of sunne, ȝe weren fre of riȝtfulnesse. [verse 21] What fruyt had ȝe þanne in þilke þinges, in þe whuche þinges ȝe beþ aschamed nowþe? for þe ende of hem is deþ. [verse 22] But nowþe ȝe beþ y-maad fre of sunne, and seruauntes to God, & ȝe han ȝoure fruyt holynesse, & þe ende þerof an euerlastynge lyf. [verse 23] For þe mede of sunne is deþ; but þe grace of God is an euerlastynge lyf in Iesu Crist oure Lord.
[verse 1] Wheþer [S folio 34] ȝe ne knoweþ noȝt, breþeren, for to þilke þat knoweþ þe lawe y speke, for as longe as a man lyfeþ þe lawe haþ lordschupe on hym. [verse 2] For a womman þat is vnder here housbonde whyles þat hure housbonde lyfeþ heo [ȝe P.] is y-bounde to þe lawe; but ȝif hure housbonde be deed, he is delyuered from þe lawe of hure housbonde. [verse 3] Þanne, whyles hure housbonde lyfeþ, he schal be cleped a spousebrekere ȝif he be wiþ an oþer man: bote ȝif hure housbonde be ded, heo is delyfered from þe lawe of hure housbonde, þat heo [S folio 34] ne [om. P.] be noȝt y-cleped a spousebrekere, þauȝ heo [S folio 34] be wiþ an oþer man. [verse 4] & so, breþeren, ȝe beþ y-maad ded to þe lawe by þe body of Crist; þat ȝe ben of anoþer þat ros up from deþ to lyfe, þat ȝe schulden make [P folio 39] fruyt to God. [verse 5] For whan we weren in þe flesch, þe passyones of sunnes, þat weren þoroȝ þe lawe, wroȝten in oure membres þat we schulden make oure fruyt to [deþ] [om. S.P.] . [verse 6] Bote we beþ now vnbounden from þe lawe of deþ in whom we weren y-holden, so þat we serfen in þe neweschupe of þe spyryt, & noȝt in þe oldenesse of þe letter. [verse 7] What schulle we seye þanne? þe lawe is sunne? God forbede. But y [we crossed through and y added above the line, P.] knewe no sunne bote þoroȝ þe lawe: for y knew noȝt coueytyse, bote for as muche [verse 8] as þe lawe sayde, Þou ne schalt not coueyte: & so in takynge an occasyon by þe comaundement of þe lawe, sunne haþ y-wroȝt in me eferiche couetyse: for wiþ-outen lawe sunne was ded. [verse 9] & ych lefed sumtyme wiþ-outen lawe: bote whanne [bote whanne crossed through, P.] þat þe comaundement of þe lawe was y-come, sunne [verse 10] lyfed aȝeyn, bote ich was ded; & so þe comaundement, þat [verse 11] was y-founde to lyf, it was to þe deþ: for in takynge an
