The Canterbury tales
About this Item
- Title
- The Canterbury tales
- Author
- Chaucer, Geoffrey, d. 1400
- Publication
- Boston, Mass.: Houghton Mifflin
- 1957
- Rights/Permissions
-
Available at URL http://www.hti.umich.edu/c/cme/
This text has been made available through the Oxford Text Archive for personal scholarly use only. OTA number: U-1678-C
- Link to this Item
-
http://name.umdl.umich.edu/CT
- Cite this Item
-
"The Canterbury tales." In the digital collection Corpus of Middle English Prose and Verse. https://name.umdl.umich.edu/CT. University of Michigan Library Digital Collections. Accessed June 7, 2024.
Pages
Page 189
Line 1945
Haddestow as greet a leeve, as thou hast myght, Line 1946
To parfourne al thy lust in engendrure, Line 1947
Thou haddest bigeten ful many a creature. Line 1948
Allas, why werestow so wyd a cope? Line 1949
God yeve me sorwe, but, and I were a pope, Line 1950
Nat oonly thou, but every myghty man, Line 1951
Though he were shorn ful hye upon his pan, Line 1952
Sholde have a wyf; for al the world is lorn! Line 1953
Religioun hath take up al the corn Line 1954
Of tredyng, and we borel men been shrympes. Line 1955
Of fieble trees ther comen wrecched ympes. Line 1956
This maketh that oure heires been so sklendre Line 1957
And feble that they may nat wel engendre. Line 1958
This maketh that oure wyves wole assaye Line 1959
Religious folk, for ye mowe bettre paye Line 1960
Of venus peiementz than mowe we; Line 1961
God woot, no lussheburghes payen ye! Line 1962
But be nat wrooth, my lord, though that I pleye. Line 1963
Ful ofte in game a sooth I have herd seye! Line 1964
This worthy monk took al in pacience, Line 1965
And seyde, I wol doon al my diligence, Line 1966
As fer as sowneth into honestee, Line 1967
To telle yow a tale, or two, or three. Line 1968
And if yow list to herkne hyderward, Line 1969
I wol yow seyn the lyf of seint edward; Line 1970
Or ellis, first, tragedies wol I telle, Line 1971
Of whiche I have an hundred in my celle. Line 1972
Tragedie is to seyn a certeyn storei, Line 1973
As olde bookes maken us memorie, Line 1974
Of hym that stood in greet prosperitee, Line 1975
And is yfallen out of heigh degree Line 1976
Into myserie, and endeth wrecchedly. Line 1977
And they ben versified communely Line 1978
Of six feet, which men clepen exametrron. Line 1979
In prose eek been endited many oon, Line 1980
And eek in meetre, in many a sondry wyse. Line 1981
Lo, this declaryng oghte ynogh suffise. Line 1982
Now herkneth, if yow liketh for to heere. Line 1983
But first I yow biseeke in this mateere, Line 1984
Though I by ordre telle nat thise thynges, Line 1985
Be it of popes, emperours, or kynges, Line 1986
After hir ages, as men writen fynde, Line 1987
But tellen hem som bifore and som bihynde, Line 1988
As it now comth unto my remembraunce, Line 1989
Have me excused of myn ignoraunce. Line 1990