A fourteenth century English Biblical version, edited by Anna C. Paues ...

[verse 1] What þanne schulde we seye [What...seye underlined with Rom. 6 written in a late hand in the margin, S.] ? Schulle we ȝet dwelle stille in sunne, þat grace be plenteuous? [verse 2] God forbede. For we þat beþ dede to sunne, how schulde we ȝit dwelle stille in sunne? [verse 3] Bryþeren, wheþer ȝe ne knowe noȝt þat

whuche of ous beþ y-baptyzed in Crist we beþ y-baptized in his deþ? [verse 4] For we beþ y-beryed to-gedere wiþ hym þorowȝ baptysme in-to deþ: þat ryȝt as Crist a-ros up from deþ to lyf þorowȝ þe blysse of his Fader, riȝt so walke we in a newe manere of lyfynge. [verse 5] And ȝif we beþ y-plaunted to-geder & i-mad to þe lyknesse of his deþ, we schuleþ ben also to-geder [verse 6] in þe lyknesse of his rysyng aȝeyn from deþ to lyf: knowynge þis [þis twice S.P.] þing, þat oure olde man is crucyfyed, þat þe body of sunne be distroyed, þat her-aftur we ne serue noȝt to sunne; for he þat dyed is y-iustified from sunne. [verse 7] , [verse 8] & ȝif we beþ dede wiþ Crist, we byleueþ þat we schulleþ lyuen also wiþ [P folio 38] hym; [verse 9] knowynge þat Crist þat aros up from deþ to lyf ne dyeþ noȝt nowþe; ne deþ schal neuere her-after haue lordschupe up-on hym. [verse 10] For þat he dyed ones, he dyed to sunne: but þat he lyueþ, he lyueþ to God. [verse 11] & so trowe ȝe, þat ȝe ȝowself been dede to sunne & lyuynge to God in oure [ȝoure P.] Lord Iesu Crist. [verse 12] & þerfore ne [S folio 33b] [Heading: Romanes in a late hand throughout, S.] regne þere no sunne in ȝoure dedlyche body, [verse 13] þat ȝe ben boxum to his coueytynges; & ne ȝeue ȝe noȝt ȝoure membris to ben armer of wikkednesse to sunne; but ȝefeþ ȝow-selfen to God as lyuynge men of dede men, & ȝoure membrys armer of riȝtfulnesse to God. [verse 14] For sunne ne schal noȝt haue lordschupe in ȝow her-aftur: for ȝe beþ noȝt vnder lawe, but vnder grace. What þanne? [verse 15] Schulle we don sunne, for we beþ noȝt vnder lawe but vnder grace? God forbede. [verse 16] Wheþer ȝe ne knoweþ noȝt, þat to hym þat ȝe ȝefeþ ȝow-selfen to ben seruauntes, to ben buxum to hym, his seruauntes ȝe beþ to whom ȝe beþ boxum; wheþer it be of sunne to deþ, oþer of boxumnesse to riȝtfulnesse. [verse 17] & I þonke God, þat ȝe habbeþ y-ben seruauntes of sunne, but nowþe ȝe han obeysched of herte in-to þat forme of techynge, þat ȝe [verse 18] beþ now y-take to; & ȝe beþ y-maad fre of sunne & seruauntis of riȝtfulnesse. [verse 19] Y seye [seyen S.P.] þing þat parteyneþ to man for þe infirmite of ȝoure flesche: for riȝt as ȝe han y-ȝefen ȝoure membres for-to serfen to [P folio 38b] vnclennasse & to wickednesse in-to sunne: so ȝeueþ ȝe nowþe ȝowre membres for-to seruen to riȝtfulnesse in-to holynes. [verse 20] For whanne ȝe weren seruauntis

of sunne, ȝe weren fre of riȝtfulnesse. [verse 21] What fruyt had ȝe þanne in þilke þinges, in þe whuche þinges ȝe beþ aschamed nowþe? for þe ende of hem is deþ. [verse 22] But nowþe ȝe beþ y-maad fre of sunne, and seruauntes to God, & ȝe han ȝoure fruyt holynesse, & þe ende þerof an euerlastynge lyf. [verse 23] For þe mede of sunne is deþ; but þe grace of God is an euerlastynge lyf in Iesu Crist oure Lord.