Scottish alliterative poems in riming stanzas. Edited with introd., appendix, notes, and glossary. [n.p.]Scottish Text Society, 1897.

THE PISTILL OF SUSAN. VERNON MS.

I.

ÞER was in Babiloine a bern, in þat borw riche, [folio 317a] [I. Þer woned a berne in.] Þat was a Ieuȝ ientil, and Ioachin he hiht; He was so lele in his lawe, þer liued non him liche, [P. þer was none.] Of alle riche þat renke arayes he was riht. [P. Of all ricchesses þat renke arayed was right. I. Of al þe ryches þat rayned arayed was he riht.] His Innes and his orchardus were with a dep dich, Line 5 Halles and herbergages, heiȝ vppon heiht; [I. hyly on hyht.] To seche þoru þat cite þer nas non sich, Of erbus and of erberi, so auenauntliche I-diht [P. Of arbres and herbes. I. Of erbes and of erbage so dernely dyht.] Þat day, Wiþ Inne the sercle of sees, Line 10 Of Erberi and Alees, [P. Of arborye and aloes. I. Of erbes and of aleres.] Of alle Maner of trees Soþely to say.

II.

He hed a wif hiȝt Susan, was sotil and sage; [I was sotelest of sage.] Heo was Elches douȝtur, eldest and eyre, [I. eldeste in ayre.] Line 15

Line 15 Louelich and lilie whit, on of þat lynage, [I. lufsom and lele of hire lynage.] Of alle fason of foode frelich and feire. [P. faceon and food. I. fasons on fold þe frelyest and fayre.] Þei lerned hire lettrure of þat langage, [Wanting in P.] Þe Maundement of Moises þei marked to þat may, [P. þes markid to þat lair. I. to menske hir as mayre.] To þe Mount of Synai þat went in Message, Line 20 Þat þe Trinite bitok of tables a peire [P. þer the trinite.] To Rede. Þus thei lerne hire þe lawe, Cleer Clergye to knawe, To God stod hire gret awe, [I. Of God stod sche.] Line 25 Þat wlonkest in weede.

III.

He hedde an orchard newe, þat neiȝed wel nere, [P. to his hous nere. I. þat neghid him nere.] Þer Iewus with Ioachim priueliche gon playe; For he real and riche of rentes euer þere, [P. he was rial and riche of rentes euery where. I. He was þe richest and þe ranelest (or rauelest) his rentes to rere.] Honest and auenaunt, and honorablest aye. [P. honourest.] Line 30 Iwis, þer haunted til her hous, hende, ȝe mai here, Two domus of þat lawe, þat dredde were þat day, [P. domysmen. I. domes men.] Preostes and presidens preised als peere, [I. Prestes hye of priuylage were praysed saune pere.] Of whom vr souerein lord sawes gan say, And tolde Line 35 How heor wikkednes comes Of þe wrongwys domes Þat þei haue gyue to gomes, Þis Iuges of olde. [P. þe gomys so olde.]

IV.

Þus þis dredful demers on daies þider drewe, [P. derf domysmen. I. domesmen full derf.] Line 40 Al for gentrise and Ioye of þat Iuwesse, To go in his gardeyn, þat gayliche grewe, To fonge flourus and fruit, þouȝt þei no fresse; [I. thought þem no fres. P. Of þe flowres and þe froyt to fong so fresshe.] And whon þei seiȝ Susan, semelich of hewe, Þei weor so set vppon hire, miȝt þei not sese. [P. set so on her.] Line 45 Þei wolde enchaunte þat child; hou schold heo eschewe? [I. Þei thouth to chaumpen þat schene with chinchif and chewe.] And þus þis cherlus vnchaste in chaumbre hir chese, [P. her chest.] Wiþ chere. [I. To ffere.] Wiþ two Maidenes al on, Semelyche Suson, Line 50 On dayes in þe merion, [P. On dayes menyone.] Of Murþes wol here. [P. wold. I. wolde.]

V.

Whon þeos perlous prestes perceyued hire play, Þo þouȝte þe wrecches to bewile þat worly in wone; [P., I. that worthi.] Heore wittes wel waiwordus þei wrethen awai, [P. Her wittys were wayward þei writhyn away. I. Þer wyttes a wyther|worth þei writhen a-way.] Line 55 And turned fro his teching, þat teeld is in trone. [P. þat told is in trone. I. þat weldes þe trone.] For siht of here souerayn, soþli to say, [I. For suche a soueren lorde.] Heore hor heuedus fro heuene þei hid apon one; [P. hidyn a none. I. hyd apon none.] Þei cauȝt for heor couetyse þe cursyng of kai, [I. þe cursyng of Cayme. P. Cristis curs for ay.] For riȝtwys Iugement recordet þei none, Line 60 Þey two.

Euery day bi day In þe Pomeri þei play, [I. pomer.] Whiles þei mihte Susan assay, To worchen hire wo. [I. To wyrthin.] Line 65

VI.

In þe seson of somere, with Sibell and Ione, [P. Isabell.] Heo greiþed hire til hire gardin, þat growed so grene, [I. Sche glode. P. to gardyn noght to be sene.] Þer lyndes and lorers were lent vpon lone, [P. were bred up on lone.] Þe sauyne and sypres, selcouþ to sene, [P. þe sicamours to sene.] Þe palme and þe poplere, þe pirie, þe plone, Line 70 Þe Iunipere ientel, Ionyng bi-twene, [I. standand be-twene.] Þe rose ragged on rys, richest on Rone, [P. ricchest in sowme. I. ragged opon bote, richest in rane.] Iþeuwed with þe þorn trinaunt to sene, [P. thryvyng to sene. I. thriuand be-twene.] So tiht; [P. So þikke. I. On heyht.] Þer weore Pope-iayes prest, Line 75 Nihtyngales vppon nest, Bliþest Briddes o þe best, In Blossoms so briht. [P. On blosmes to sytte.]

VII.

Þe Briddes in Blossoms þei beeren wel loude, [I. on blossomes þei beren ful lowde. P. on blosmes blokkid wel loud.] On olyues and amylliers, and al kynde of trees, [P. and amylers. I. and aueners (?).] Line 80 Þe popeiayes perken and pruynen for proude, [I. Þies papyniayes pykyn.] On peren and pynappel þei ioyken in pees; [P. þei prikkyn in prees. I. þei pykyn hem in pees.] On croppus of canel keneliche þei croude, [P. þei crowe.]

On grapes þe goldfinch þei gladen and glees; [P. gladyn in her glees. I. þei glathen and glees.] Þus schene briddus in schawe schewen heore schroude, [I. þei schappyn in schrowde.] Line 85 On Firres and fygers þei fongen heore seetes, [P. On ferrers and fygges þei song in her sees. I. On fikes and firres þei fangen her fees (or sees).] In Fay; Þer weore growyng so grene Þe Date wiþ þe Damesene; Turtils troned on trene [I. And þe throstell syngand be-twene.] Line 90 By sixti I sayȝ. [I. Sexty I say.]

VIII.

Þe fyge and þe filbert were fode med so fayre, [P. were found so fair. I. formed ful fayre.] Þe chirie and þe chestein, þat chosen is of hewe, [P. þat chief are of hewe.] Apples and Almaundus þat honest are of ayre, Grapus and garnettes gayliche þei grewe, Line 95 Þe costardes comeliche in cuþþes þei cayre, [I. Þis costardes in kyth ful comelyche þei cayre.] þe Britouns, þe Blaunderers Braunches þe bewe, [P. Brytans þe blaundelers braunches þei knewe. I. With bretouns and blaundrelles on bowes þei bowe.] Fele flourus and fruit, frelich of flayre, [P. frely and faire. I. Þer was fowles and frute freliche fayre.] With wardons winlich and walshe notes newe, [P. Wiþ wardons wardid and walsshnotes trewe.] Þey waled. [P. As y telle. I. At wille.] Line 100 Ouer heor hedes gon hyng Þe wince and þe wederlyng, [P. The qwince and þe qwerdlyng. I. Þe quinces and þe querlyng.] Spyces speden to spryng, In Erbers enhaled. [103-104. P.

Spicys spedely þei spryng,And in herbere þei felle.

I.

Spices sprede and spring,In erber on hille.

]

IX.

Þe chyue and þe chollet, þe chibolle, þe cheue, [C. The chyue, þe cholet, and þe cheseboke cheue. P. The cheruyle, þe cholet, þe chesboll þe cheue. I. Þe cheue and þe chelet, þe chespol þe chefe.] Line 105 Þe chouwet, þe cheuerol, þat schaggen on niht, [C. The chybolle, þe cheueron, þat chaungeth at nyghte. P. The chowet, þe chervell þan chaungyn on nyght. I. þe chaumpet, þe cheuerell þat schon opon heyght.] Þe persel þe passenep, poretes to preue, Þe pyon, þe peere, wel proudliche Ipiht; Þe Lilye, þe louache, launsyng wiþ leue, [C. lawnced full leue. P. launcyng full evene. I. þe launches so lefe.] Þe sauge, þe sorsecle, so semeliche to siht; Line 110 Columbyne and Charuwe clottes þei creue, [C. The columbyne, þe caraway in clottys þei cleue. P. Colombyne and clarrey colourid ful clene. I. Colabyn and karaway in clottys þei cleue.] With Ruwe and Rubarbe, Ragget ariht, [C. rawnged fulle ryghte. P. raylid on ryght. I. raunches ful ryght.] No lees; [C. In rees.] Daysye and Ditoyne, Ysope and Aueroyne, Line 115 Peletre and Plauntoyne Proudest In pres. [P. Pyght in þat pres.]

X.

Als þis schaply þing ȝede in hire ȝarde, [C. Thus þe ȝonge ȝepply ȝede. I. þis ȝarly and ȝouthe ȝede. P. Al þis aray rapely rest in þat ȝerde.] Þat was hir hosbondus and hire, þat holden with hende, [P. þat holdyn were hende. I. halden ful hende. C. holden fulle hende.] "Nou folk be faren from us, þar us not be ferde; Line 120 Aftur myn oynement warliche ȝe weende. Aspieþ nou specialy þe ȝates ben sperde, For we wol wassche us Iwis bi þis welle strende."

For-þi þe wyf werp of hir wedes vn-werde, [C. we wylle warpe of our wedys.] Vndur a lorere ful lowe þat ladi gan leende, Line 125 So sone. By a wynliche welle, Susan caste of hir kelle; [C., P. caught of.] Bote feole ferlys hire bi-felle, Bi Midday or none. Line 130

XI.

Nou were þis domus men derf drawen in derne, Whiles þei seo þat ladi was laft al hire one; [C. þe lady lont hyr alone.] Forte heilse þat hende þei hiȝed ful ȝerne, With wordus þei worshipe þat worliche in wone; [P. Syche woordis þei warpyd to þat worthy in wone.] "Wolt þou, ladi, for loue, on vre lay lerne, Line 135 And vndur this lorere ben vr lemmone? Ȝe ne þarf wonde for no wiȝt vr willes to werne, For alle gomus þat scholde greue of gardin ar gone In Feere. Ȝif þou þis neodes deny, Line 140 We schal telle trewely We toke þe wiþ a-voutri Vnder þis Lorere."

XII.

Þen Susan was serwful, and seide in hire þouȝt: "I am with serwe bi-set on eueriche syde; Line 145 Ȝif I assent to þis sin, þat þis segges haue souȝt, I be bretenet and brent in baret to byde; [C., I. in balis.] And ȝif I nikke hem with nai, hit helpeþ me nouȝt; Such toret and teone takeþ me þis tyde. [P. Such turment and tene. I. So mykyl tray and tene. C. Trybulacyon and tene.]

Are I þat worthliche wreche, þat al þis world wrouȝt, [P. But or y hym wraþ. C. er I þat wordy wrathe. I. Er I schuld wrathe þat worthi.] Line 150 Betere is wemles weende of þis world wyde." Wiþ þis Þo Cast heo a Careful cri, Þis loueliche ladi; Hir seruauns hedde selli, [C., P., I. had ferly.] Line 155 No wonder Iwis.

XIII.

Whon kene men of hir court comen til hir cri, Heo hedde cast of hir calle and hire keuercheue; In at a priue posterne þei passen in hi, [C. þey presyd. I. þei presed.] And findes þis prestes wel prest her poyntus to preue. Line 160 Þo seide þe loselle aloude to þe ladi: [P. þes losels on lowe. C. þo loselles on lowde, I. Lowde on þat lady þos loselles gun lye.] "Þou hast gon wiþ a gome, þi god to greue, [P. Þow hast gamyd.] And ligge with þi lemon In a-voutri, [P. And lyvid. C. And leyn.] Bi þe lord and þe lawe þat we onne leeue." Þey swere; [I. In fere.] Line 165 Alle hire seruauns þei shont [I. were a schonte.] And stelen a-wey in a stont; Of hire weore þei neuer wont Such wordes to here.

XIV.

Hir kinrede, hir cosyns and al þat hire knewe, Line 170 Wrong handes, Iwis, and wepten wel sore, Sykeden for susan, so semeliche of hewe, Al onwyse of þat wyf wondred þei wore. [P. Al unwyse of þat wyf. C. Alle wyues and wydowes. I. Alle wyes for þat wyfe.] Þei dede hire in a dungon, þer neuer day dewe, [P. þer neuer day drewe.]

While domus men were dempt þis dede to clare, [C. domes men had dempte. P. domysmene were deputid. I. domes men were depute. In I. the position of ll. 175 and 177 is reversed.] Line 175 Marred in Manicles þat made wer newe, Meteles, whiles þe Morwen to Middai and mare, [P. tul on þe morow mydday. C. fro the morn tyll mydday. I. fro morne to mydday.] In drede. Þer com hir fader so fre, Wiþ al his affinite; Line 180 Þe prestes sauns pite, [I. saunce pite. P. wiþ out pite.] And ful of Falshede.

XV.

Þo seide þe Iustises on bench to Ioachim þe Iewe; Þat was of Iacobus kynde, gentil of dedes: "Let senden aftur Susan, so semelych of hewe, Line 185 Þat þou hast weddet to wif, wlankest in wedes; Heo was in trouþe, as we trowe, tristi and trewe, Hir herte holliche on him þat the heuene hedes." [P. þe hevyn ledis. I. þe heuen hydes.] Þus þei brouȝt hire to the barre, hir bales to brewe. Nouþur dom ne deþ þat day heo ne dredes Line 190 Als þare. [C., I. Als ȝare.] Hir hed was ȝolow as wyre [P. Her here. C. Hyr here. I. Hir hare.] Of gold fyned wiþ fyre, Hire scholdres schaply and schire, Þat bureliche was bare. [C. Þat borely were bare. I. Þat burly stode bare. P. Þat þo were bare.] Line 195

XVI.

Nou is susan in sale, sengeliche arayed, In A selken schert, with scholdres wel schene. [C. In a serke of sylke. I. In a serke ful schire.] Þo Ros vp with rancour þe Renkes reneyed,

Þis comelich accused with wordes wel kene; Homliche on hir heued heor hondus þei leyed, [C. on here heddys.] Line 200 And heo wepte for wo, no wonder, I wene. "We schul presenten þis pleint, hou þou euer be paied, And sei sadliche þe soþ, riȝt as we haue sene, O Sake." [P. For her sake. C. On sake. I. For sake.] Þus wiþ cauteles waynt, Line 205 Preostes presented þis playnt. Ȝit schal trouþe hem a-taynt, I dar vnder-take.

XVII.

"Þorw-out þe pomeri we passed us to play, [I. þe pomer.] Of preiere and of penaunce was vre purpose; Line 210 Heo com with two Maidens, al richeli þat day, [P. wiþ too maydenys deftly. C. with two maydyns dressyd. I. til hir maydenes dressand.] In riche robus arayed, red as þe rose; Wylyliche heo wyled hir wenches a-way, [C. hyr wenches she wyssed a-way.] And comaunded hem kenely þe ȝates to close. Heo eode to a ȝong mon in a valay, Line 215 Þe semblaunt of susan wolde non suppose, For soþ! Be þis cause þat we say, Heo wyled hir wenches a-way; [C. wyssed.] Þis word we witnesse for ay, [218-220. I.

Þies wordes þat we say,On þis womman verray,Þat wil we mayntan for aye.

] Line 220 Wiþ tonge and wiþ toþ.

XVIII.

Whon we þat semblaunt seiȝ, we siked wel sare, [C. sykyng for care.] For sert of hir souureyn and for hir owne sake. [P. For sorow.]

Vr copus weore cumberous, and cundelet vs care, [C. our care.] But ȝit we trinet a trot, þat traytur take. [P., C. I. to take.] Line 225 He was borlich and bigge, bold as a bare, [P. He was ful bayne and bygge.] More miȝti mon þen we his Maistris to Make. To the ȝate ȝaply þei ȝeoden wel ȝare, [P. they ȝedyn. C. þen ȝede he. I. he hyed him.] And he lift vp þe lach and leop ouer þe lake, [After this line the two following lines are added in I., to make up for ll. 222, 223 omitted in that MS.—

Þe sertan sothe for to say wil we nouth spare,And sche may it not deny, we gun him ouertake.

] Þat ȝouthe. Line 230 Heo ne schunte for no schame, But bouwed aftur for blame; Heo nolde cuyþe vs his name, For craft þat we couþe."

XIX.

Nou heo is dampned on deis, with deol þauȝ hir deue, [The first nine lines of this stanza differ considerably in I. from the other MSS. P. with dool þey her deve. C. with dyn þey hyr deme.] Line 235 And hir domus men vnduwe do hir be withdrawen. [C. þe domesmen derf.] Loueliche heo louted, and lacched hir leue At kynred and cosyn þat heo hed euere iknawen; Heo asked Merci with mouþ in þis mischeue. "I am sakeles of syn," heo seide in hir sawen; Line 240 "Grete god of his grace ȝor gultus forȝiue, [folio 317b] Þat doþ me derfliche be ded and don out of dawen Wiþ dere. Wolde god þat I miht Speke wiþ Ioachim a niht; [P. aright. C. or nyghte. I. to nyht.] Line 245 And siþen to deþ me be diht, I charge hit not a pere." [P. I ȝeve not a pere. C. I ne sett at a pere. I. I counte nouth a pere.]

XX.

Heo fel doun flat in þe flore, hir feere whon heo fond, Carped to him kyndeli, as heo ful wel couþe: [C. karpyd to þat karemon.] "Iwis I wraþþed þe neuere, at my witand, Line 250 Neiþer in word ne in werk, in elde ne in ȝouþe." Heo keuered vp on hir kneos, and cussed his hand: "For I am dampned, I ne dar disparage þi mouþ." Was neuer more serwful segge bi se nor bi sande, Ne neuer a soriore siht bi norþ ne bi souþ; Line 255 Þo þare, [C. Þen þore. I. Als þore.] Þei toke the Feteres of hire feete, And euere he cussed þat swete: "In oþer world schul we mete." Seid he no mare. [258, 260. she instead of he in P. and C.] Line 260

XXI.

Þen Susan þe serwfol seide uppon hiȝt, Heef hir hondus on hiȝ, bi-held heo to heuene: [P. Helt up her hondis. C. Wythe hondys full hye. I. And heued handes apon heyht.] "Þou maker of Middelert, þat most art of miht, Boþe þe sonne and þe see þou sette vppon seuene; [P. þat sit up a sevyn.] Alle my werkes þou wost, þe wrong and þe riht; Line 265 Hit is nedful nou þi names to nempne. Seþþe I am deolfolich dampned, and to deþ diht, Lord, herteliche tak hede, and herkne my steuene So Fre! Seþþe þou maiȝt not be sene Line 270 Wiþ no fleschliche eyene, [P. bodily. I. erthely.] Þou wost wel þat I am clene, Haue Merci nou on me."

XXII.

Nou þei dresse hire to deþ withouten eny drede, And lede forþ þat ladi louesum of lere. Line 275 Grete god, of his grace, of gultes vn-gnede, [P. of yeftes ungwede. C. of gyftes vngnede. I. of gyftes ful gnede.] Help with þe holi gost, and herde hir preyere. [P. Wiþ help of þe holy goost herd.] He directed þis dom and þis delful dede [P., C. derf dede.] To Danyel þe prophete, of dedes so dere; Such ȝiftes god him ȝaf in his ȝouþehede, Line 280 Ȝit failed hit a fourteniht ful of þe ȝere, [278-281. Wanting in I.] [P. faylid hym. C. fayled he.] Nouht layne. Þo criede þat freoly foode: "Whi spille ȝe Innocens blode?" And alle þe stoteyd and stode, [P. þei starid and. I. þei stynted and.] Line 285 Þis ferlys to frayne.

XXIII.

"What signefyes, gode sone, þese sawus þat þou seis?" [P. þu sayes. C. þys sawe and what hyt seythe. I. þu seyth.] Þus þese Maisterful men mouþes can mele. [P., I. witþ mouþes. C. with mowthe.] "Þei be fendus al þe frape, I sei hit in feiþ, [P. Ȝe be fendis. C. Ȝe arn fonned. I. Ȝe bene fonned.] And in folk of I(s)rael be foles wel fele. Line 290 Vmbiloke ȝou, lordes, such lawes ben leiþ, [Wanting in I.] Me þinkeþ ȝor dedes vnduwe such domus to dele; Aȝein to þe ȝild-halle þe gomes vn-greiþ; I schal be proces apert disproue þis a-pele, For nede. [C. In dede.] Line 295 Lat twinne hem in two, [P. Lete disseuere. C. Lett desseuere. I. We schal disseuer.] For now wakneþ heor wo; Þei schal graunte, ar þei go, Al heore falshede."

XXIV.

Þei diseuered hem sone and sette hem sere, Line 300 And sodeynly askede þei brouȝt into þe sale. [P. sodenly a seneke. C. sodeynly þat senek. I. Þan was sodayne asined and browgth.] Bi-fore þis ȝonge prophete þis preost gon apere, And he him apeched sone with chekes wel pale: [C. he apposed hym.] "Þou hast Ibe presedent, þe peple to steere, Þou dotest nou on þin olde tos in þe dismale. [P. in þin olde dayes. I. in þin elde.] Line 305 Nou schal þi conscience be knowen, þat euer was vnclere; [C., I. þy couetyse.] Þou hast in babiloygne on benche brewed muche bale, Wel bolde. Nou schal ȝor synnes be seene Of Fals domes bi-deene; Line 310 For þeose In Babiloyne han bene [P. For ye in B. C. Whyle ȝe in B.] Iugget of Olde. [P. Juggis. C. Jugges.]

XXV.

Þou seidest þou seȝe Susanne sinned in þi siht; Tel nou me trewly, vnder what tre?" "Mon, bi þe muche god, þat most is of miht, Line 315 Vndur a Cyne, soþli, my seluen I hir se." [P. a sene. C. a syne. I. a sayne.] "Nou þou lyest in þin hed, bi heuen vppon hiht; An Angel with a naked swerd þe neiȝes wel nere, [P. is ful ny þe. C. þe nyȝes fulle ne. I. he neghes nere þe.] He haþ brandist his brond brennynde so briȝt, To Marke þi middel at a Mase in more þen in þre, [P. at a messe. I. in meses moo þan in thre. C. To merke þe at medylle in messe in two or in thre.] Line 320 No lese. Þou Brak godes Comaundement, To sle such an Innocent, Wiþ eny fals Iuggement Vn-duweliche on dese." Line 325

Line 325

XXVI.

Nou is þis domus mon withdrawen withouten eni drede, And put into prison aȝeyn in-to place, Þei brouȝten þe toþur forþ whon þe barn bede, To fore þe folk and þe faunt freli of face. "Cum forþ, þou corsed caytif, þou Canaan," he sede; [P. of Canaan sede. C. of Caymes sede. I. of Caynoun sede.] Line 330 "Bi-cause of þi couetise þou art in þis case; Þou hast disceyuet þi self with þin oune dede; Of þi wit for a wyf bi-wiled þou wase In wede. Þou sey nou, so mote þou þe, Line 335 Vnder what kynde of tre Semeli susan þou se Do þat derne dede.

XXVII.

Þou gome of gret elde, þin hed is grei hored, Tel hit me treweli, ar þou þi lyf tyne." Line 340 Þo þat roþly cherl ruydely rored, [C. rodely churle. I. rewful charle.] And seide bifore þe prophet: "þei pleied bi a prine." [C., I. be a pyne.] "Nou þou liest loude, so helpe me vr lord; For fulþe of þi falshed þou schalt ha euel pine; [P. euyl fyne. C. an euylle fyne. I. euel syne.] Þou and þi cursed cumpere, ȝe mou not a-corde. Line 345 Ȝe schul be drawen to þe deþ þis dai ar we dine, So Raþe. An angel is neih honde, [P. nyhond. C. I se an angelle stande.] Takes þe domes of ȝor honde, Wiþ a brennynge bronde, Line 350 To byte ȝou baþe." [P., C., I. To bryttyn.]

XXVIII.

Þen the folk of Israel felle vppon knes, And lowed þat loueli lord, þat hire þe lyf lent; [P. And lovyd.] Alle þe gomus þat hire god wolde gladen and glees, [C. glades. I. gladdes. P. All þe goomes in her game gladid in her glees.] Þis prophete so pertli proues his entent. Line 355 Þei trompe bifore þis traiturs and traylen hem on tres Þorw-out þe Cite, bi comuyn assent. Hose leeueþ on þat lord, þar him not lees, [P. dar hym not lese.] Þat þus his seruaunt saued þat schold ha be schent, In Sete. [C. So swete.] Line 360 Þis ferlys bi-fel In þe days of Danyel, Þe pistel witnesseþ wel Of þat profete. Ihesu crist wiþ mylde steuene [

P. Here endith þe storye of Susanne and Danyell.I. Qui scripsit carmen sit benedictus amen.

] Line 365 Graunt us alle þe blisse of heuene.

Amen.