Page 68
To my Heart's Joy.
[Lambeth MS. 306, leaf 137.]
(1)
My hertes Ioie, all myn hole plesaunce,
Line 1
whiche that y sarue, and schall do faithfully
with treue Entente and humble obseruaunce
you for to please in that y cane treuely,
besechinge youe, this litil bill and y
Line 5
may hertely, with som plesaunce & drede,
be Recomaundide moste specially
vnto you, the floure of goodely-hede.
Line 8
(2)
And yf ye liste to haue knoweliche of my part,
Line 9
I am in hel, god thanked mote he be,
as of body, bute treuely nat in herte,
nor nat schall be til tyme y may you see;
but thynketh that y as trewely will be he
Line 13
that for youre Ease schall do my pouer & myȝte,
And schall be your Deffence in all aduerssite
As though that y were dayly in your sight.
Line 16
(3)
I write no more to you, for lacke of space,
Line 17
but y beseche the holy trin[i]te
you kepe and save, be sopporte of his grace,
and be youre Deffence in all aduerssite.
go, litil bill, and say thoue were with me,
Line 21
this same day at myne vp-Ryssinge,
where that y be-sought god of merci
tho to haue my Souerein in his kepeing.
Line 24
(4)
As wyssely god me save
as y am onely yours,
what payne so euer y haue
And will be at all owres.
Line 28