Please hit vn to youre heighnesse. consideryng þe truwe & diligent seruice al so þe
duras of prison of youre pooure suppliaunt. þ at bi þe most gracious socour of youre said lordship and by
þe ordynance & helpe of þe Chaunceler of England. ȝe wuld graciousli graunte to þe same youre suppliaunt a
Saff Conducte in Duwe fourme / he wiþ xxti. persones to come from Brytayne in a Shippe lade wiþ Salt and oþer
merchandise saffeli yn to England / and so to haue sa ff passage aȝen in to Britayne as hit hath been vsed
bi oþer merchantes in like maner bi fore þis . The name of þe said Shippe called