Page 457
¶ And whyle I made my prayere,
The Owgly Smyth / as ye shall here /
Line 17036
y-callyd / Trybulacïoun,
Whan She herde / myn Orysoun,
And Saugh / by nōōn Occasyoun
I wolde nat leue / my Bordoun
Line 17040
Nor my Skryppe / ffor no manace;
And sawh how / In the samë place
I haddë Chose / to myn Entent /
Reffuge / that was Suffycyent,
Line 17044
In alle Trouble and dysese,
Myn hertly Sorwys / to apese,
And stynte / alle myn Aduersyte,
Anōōn she seydë / thus to me:
Line 17048
Trybulacion. /
¶ 'I am,' quod she / 'lyk off manere
To thylkë wynde / (as thow shalt here,)
That with his blast / maketh fful offte
The levys Ryse / and fflen aloffte
Line 17052
Toward the Skyes / hyh in the heyr. /
Thus haue I / causyd thy Repeyr /
Thurgh my Trowble / pryked tho,
Vn-to Reffuge / ffor to ffle. /
Line 17056
'Caste thy look / toward the hevene / [Stowe folio 301b]
ffer abowe / the Sterrys Sevene /
In thy Contemplacïon /
That wer but / as a leff her doun,
Line 17060
ffor-welkyd / and caste a-way,
Wych by the ground ful lowë lay, [[Cotton MS. begins again.]] [folio 242a]
But, thorgh my commyssïoun,
I ha tournd the vp-se [[so St.]] -doun,
Line 17064
And many a-nother ek also,
With my trouble and with my wo;
And with my toongës I hem chace,
Ageyn the lord whan they trespace,
Line 17068
That I cause hem for to ffle
To god, on hem to han pyte.
'And somme I have ek causyd offte
To fflen vn-to the sterre aloffte,
Line 17072
To whom thow fleddyst with gret labour,